ຖ້າລອງສັງເກດເບິ່ງເວລາໄປທ່ຽວສະຖານທີ່ບັນເທີງ, ງານເທດສະການຕ່າງໆ ຫຼື ພຽງແຕ່ເລື່ອນເບິ່ງ TikTok, ສິ່ງໜຶ່ງທີ່ເຮົາມັກຈະເຫັນຜ່ານຕາຢູ່ສະເໝີກໍຄື “ຂອບຊຸດຊັ້ນໃນທີ່ມີໂລໂກ້ Calvin Klein” ທີ່ໂຜ່ອອກມາໃຫ້ເຫັນຢ່າງໂດດເດັ່ນ! ເອົາແທ້ໆ, ສິ່ງນີ້ບໍ່ແມ່ນພຽງແຕ່ເລື່ອງບັງເອີນ, ແຕ່ມັນໄດ້ກາຍເປັນວັດທະນະທຳທາງແຟຊັ່ນໄປແລ້ວ.

ແຕ່ເຄີຍຕັ້ງຄຳຖາມກັນບໍ່ວ່າ? ເປັນຫຍັງແບຣນສະໄຕລ໌ມິນິມອລທີ່ລຽບງ່າຍແບບ CK ຈຶ່ງສາມາດຄອງໃຈ ແລະ ກາຍເປັນໄອເທັມຫຼັກຂອງທຸກເພດທຸກໄວ ແລະ LGBTQ+ ມາໄດ້ຫຼາຍທົດສະວັດໂດຍທີ່ກະແສບໍ່ເຄີຍຫຼຸດລົງ? ມື້ນີ້ ມ່ວນຈະພາທຸກຄົນມາຫາຄຳຕອບຂອງຄວາມນິຍົມນີ້ໄປພ້ອມກັນ.

ຍ້ອນກັບໄປໃນຊ່ວງປີ 1980s ຫາ 1990s ເຊິ່ງເປັນຍຸກທີ່ສັງຄົມຍັງມີກອບແນວຄິດແບບເດີມໆ, ຕອນນັ້ນ CK ໄດ້ລຸກຂຶ້ນມາເຮັດສິ່ງທີ່ສ້າງຄວາມຮືຮາລະດັບໂລກ ດ້ວຍການປ່ອຍໂຄສະນາຊຸດຊັ້ນໃນຊາຍທີ່ເນັ້ນໃຫ້ເຫັນກ້າມທ້ອງ, ຄວາມເຊັກຊີ່ ແລະ ສັດສ່ວນຂອງຜູ້ຊາຍຢ່າງຊັດເຈນ.

ບໍ່ຈຳເປັນຕ້ອງມີແຕ່ຜູ້ຍິງ ເພາະຜູ້ຊາຍກໍເຊັກຊີ່ໄດ້ ແລະ ໝັ້ນໃຈໄດ້ຄືກັນ

ການຕະຫຼາດຮູບແບບນີ້ ໄດ້ເຂົ້າເຖິງຄວາມຮູ້ສຶກຂອງກຸ່ມຜູ້ຊາຍຮັກຊາຍໃນຍຸກນັ້ນຢ່າງແຮງ ເພາະມັນຄືການປົດລັອກຮູບພາບຄວາມງາມຂອງຜູ້ຊາຍໃຫ້ມີສະເໜ່ທີ່ຈັບຕ້ອງໄດ້. ບອກໄດ້ເລີຍວ່າແຄມເປນນັ້ນສ້າງຄວາມປະທັບໃຈໄດ້ຢ່າງມະຫາສານ ຈົນກາຍເປັນຕົ້ນແບບຂອງຄວາມເຊັກຊີ່ທີ່ຊຸມຊົນ LGBTQ+ ຍົກໃຫ້ເປັນອັນດັບໜຶ່ງໃນໃຈ.

