ຄວາມສຳພັນ
ເຮັດໜ້ອຍແຕ່ໄດ້ຫຼາຍ ແບບນີ້ແຫຼະເຂົາຈະຕົກຫຼຸມຮັກເຮົາ ລອງໃຊ້ວິທີ Micro-mance ເບິ່ງແມະ
ເຄີຍສົງໄສບໍ່ວ່າ ບາງຄັ້ງຄົນເຮົາກໍຕົກຫຼຸມຮັກກັນໄດ້ຈາກເລື່ອງເລັກນ້ອຍໆທີ່ເບິ່ງຄືບໍ່ຫຍັງຫຼາຍ. ບໍ່ຕ້ອງເຖິງຂັ້ນໃຫ້ດອກໄມ້ຊໍ່ໃຫຍ່ ຫຼື ພາໄປດິນເນີພາຍໃຕ້ແສງທຽນທີ່ແສນໂຣແມນຕິກ, ພຽງແຕ່ການກະທຳເັລກໆນ້ອຍໆທີ່ເອີ້ນວ່າ “Micro-mance” ກໍສາມາດຈຸດປະກາຍຄວາມຮູ້ສຶກດີໆໃນໃຈຂອງເຮົາໄດ້ແລ້ວ. Micro-mance ຄືຊ່ວງເວລາເລັກນ້ອຍທີ່ສະແດງເຖິງຄວາມໃສ່ໃຈ, ຄວາມໜ້າຮັກ ແລະ ຄວາມຈິງໃຈ ບໍ່ວ່າຈະເປັນການສົ່ງຂໍ້ຄວາມຫ່ວງໃຍຕອນເຊົ້າ, ການຈື່ໄດ້ວ່າເຂົາມັກກິນຫຍັງ ຫຼື ແມ່ນແຕ່ຮອຍຍິ້ມທີ່ສົ່ງໃຫ້ກັນໃນຈັງຫວະທີ່ເຂົາຜູ້ນັ້ນຕ້ອງການກຳລັງໃຈ. ມັນອາດຈະເບິ່ງຄືເປັນເລື່ອງທຳມະດາ ແຕ່ຖ້າເຮັດຖືກຈັງຫວະ ຮັບຮອງວ່າເຂົາຕ້ອງແອບຍິ້ມໃນໃຈຢ່າງແນ່ນອນ. ແຕ່ດຽວກ່ອນ! ການເຮັດ Micro-mance...
ຄົບກັນແບບ “ກັກໆ” ໃສ່ໃຈແຕ່ບໍ່ມີສະຖານະ ຄວນພັກ ຫຼື ໄປຕໍ່?
“ເຮົາເຮັດໂຕຄືກັບເປັນແຟນກັນເລີຍ ໄປກິນເຂົ້າ ໄປທ່ຽວ ແຕ່ເຮົາບໍ່ໄດ້ເປັນຫຍັງກັນ” ນີ້ຄືສິ່ງທີ່ເກີດຂຶ້ນ ເມື່ອສອງຄົນຕົກຢູ່ໃນຄວາມສຳພັນທີ່ບໍ່ມີສະຖານະທີ່ຊັດເຈນ. ຖ້າໃຜໄດ້ເບິ່ງຊີຣີໄວລຸ້ນທີ່ກຳລັງມາແຮງຂອງໄທ “Gelboys” ຄົງຈະໄດ້ເຫັນແລ້ວວ່າ ຄວາມສຳພັນແບບນີ້ມັນ Toxic ແລະ ພານແຕ່ຈະສ້າງຄວາມຮູ້ສຶກທີ່ບໍ່ດີໃຫ້ກັບທັງສອງຄົນ. ອີກດ້ານໜຶ່ງຄວາມສຳພັນນີ້ເອີ້ນວ່າ Situationship ຫຼື ຄວາມສຳພັນທີ່ຄົນສອງຄົນເຊື່ອມຕໍ່ກັນທາງອາລົມ, ທາງກາຍະພາບ ແຕ່ບໍ່ມຸ່ງຫວັງ ຫຼື ພັດທະນາສູ່ຄວາມສຳພັນທີ່ມີການຜູກມັດ. ຄວາມສຳພັນແບບນີ້ ມັນເປັນຄວາມສຳພັນທີ່ເຮັດໃຫ້ເຮົາເປັນອິດສະລະ...
