ເປັນຫຍັງເຮົາມັກຮັກຄົນທີ່ບໍ່ຮັກເຮົາ, ເປັນຫຍັງເຮົາຈຶ່ງພະຍາຍາມກັບຄົນທີ່ເຂົາຈະບໍ່ຮັກເຮົາຄືນຢ່າງແນ່ນອນ. ມັນຕື່ນເຕັ້ນ ແລະ ມັນທ້າທາຍບໍ? ມື້ນີ້ເຮົາມາຫາຄຳຕອບກັນດີກວ່າວ່າ ເປັນຫຍັງເຮົາຈຶ່ງຕ້ອງໄປຮັກຄົນແບບນີ້? ທັງໆທີ່ຕອນຈົບຫຼາຍເທື່ອມັນຈົບດ້ວຍເຮົາເສຍນ້ຳຕາທຸກເທື່ອ.
1. ເຂົາເປັນຄົນທີ່ເຮົາຢາກເປັນ
ຄົນເຮົາມັກມີພາບຝັນໄວ້ວ່າເຮົາຢາກຈະເປັນແບບນີ້, ເຮົາຢາກເຮັດແບບນີ້, ເຮົາຢາກມີຄວາມສາມາດແບບນີ້, ເປັນສະເປັກໃນອຸດົມຄະຕິຂອງເຮົາ. ເມື່ອເຮົາໄດ້ພົບ ເຮົາເລີຍຮູ້ວ່າສ່ວນທີ່ຫາຍໄປຂອງເຮົາໄດ້ຖືກເຕີມເຕັມຂຶ້ນມາ ຊີວິດເຮົາຮູ້ສຶກສົມບູນຂຶ້ນຈາກທີ່ເຄີຍເປັນ. ຍິ່ງຖ້າໄດ້ລົມ, ໄດ້ຮູ້ຈັກ ເຮົາຍິ່ງຈະຢາກມີເຂົາໄວ້ເລື້ອຍໆ.
2. ຕົກຂຸມຮັກຈົນເບິ່ງຂ້າມຂໍ້ເສຍ
ຕໍ່ເນື່ອງຈາກຂໍ້ທີ 1 ເມື່ອເຮົາຕົກຂຸມຮັກ ເຮົາໄດ້ເຈີຄົນໃນສະເປັກ ເຮົາມັກເບິ່ງຂ້າມຂໍ້ເສຍ ເບິ່ງແຕ່ຂໍ້ດີທີ່ເຂົາມີ ເຖິງວ່າເຂົາຈະເຮັດໃຫ້ເຮົາເສຍໃຈ ເຮົາກໍພ້ອມທີ່ຈະເບິ່ງຂ້າມໄປ ແລ້ວເກັບແຕ່ສິ່ງດີໆ ໄວ້ ແລ້ວຍົກມັນຂຶ້ນມາ. ໃຫ້ນຶກເຖິງເວລາເຮົາລົມກັບໝູ່ເລື່ອງຄົນນີ້ ແລ້ວໝູ່ຍົກຕົວຢ່າງວ່າເຂົາທຳຮ້າຍເຮົາຫຼາຍຂະໜາດໃດ ເຮົາມັກມັກຕອບວ່າ “ເຮີ້ຍ.. ມຶງ. ແຕ່ເຂົາ…”.
3. ຄາດຫວັງໃນຄວາມຮັກຄັ້ງນີ້ໄປແລ້ວ
ເຮົາມັກເວົ້າກັນສະເໝີວ່າ ຄວາມຮັກທີ່ດີເຮົາຕ້ອງບໍ່ຄາດຫວັງຜົນຕອບແທນ ແຕ່ໃນຄວາມເປັນຈິງເມື່ອເຮົາເລີ່ມຮັກໃຜຈັກຄົນ ຄາວໜຶ່ງເຮົາໄປເຖິງຈຸດທີ່ບໍ່ສາມາດຖອຍກັບມາໄດ້ ເຣີ່ມເກີດຄວາມຫວັງໃນຄວາມຮັກເທື່ອນີ້ ແລະບໍ່ຢາກຈະຍອມແພ້ ເຮັດໃຫ້ເຖິງແມ່ນຈະຮູ້ວ່າເຂົາບໍ່ສົນໃຈ ເຮົາກໍຈະພະຍາຍາມຢູ່ແນວນັ້ນ.
4. ມັນທ້າທາຍ ຮູ້ສຶກຕື່ນເຕັ້ນ
ແປກແຕ່ແທ້ ເຮົາມັກຮູ້ສຶກມ່ວນໄປກັບຄວາມຮັກທີ່ບໍ່ໄດ້ມາງ່າຍໆ ເຮົາຮູ້ສຶກມີແຮງກັບຄວາມຮັກທີ່ບໍ່ແນ່ນອນ, ມັນເປັນຄວາມຮູ້ສຶກຢາກເອົາຊະນະ, ເລື່ອງແບບນີ້ມັກເກີດເວລາເຈິຄົນທີ່ເຮົາບໍ່ຮັກເຮົາ. ໃນສ່ວນໜຶ່ງມັນຄືຄວາມມັກ ອີກສ່ວນມັນເປັນຄວາມຮູ້ສຶກທີ່ຢາກຈະເອົາຊະນະໃຫ້ໄດ້.
ຄົງບໍ່ຜິດທີ່ເຮົາຈະຕົກຂຸມຮັກໃຜຈັກຄົນ ແລະ ກໍບໍ່ຜິດນຳທີ່ຈະພະຍາຍາມກັບໃຜຈັກຄົນ. ແຕ່ສຸດທ້າຍຂໍໃຫ້ເບິ່ງຄວາມຮູ້ສຶກຕົວເອງນຳ ວ່າໄຫວ ຫຼື ບໍ່? ຢ່າພະຍາຍາມຫຼາຍໄປຈົນເປັນເຮົາທີ່ຕ້ອງເສຍທຸກຢ່າງ.
ໂດຍ: ທີມບັນນາທິການ Muan