ຖ້າຖາມຫາແບຣນທີ່ເປັນຜູ້ນຳເລື່ອງແຟຊັ່ນແບບບໍ່ຈຳກັດເພດ ແລະ ການທຳລາຍກອບເລື່ອງເພດ, CK ຄືໜຶ່ງໃນນັ້ນ ເພາະໃນປີ 1994, ພວກເຂົາໄດ້ປ່ອຍນ້ຳຫອມ CK One ອອກມາ, ເຊິ່ງເປັນນ້ຳຫອມທີ່ໃຊ້ໄດ້ທັງຍິງ ແລະ ຊາຍ ທີ່ສະແດງຈຸດຢືນເລື່ອງຄວາມ Unisex ຂວດທຳອິດໆຂອງໂລກອອກມາ ເຊິ່ງກໍໄດ້ຮັບຄວາມສົນໃຈໃນສັງຄົມ ແລະ ປະສົບຄວາມສຳເລັດຢ່າງລົ້ນຫຼາມ.

ແຄມເປນໂຄສະນາໃນຍຸກນັ້ນ ສື່ເຖິງຄວາມໝາຍທີ່ເລິກເຊິ່ງ, ມີທັງຄວາມເທ່, ຄວາມຫຼາກຫຼາຍ ແລະ ບໍ່ມີເສັ້ນແບ່ງແຍກວ່າ “ນີ້ຄືຂອງຜູ້ຍິງ ຫຼື ນີ້ຄືຂອງຜູ້ຊາຍ”. ສິ່ງນີ້ກົງກັບແນວຄິດຂອງຄົນລຸ້ນໃໝ່ ແລະ ຊາວ LGBTQ+ ທີ່ຮັກໃນອິດສະຫຼະພາບ ແລະ ບໍ່ຍອມໃຫ້ໃຜມາຕີກອບເລື່ອງເພດສະພາບ. ເມື່ອເປັນແບບນີ້ແລ້ວ, ຈະບໍ່ໃຫ້ຫຼາຍໆຄົນ ໂດຍສະເພາະກຸ່ມຜູ້ມີຄວາມຫຼາກຫຼາຍທາງເພດ (LGBTQ+) ຫຼົງຮັກແບຣນນີ້ໄດ້ແນວໃດ?

ຖ້າເຮົາເວົ້າເຖິງການເລືອກ Global Ambassador ຂອງ Calvin Klein (CK) ໃນຍຸກນີ້, CK ບໍ່ໄດ້ເລືອກດາລາພຽງເພາະ “ດັງ” ແຕ່ພວກເຂົາເລືອກຄົນທີ່ມີອິດທິພົນທາງວັດທະນະທຳ, ມີຄາແຣັກເຕີທີ່ຊັດເຈນ ແລະ ສາມາດປ່ຽນພາບລັກສະນະຂອງແບຣນໃຫ້ກາຍເປັນສິ່ງທີ່ໄວລຸ້ນຍຸກນີ້ຕ້ອງມີເຊັ່ນ

Jennie BLACKPINK ກັບ CK ບໍ່ແມ່ນແຄ່ການເປັນນາງແບບໂຄສະນາ, ແຕ່ມັນຄືການສ້າງເທຣນໃໝ່ໃຫ້ກັບຜູ້ຍິງທົ່ວໂລກ, ແຕ່ກ່ອນ ຊຸດຊັ້ນໃນຄືສິ່ງທີ່ຕ້ອງໃສ່ໄວ້ທາງໃນ ແລະ ປົກປິດ. ແຕ່ພໍເຈນນີ່ນຳສະເໜີມັນຜ່ານສະໄຕລ໌ Effortless ຫຼື ທີ່ເອີ້ນວ່າເທ່ແບບສະບາຍໆເຊັ່ນ: ການໃສ່ບຣາ Bralette ຂອງ CK ຄູ່ກັບໂສ້ງຢີນຂາໃຫຍ່ ຫຼື ໃສ່ເສື້ອຄຸມໂອເວີໄຊຊ໌ ມັນໄດ້ປ່ຽນຄວາມຄິດຂອງໄວລຸ້ນຍິງທັນທີ ວ່າ ຊຸດຊັ້ນໃນ CK ຄືແຟຊັ່ນເສື້ອຕົວນອກທີ່ໃສ່ໂຊໄດ້ຢ່າງໝັ້ນໃຈ ແລະ ເບິ່ງແພງ.