ເຈົ້າເຮັດໄດ້ ຂ້ອຍກໍເຮັດຄືກັນ Mirroring behaviors ສ່ອງພຶດຕິກຳການຮຽນແບບການກະທຳຂອງຄົນຮັກ
ຫຼາຍຄົນອາດຈະເຄີຍສັງເກດເຫັນວ່າຄົນອ້ອມຂ້າງ ຫຼື ຕົວເຈົ້າເອງນັ້ນຈະມີພຶດຕິກຳທີ່ເວລາຄົບໃຜ ຫຼື ວ່າມີແຟນໃໝ່ກໍຈະມີອາການຢາກປ່ຽນແປງຕົວເອງໃຫ້ເຂົ້າກັບຄົນທີ່ຄົບຢູ່ໃນປັດຈຸບັນ, ພໍຄົບໃຜກໍຈະປ່ຽນໄປຕາມຄົນນັ້ນເລື່ອຍໆ ເຊິ່ງມັນໄດ້ສະແດງໃຫ້ເຫັນທາງດ້ານການກະທຳ ແລະ ເປັນການປັບຕົວເອງໃຫ້ເຂົ້າກັບຄົນຮັກໄປໂດຍອັດຕະໂນມັດ, ເພື່ອຢາກໃຫ້ເກີດຄວາມໃກ້ຊິດ ແລະ ມີຄວາມສຳພັນທີ່ບໍ່ຢາກໃຫ້ມີຫຍັງເຂົ້າມາເປັນບັນຫາລົບກວນ. ພຶດຕິກຳແບບນີ້ເອີ້ນວ່າ: Mirroring behaviors ແມ່ນການຮຽນແບບການກະທຳ, ຮູບແບບການເວົ້າ ຫຼື ທັດສະນະຄະຕິຂອງອີກຄົນໜຶ່ງ, ສ່ວນຕົວບຸກຄົນນັ້ນກໍມີທັງຮູ້ຕົວ ແລະ ບໍ່ຮູ້ຕົວ. ພຶດຕິກຳນີ້ມັກເກີດຂຶ້ນໃນສະຖານະການທີ່ມີການສື່ສານກັບຄົນໃນສັງຄົມ...
ຢາກເປັນຄົນດີ ກໍເປັນໄດ້ ບໍ່ຕ້ອງໄລ່ໃຫ້ໃຜໄປເຈິຄົນທີ່ດີກວ່າ – ຕ້ອງເຮັດແນວໃດໃຫ້ກ້າວຍ່າງໄປພ້ອມກັນໄດ້?
ການບອກເລີກດ້ວຍເຫດຜົນວ່າ “ເຂົາຢາກໃຫ້ເພິ່ນເຈິສິ່ງທີ່ດີກວ່າ” ຟັງເຜີນໆ ເບິ່ງຄືວ່າເປັນຄວາມຫວັງດີ ແຕ່ເລິກໆນັ້ນ ຊໍ້າພັດແຝງໄປດ້ວຍຄວາມຮູ້ສຶກວ່າ ຜູ້ເວົ້າຍັງຄິດວ່າໂຕເອງດີບໍ່ພໍ ແລະ ມັກສະທ້ອນບັນຫາເລື່ອງ self-esteem ຫຼື ຄວາມຮູ້ສຶກເຖິງຄຸນຄ່າໃນໂຕເອງໜ້ອຍ. ອີ່ຫຍັງຄື “ສິ່ງທີ່ດີກວ່າ?” ເພາະໃນໂລກນີ້ບໍ່ມີໃຜທີ່ສົມບູນແບບ ເພາະຕໍ່ໃຫ້ບອກວ່າ ຄົນຜູ້ນີ້ເປັນຄົນທີ່ດີກວ່າ ເຈົ້າຄືບໍ່ເລືອກລາວ? ມັນປາສະຈາກບໍ່ໄດ້ທີ່ເຮົາຈະມີໂອກາດໄປເຈິຂໍ້ເສຍ ຫຼື ຂໍ້ບົກພ່ອງອື່ນໆຢູ່ດີ. ສະນັ້ນ ຄຳວ່າ...
