|
Getting your Trinity Audio player ready...
|
ຢ່າເຂີນອາຍ ຢ່າລັງເລ ເພາະຈາກວິໄຈໄດ້ບອກວ່າ ຄວາມຮັກຈະດີກວ່າເມື່ອຝ່າຍຍິງເປັນຄົນເລີ່ມຈີບກ່ອນ 
ຂໍ້ມູນຈາກເວັບໄຊຫາຄູ່ OkCupid ເປີດເຜີຍວ່າ ຖ້າຜູ້ຍິງເປັນຝ່າຍເຂົ້າຫາ ອີກຝ່າຍນັ້ນຈະຕອບກັບຫຼາຍກວ່າ, ມີໂອກາດທີ່ຈະໄດ້ມີບົດສົນທະນາທີ່ຍາວກວ່າ ແລະ ຄວາມສໍາພັນຈະໄປໄດ້ດີກວ່າການທີ່ຝ່າຍຊາຍເປັນຄົນທັກຫາກ່ອນ.
ເຊິ່ງຂໍ້ມູນເຫຼົ່ານີ້ກໍສາມາດໃຊ້ໄດ້ໃນຊີວິດຈິງແບບບໍ່ອິງການແຊັດລົມກັບແບບອອນລາຍອີກດ້ວຍ ເພາະຜູ້ຊາຍມັກຈະເຮັດໂຕບໍ່ຖືກເມື່ອຝ່າຍຍິງເປັນຄົນມາຈີບກ່ອນ ແລະ ສ່ວນຫຼາຍກໍຈະເປີດໃຈຍອມຮັບຄວາມສໍາພັນອີກດ້ວຍ.
ໂອກາດລົ້ມເຫຼວໃນການຈີບກ່ອນກໍມີພຽງ 26% ເທົ່ານັ້ນ! ເຮົາກໍບໍ່ສາມາດຄາດຫວັງວ່າຄົນທີ່ເຮົາຈີບຈະມັກເຮົາຄືນ ຫຼື ເປີດໃຈໃຫ້ເຮົາໄດ້ 100% ຖ້າມີເປີເຊັນຄວາມສໍາເລັດ ກໍຕ້ອງມີເປີເຊັນຄວາມລົ້ມເຫຼວເຊັ່ນກັນ.
ຖ້າສາວໆຄົນໃດລອງເປັນຝ່າຍເຂົ້າຫາກ່ອນແລ້ວບໍ່ເປັນໄປຕາມທີ່ຄິດໄວ້ກໍຢ່າເສຍໃຈໄປເດີ ເພາະຖ້າບໍ່ລອງເຮັດຫຍັງ ເຮົາກໍບໍ່ສາມາດຮູ້ໄດ້ວ່າອີກຝ່າຍຈະມັກເຮົາ ຫຼື ບໍ່.
ສິ່ງທີ່ສໍາຄັນທີ່ສຸດຄືເຮົາຕ້ອງກ້າສະແດງຄວາມຮູ້ສຶກອອກໄປ ດີກວ່າບໍ່ເຮັດຫຍັງເລີຍ, ເພາະຢ່າງໜ້ອຍເຮົາກໍໄດ້ລອງເຮັດຕາມຫົວໃຈຕົນເອງ.
ໂດຍ: ທີມບັນນາທິການ Muan