ໃນຄໍເລັກຊັນພິເສດ Jennie for Calvin Klein ທີ່ເຈນນີ່ຮ່ວມອອກແບບ, ທັນທີທີ່ເປີດຕົວ ລະບົບເວັບໄຊຕ໌ຂອງ CK ທົ່ວໂລກເຖິງຂັ້ນຫຼົ້ມທັນທີ ເພາະຄົນແຫ່ເຂົ້າໄປຊື້ ຈົນສິນຄ້າ Sold Out ພາຍໃນບໍ່ເທົ່າໃດນາທີ. ສິ່ງນີ້ສະແດງໃຫ້ເຫັນວ່າ CK ໄດ້ເຂົ້າເຖິງຕະຫຼາດເອເຊຍ ແລະ ກຸ່ມໄວລຸ້ນ Gen Z ໄດ້ຢ່າງກວ້າງຂວາງໃນແບບທີ່ບໍ່ເຄີຍມີມາກ່ອນ.

ການເປີດຕົວ Jungkook BTS ໃນຖານະ Global Ambassador ຄືໜຶ່ງໃນປະຫວັດສາດການຕະຫຼາດທີ່ຖືກກ່າວຂວັນຫຼາຍທີ່ສຸດ, ທັນທີທີ່ CK ປ່ອຍວິດີໂອ Teaser ຂອງ ຈອງກຸກ ທີ່ມີຄວາມຍາວພຽງບໍ່ກີ່ວິນາທີ, ພ້ອມໃສ່ #JUNGKOOKxCALVINKLEIN ກໍຕິດເທຣນອັນດັບ 1 ຂອງໂລກເທິງ Twitter (X) ພາຍໃນເວລາອັນສັ້ນ ແລະ ຍອດ Followers Instagram ຂອງ CK ກໍເພີ່ມຂຶ້ນເຖິງ 1 ລ້ານຄົນພາຍໃນ 24 ຊົ່ວໂມງ.

ແຄມເປນຂອງຈອງກຸກນັ້ນ ເນັ້ນການໃສ່ຊຸດຢີນ Denim-on-Denim ແລະ ການໂຊຂອບກາງເກງໃນ ທີ່ໄດ້ແຮງບັນດານໃຈມາຈາກຍຸກ 90s. ມັນບໍ່ພຽງແຕ່ດຶງດູດກຸ່ມແຟນຄລັບ ຫຼື ARMY ໃຫ້ມາຊື້ຕາມ, ແຕ່ມັນຍັງສ້າງແຮງບັນດານໃຈໃຫ້ກັບກຸ່ມໄວລຸ້ນຊາຍທົ່ວໄປ ທີ່ຢາກມີພາບລັກສະນະທີ່ເບິ່ງເທ້, ດຶງດູດ ແລະ ໝັ້ນໃຈໃນຮູບຮ່າງຂອງຕົນເອງຄືກັບຈອງກຸກ.

ພວກເຂົາບໍ່ໄດ້ຂາຍແຄ່ສິນຄ້າ ແຕ່ພວກເຂົາຂາຍ Lifestyle ແລະ ຄວາມໝັ້ນໃຈ

ໄວລຸ້ນຍຸກນີ້ ຮູ້ສຶກວ່າການໄດ້ໃສ່ CK ຄືການໄດ້ເຊື່ອມຕໍ່ ຫຼື ມີສ່ວນຮ່ວມໃນ Lifestyle ຂອງສິນລະປິນທີ່ພວກເຂົາຮັກ ໂດຍທີ່ຊຸດຂອງ CK ມີຄວາມ Minimal ທີ່ເອົາມາ Mix & Match ງ່າຍ. ພໍໄວລຸ້ນຊື້ໄປໃສ່ ແລ້ວຖ່າຍຮູບ Mirror Selfie ລົງ Instagram ຫຼື ເຮັດຄລິບ Get Ready With Me ລົງ TikTok ມັນຍິ່ງເຮັດໃຫ້ແບຣນໄດ້ຮັບການໂຄສະນາແບບຟຣີໆ ຜ່ານ Users ໂດຍກົງຢ່າງຕໍ່ເນື່ອງ.

ບໍ່ວ່າຈະເປັນຫຸ່ນແບບນັກກິລາ, ຫຸ່ນແບບນັກຮ້ອງປັອບ, ຫຼື ຄວາມງາມທີ່ຫຼາກຫຼາຍ ໂຄສະນາເຫຼົ່ານີ້ສື່ສານກັບໄວລຸ້ນວ່າ: “ບໍ່ວ່າເຈົ້າຈະມີຮູບຮ່າງແບບໃດ, ຖ້າເຈົ້າໃສ່ CK ເຈົ້າກໍສາມາດເຊັກຊີ່ ແລະ ເທ້ໃນແບບຂອງຕົວເອງໄດ້”.