ເຊົາເດີເລີກກັບຄົນເກົ່າແລ້ວມີຄົນໃໝ່ເລີຍ ຊວນສ່ອງພຶດຕິກຳການມີແຟນເພາະຢາກຮັກ ຫຼື ກຳລັງຢ້ານຄວາມໂດດດ່ຽວ?
“ຢູ່ບໍ່ໄດ້ແລ້ວ! ຂ້ອຍໂສດມາຈະ 3 ອາທິດແລ້ວ ຢາກມີແຟນ~” ບັນຫານີ້ຫຼາຍໆຄົນຄົງຈະເຄີຍພົບເຈິ, ທັງກັບຄົນໃກ້ຕົວ ຫຼື ອາດຈະແມ່ນເລື່ອງລາວທີ່ກົງກັບເຈົ້າໂດຍກົງ. ອາການທີ່ມັກຈະເກີດຂຶ້ນກໍແບບວ່າເລີກກັບຄົນເກົ່າປຸບ ຮີບຫາຄົນໃໝ່ປັບ, ເພາະຊີວິດນີ້ເຮົາຈະຂາດຄວາມຮັກໄດ້ແນວໃດເພາະຊີວິດມັນບໍ່ມັນສີສັນເລີຍ. ພຶດຕິກຳແບບ Serial Monogamy ມີຄວາມໝາຍທີ່ສື່ເຖິງການມີຄວາມຮັກຄວາມສຳພັນກັບເທື່ອລະຄົນ ແລະ ຕ້ອງການໄດ້ຮັບຄວາມຮັກຢ່າງຕໍ່ເນື່ອງ ແລະ ຍຶດໝັ້ນຊື່ສັດກັບຮັກຄັ້ງນັ້ນພຽງຄົນດຽວ, ແຕ່ເມື່ອໃດທີ່ຕ້ອງໄດ້ຈົບຄວາມສຳພັນລົງກໍຈະເລີ່ມຊອກຫາຄວາມສຳພັນຄວາມຮັກຄັ້ງໃໝ່ທັນທີ ແລະ ມັນກໍໄດ້ວົນລູບແບບນີ້ຊ້ຳໆຢູ່ເລື່ອຍໄປ....
ຮັກຕົວເອງບໍ່ເຄີຍເສຍໃຈເລີຍຈັກໜ້ອຍ – ຈະເຮັດແນວໃດໃນມື້ທີ່ເຮົາຕ້ອງຫັນມາດູແລຫົວໃຈຕົວເອງຫຼາຍຂຶ້ນ?
ມື້ນີ້ ຢາກຈະຊວນທຸກຄົນມາລົມກັນເລື່ອງ “ການຮັກຕົວເອງ” ກັນຈັກໜ້ອຍ ເຄີຍສັງເກດບໍ່ວ່າ ເວລາທີ່ເຮົາເຈັບປວດຈາກຄວາມຮັກ ມັນມັກມາຈາກການຄາດຫວັງຂອງເຮົາທີ່ມີຕໍ່ກັບຄົນອື່ນ. ແຕ່ການຮັກຕົວເອງນັ້ນ ບໍ່ເຄີຍເຮັດໃຫ້ເຮົາຕ້ອງເຈັບເລີຍຈັກມື້ ເພາະເຮົາບໍ່ຕ້ອງລໍຖ້າໃຫ້ໃຜມາມອບຄວາມຮັກ ຫຼື ການຍອມຮັບໃຫ້ກັບເຮົາ. ເຮົາສາມາດສ້າງສິ່ງນັ້ນໄດ້ດ້ວຍຕົວເອງ. ແລ້ວຈະເຮັດແນວໃດໃຫ້ເຮົາຮັກໂຕເອງຫຼາຍຂຶ້ນລະ? ລອງເລີ່ມຈາກສິ່ງເລັກໆນ້ອຍໆ ເຫຼົ່ານີ້ກ່ອນກໍໄດ້. ເຊົາປຽບທຽບຕົວເອງກັບຄົນອື່ນໄດ້ແລ້ວ. ທຸກຄົນມີຂ້ໍດີ ແລະ ຂໍ້ຜິດພາດໃນຕົວເອງ. ຢ່າຕັດສິນຕົວເອງຮຸນແຮງເກີນໄປ. ລອງຂຽນສິ່ງທີ່ເຮົາມັກກ່ຽວກັບຕົວເອງອອກມາຈັກ 2–3...