ເຮົາຕ່າງກໍຮູ້ກັນດີວ່າ ເມື່ອຮອດເດືອນ Pride Month ຫຼາຍແບຣນກໍພາກັນປ່ຽນໂລໂກ້ເປັນສີຮຸ້ງ ເພື່ອຫວັງສ້າງຄອນເທນ ຫຼື ຂາຍສິນຄ້າ ເຊິ່ງເປັນພຽງການຕະຫຼາດໄລຍະສັ້ນແລ້ວກໍຈາງຫາຍໄປ. ແຕ່ສຳລັບ CK ແລ້ວ ຖືວ່າເປັນການສະໜັບສະໜູນຢ່າງຈິງໃຈ.

CK ໄດ້ດຶງເອົາບຸກຄົນສຳຄັນໃນຊຸມຊົນ LGBTQ+ ລະດັບໄອຄອນມາເປັນພຣີເຊັນເຕີຕົວຈິງ ເຊັ່ນ: Troye Sivan, Hunter Schafer, Elliot Page ແລະ Jari Jones. ສິ່ງທີ່ພິເສດຄື ແບຣນບໍ່ມີການດັດແກ້ຮູບພາບເພື່ອໃຫ້ເຂົ້າກັບມາດຕະຖານຄວາມງາມ (Beauty Standard) ແບບເດີມໆ ແຕ່ເນັ້ນການນຳສະເໜີຄວາມພູມໃຈໃນຮູບຮ່າງ, ຮອຍແປ້ວ, ສີຜິວ ແລະ ຕົວຕົນທີ່ແທ້ຈິງ.

ພວກເຂົາໄດ້ບໍລິຈາກເງິນຊ່ວຍເຫຼືອອົງການ LGBTQ+ ທົ່ວໂລກເຊັ່ນໃນປີ 2022 ບໍລິຈາກເຖິງ $400,000 ແລະ ໃນປີ 2024 ກໍເພີ່ມອີກຫຼາຍກວ່າ $240,000) ເພື່ອເຂົ້າໄປສະໜັບສະໜູນອົງການບໍ່ສະແຫວງຫາຜົນກຳໄລ (NGOs)

• The Trevor Project: ອົງການປ້ອງກັນການຂ້າຕົວຕາຍ ແລະ ແຊກແຊງພາວະວິກິດສຳລັບເຍົາວະຊົນ LGBTQ+ ທີ່ໃຫຍ່ທີ່ສຸດໃນໂລກ, CK ໄດ້ເປັນຜູ້ສະໜັບສະໜູນທາງການເງິນເພື່ອໃຫ້ອົງການນີ້ສາມາດເປີດບໍລິການສາຍດ່ວນ, ຊ່ອງທາງແຊັດ ແລະ ໃຫ້ຄຳປຶກສາຕະຫຼອດ 24 ຊົ່ວໂມງ ຊ່ວຍຊີວິດໄວລຸ້ນທີ່ກຳລັງປະເຊີນກັບບັນຫາທາງຈິດໃຈ ແລະ ການບໍ່ຖືກຍອມຮັບ ໃຫ້ພວກເຂົາຮູ້ວ່າ “ພວກເຂົາບໍ່ໄດ້ຢູ່ຄົນດຽວ”.
• ILGA World: ອົງການລະດັບນານາຊາດທີ່ເປັນກະບອກສຽງໃຫ້ກັບກຸ່ມ LGBTQIA+ ທົ່ວໂລກ ທີ່ຕໍ່ສູ້ເພື່ອສ້າງໂລກທີ່ທຸກຄົນສາມາດດຳລົງຊີວິດໄດ້ຢ່າງປອດໄພ, ເທົ່າທຽມ ແລະ ມີອິດສະຫຼະ. ເຊິ່ງໃນຫຼາຍໆແຄມເປນ, CK ໄດ້ອອກແບບເສື້ອຢືດຄໍເລັກຊັນພິເສດເພື່ອລະດົມທຶນໃຫ້ອົງການນີ້ໂດຍສະເພາະ.
• Transgender Law Center (TLC): ເພາະສິດທິຂອງຄົນຂ້າມເພດ ຫຼື Transgender ຍັງຄົງຖືກຄຸກຄາມໜັກໃນຫຼາຍພື້ນທີ່, CK ຈຶ່ງໃຫ້ການສະໜັບສະໜູນ TLC ເຊິ່ງເປັນອົງການທາງກົດໝາຍທີ່ຕໍ່ສູ້ເພື່ອຄວາມຍຸຕິທຳ, ຄວາມປອດໄພ ແລະ ປົກປ້ອງສິດທິຂອງຄົນຂ້າມເພດໂດຍກົງ ເຊິ່ງ CK ເຄີຍອອກແບບເສື້ອຢືດສະກຣີນຄຳວ່າ “Show Up For Trans Youth” ຫຼື “ຈົ່ງອອກມາຢືນຢັດເພື່ອເຍົາວະຊົນຄົນຂ້າມເພດ” ເພື່ອສົ່ງສານນີ້ຢ່າງຈະແຈ້ງ.
• PFLAG National: ອົງການທີ່ເນັ້ນການໃຫ້ຄວາມຮູ້ ແລະ ສ້າງຄວາມເຂົ້າໃຈລະຫວ່າງກຸ່ມ LGBTQ+, ຄອບຄົວ ແລະ ພັນທະມິດ (Allies) ເພື່ອຊ່ວຍສ້າງສະພາບແວດລ້ອມທີ່ປອດໄພ ແລະ ເປີດຮັບໃນລະດັບໂຄງສ້າງທາງສັງຄົມ.
• BlaQ Aboriginal Corporation: ການທີ່ CK ໃຫ້ການສະໜັບສະໜຸນອົງກອນນີ້ ສະແດງໃຫ້ເຫັນເຖິງຄວາມໃສ່ໃຈໃນລາຍລະອຽດທີ່ສຸດ ເພາະ CK ຜ່ານສາຂາອົດສະຕຣາລີ ໄດ້ລົງທຶນສະໜັບສະໜູນອົງການທີ່ເບິ່ງແຍງກຸ່ມຊົນເຜົ່າພື້ນເມືອງ Aboriginal ທີ່ເປັນ LGBTQ+ ເພື່ອຊ່ວຍສ້າງພື້ນທີ່ປອດໄພໃຫ້ກັບກຸ່ມຄົນຊາຍຂອບທີ່ມັກຈະຖືກສັງຄົມເບິ່ງຂ້າມອີກດ້ວຍ.

ເມື່ອເວົ້າເຖິງເລື່ອງການອອກແບບ ຄວາມລຽບງ່າຍແຕ່ມີເອກະລັກ ຄືນິຍາມຂອງ CK. ຊຸດຊັ້ນໃນຂອບສີຂາວ-ດຳ ທີ່ມີອັກສອນ Calvin Klein ໄດ້ກາຍເປັນວັດທະນະທຳ Pop Culture ທີ່ໃຜໃສ່ກໍຮູ້ສຶກໝັ້ນໃຈ, ມີຄວາມຫຼິ້ນກ້ອງ, ມີຄວາມຢາກໂຊເບົາໆ ຕັ້ງແຕ່ສະໄຕລ໌ Y2K ໄປຈົນເຖິງ Modern Streetwear. ການນຸ່ງຄູ່ກັບໂສ້ງຢີນຫຼຸດແອວໜ້ອຍໜຶ່ງ ຊ່ວຍເພີ່ມຄວາມໂດດເດັ່ນ ແລະ ເສີມສ້າງຄວາມໝັ້ນໃຈໃຫ້ທຸກເພດສະພາບໄດ້ຢ່າງສົມບູນແບບ.

Calvin Klein ບໍ່ໄດ້ເປັນພຽງແຕ່ແບຣນເສື້ອຜ້າ, ແຕ່ມັນຄື ພື້ນທີ່ປອດໄພ ແລະ ສັນຍະລັກຂອງຄວາມພູມໃຈ ທີ່ຢູ່ຄຽງຂ້າງຊຸມຊົນມາຕັ້ງແຕ່ຍຸກທີ່ສັງຄົມຍັງບໍ່ເປີດຮັບ ມາຈົນເຖິງຍຸກທີ່ທຸກຄົນສາມາດສະແດງອອກເຖິງຕົວຕົນໄດ້ຢ່າງເຕັມທີ່.