ຖ້າມາຫຼິ້ນໆກໍເຊີນປ້າຍໜ້າ Breadcrumbing ວິທີຢຸດຄວາມສຳພັນທີ່ຫຼອກລວງ ແລະ ການໃຫ້ຄວາມຫວັງໂດຍທີ່ບໍ່ຈິງຈັງ
ຖ້າຄວາມສຳພັນແບບ Ghosting ທີ່ຢູ່ໆກໍຫາຍໄປວ່າເຈັບແລ້ວ, ການຖືກ Breadcrumbing ທີ່ມັກມາໃຫ້ຄວາມຫວັງຊ້ຳໆແບບບໍ່ຈິງຈັງກໍເຈັບໜັກບໍ່ຕ່າງກັນ. ທັງສອງຄຳນີ້ແມ່ນຖືກນຳມາໃຊ້ກັບພຶດຕິກຳທີ່ກ່ຽວຂ້ອງກັບຄວາມສຳພັນຂອງຄົນໃນໂລກອອນລາຍ. “Breadcrumbing” ເປັນຄຳສັບທີ່ມີຮາກຖານມາຈາກນິທານກຣິມເລື່ອງ “Hansel and Gretel” ທີ່ຄົນໃນອອນລາຍນຳມາປັບໃຊ້ກັນຫຼາຍຂຶ້ນ ແລະ ມັນໄດ້ຮັບຄວາມນິຍົມມາຈາກພຶດຕິກຳການໃຊ້ໂຊຊ້ຽວມີເດຍ ແລະ ແອັບຫາຄູ່. Breadcrumbing ມັກໃຊ້ໃນຄວາມສໍາພັນທີ່ໝາຍເຖິງການທີ່ຄົນໆໜຶ່ງ ທີ່ເຈົ້າກຳລັງລົມຢູ່ໄດ້ສົ່ງສັນຍານຄວາມສົນໃຈພຽງເລັກໆນ້ອຍໆໃຫ້ກັບເຈົ້າເຊັ່ນ: ການສົ່ງຂໍ້ຄວາມບໍ່ສະໝ່ຳສະເໝີ, ການຕິດຕໍ່ຫາໃນບາງເທື່ອ ແລະ...
ເພີ່ມສະເໜ່ໃຫ້ເຈົ້າເພື່ອເອົາຊະນະໃຈຄົນອ້ອມຂ້າງ ກັບ 6 ຄຸນສົມບັດເດັດ
ການເປັນຕົວເອງນັ້ນກໍຖືວ່າເປັນສະເໜ່ທີ່ມີລັກສະນະທີ່ໂດດເດັ່ນບໍ່ຄືໃຜ ແລະ ການທີ່ເຈົ້າຕ້ອງການທີ່ຈະຢາກເພີ່ມສະເໜ່ນັ້ນບໍ່ໄດ້ໝາຍຄວາມວ່າພວກເຮົາຈະຕ້ອງປ່ຽນແປງຕົວຕົນຂອງເຮົາ, ແຕ່ມັນເປັນການເພີ່ມສະເໜ່ໃຫ້ດີຂຶ້ນກວ່າເກົ່າ ແລະ ເປັນການເພີ່ມຄຸນສົມບັດທີ່ດີໃຫ້ຕົວເອງ, ເຮັດໃຫ້ຄົນອ້ອມຂ້າງຮູ້ສຶກດີທີ່ໄດ້ຢູ່ໃກ້ເຈົ້າ. ມື້ນີ້ມ່ວນກໍມີ 6 ສິ່ງດີໆທີ່ຢາກຈະແຊຣ໌ເພື່ອໃຜຕ້ອງການເພີ່ມສະເໜ່ໃຫ້ໜ້າສົນໃຈຂຶ້ນໃນທຸກໆສະຖານະການ, ບໍ່ວ່າຈະເປັນໃນງານສັງສັນ ຫຼື ການພົບເຈິກັບຄົນໃນສັງຄົມໃໝ່ໆ, ການສ້າງຄວາມສຳພັນທີ່ດີກັບຄົນອ້ອມຂ້າງທີ່ໃຜເຫັນກໍຢາກຈະເຂົ້າຫາ. 1. ການຟັງ ການຟັງຢ່າງຕັ້ງໃຈຈະເຮັດໃຫ້ຄົນທີ່ກຳລັງເວົ້າຢູ່ກັບເຮົາຮູ້ສຶກໄດ້ຖືກໄດ້ຮັບຄວາມສົນໃຈ ແລະ ມີຄຸນຄ່າ, ການທີ່ເຈົ້າຮັບຟັງໂດຍບໍ່ຂັດ ແລະ ເຂົ້າໃຈສິ່ງທີ່ອີກຄົນກຳລັງຕ້ອງການຈະສື່ສານເປັນສິ່ງສຳຄັນ ຖ້າເຈົ້າເປັນຜູ້ຟັງທີ່ດີກໍຈະໄດ້ຮັບຄວາມເຊື່ອໃຈ...
ມັກຈົ່ມຈຸກຈິກມັນບໍ່ດີໃດ ວິທີຄວບຄຸມອາລົມບໍ່ໃຫ້ເປັນຄົນຈູຈີ້ຈຸກຈິກ
ຫຼາຍຄົນກໍຄືຊິເຄີຍໄດ້ຍິນປະໂຫຍກທີ່ວ່າ ‘ເຂົາຮ້າຍເຂົາຈົ່ມ ເພາະເຂົາຮັກ’ ເຊິ່ງເປັນຄໍາເວົ້າທີ່ບໍ່ໄດ້ຜິດ ແຕ່ກໍບໍ່ໄດ້ຖືກສະເໝີໄປ, ການທີ່ເຮົາມັກຈົ່ມ ອາດເປັນເພາະເຮົານັ້ນໃສ່ໃຈ ແລະ ເປັນຫ່ວງເຂົາເຈົ້າໃນເລື່ອງຕ່າງໆ ບໍ່ວ່າຈະເລື່ອງເລັກນ້ອຍ ຫຼື ເລື່ອງໃຫຍ່, ແຕ່ອີ່ຫຍັງທີ່ມັນຫຼາຍເກີນໄປກໍບໍ່ດີຕໍ່ສຸຂະພາບຈິດເຂົາກັບເຮົາເອງໃດ. ແລ້ວເຮົາຈະເຮັດແນວໃດເພື່ອທີ່ຈະບໍ່ເປັນນົກເປັນໄກ່ຕອດເຂົາທຸກມື້? ກ່ອນອື່ນເຈົ້າກໍຕ້ອງຮູ້ກ່ອນວ່າເຮົາເປັນແບບນີ້ຍ້ອນສາເຫດອັນໃດ ແລະ ສາເຫດຕ່າງໆທີ່ພົບເຫັນຫຼາຍສຸດກໍຈະເປັນຍ້ອນ ເຮົາຄິດວ່າເຂົາຕ້ອງການຄໍາສອນຈາກເຮົາຈຶ່ງຈະດີຂຶ້ນ, ເຮົາຄວບຄຸມໃຫ້ທຸກຢ່າງເປັນໄປດັ່ງໃຈຕ້ອງການບໍ່ໄດ້, ຄວາມສໍາພັນມີບັນຫາທີ່ໃຫຍ່ ແຕ່ເຮົາເລືອກທີ່ຈະຍົກເອົາບັນຫານ້ອຍໆມາເວົ້າແທນເພື່ອເປັນການຫຼີກລ່ຽງ. ເພື່ອກໍາຈັດອາການຈຸກຈິກເກີນຄວາມຈໍາເປັນນີ້ ເຮົາມີວິທີປັບການປະພຶດບໍ່ໃຫ້ເປັນຄົນມັກຈົ່ມມາໃຫ້ທຸກຄົນ....
