ຢຸດ CF ຖ້າຢາກເກັບເງິນ ລວມ 5 ສາເຫດທີ່ເຮັດໃຫ້ເງິນໝົດກ່ອນຮອດທ້າຍເດືອນຕະຫຼອດ
ບັນຫາທີ່ມະນຸດເງິນເດືອນຕ້ອງເຈິຕະຫຼອດ! ເຄີຍສົງໄສບໍ່ວ່າເປັນຫຍັງເຮົາຄືບໍ່ມີເງິນເກັບ? ເປັນຫຍັງຈຶ່ງເກັບເງິນບໍ່ໄດ້? ການຕອບຄໍາຖາມເຫຼົ່ານີ້ບໍ່ຍາກເລີຍ ແຕ່ການປະຕິບັດຕາມຫັ້ນຕິຍາກສຸດໆ.
ເຮົາມາເບິ່ງກັນວ່າສາເຫດຫຼັກໆທີ່ເຮັດໃຫ້ເຮົາເກັບເງິນບໍ່ໄດ້ນັ້ນມີຫຍັງແດ່.
1. ບໍ່ບໍລິຫານການເງິນຂອງຕົນເອງ
ເປີດມາຂໍ້ທໍາອິດກໍສໍາຄັນແລ້ວ, ເພາະຖ້າເຮົາຈັດການເງິນຂອງເຮົາໄດ້ດີເຮົາກໍຈະສະບາຍທຸກເດືອນແນ່ນອນ ແຕ່ຄົນສ່ວນຫຼາຍພັດເບິ່ງຂ້າມຂໍ້ນີ້ໄປແລ້ວຈ່າຍເງິນຕາມໃຈໂຕເອງຈົນຕ້ອງນັ່ງກິນເຂົ້າກັບເກືອທ້າຍເດືອນ.
2. ບໍ່ແບ່ງສ່ວນເງິນຂອງໂຕເອງ
ການແບ່ງເງິນສາມາດຊ່ວຍໃຫ້ເຮົາຈັດການເງິນຂອງເຮົາໄດ້ດີຂຶ້ນແທ້ໆໃດ, ພຽງແຕ່ແບ່ງເງິນເດືອນເຮົາອອກເປັນ 3 ສ່ວນຄື: ສ່ວນທີ່ຈໍາເປັນຕ້ອງຈ່າຍ, ສ່ວນທີ່ໄວ້ໃຊ້ຊື້ກິນ, ສ່ວນທີ່ເອົາໄວ້ຊື້ເຄື່ອງໃຫ້ໂຕເອງ ແລະ ສ່ວນທີ່ເຮົາຢາກເກັບທ້ອນໄວ້.
3. ເປັນໜີ້ຫຼາຍ
ໜີ້ທີ່ເຮົາແບກຢູ່ບ່ານີ້ແຫຼະໂຕບັນຫາເລີຍ, ໜີ້ມັນຈະມາກະທົບການເງິນຂອງເຮົາເພາະມັນຈະກັດກິນເງິນເກັບເຮົາໄປ ແນະນໍາໃຫ້ລ້າງໜີ້ໃຫ້ໄວທີ່ສຸດແລ້ວກັບມາຟື້ນໂຕໃໝ່ ແລະ ຢ່າໄປເປັນໜີ້ຖ້າຫາກມັນບໍ່ຈໍາເປັນ.
4. CF ເຄື່ອງເກັ່ງໂພດ
ເລື່ອນເຫັນຫຍັງກໍຢາກຊື້ໄປໝົດຫ້າມໂຕເອງແດ່ເດີທຸກຄົນ, ການທີ່ເຮົາເຫັນຫຍັງກໍ cf ໄປໝົດໂດຍທີ່ບໍ່ຄໍານຶງວ່າມັນຈໍາເປັນ ຫຼື ບໍ່ ນັ້ນຈະເຮັດໃຫ້ເງິນໝົດແບບບໍ່ຮູ້ໂຕ. ຄວນຄິດດີໆກ່ອນຊື້ ຫຼື ລອງໃຊ້ເວລາ 24 ຊົ່ວໂມງໃນການຕັດສິນໃຈ ແລ້ວເຮົາຈະຮູ້ເອງວ່າເຮົາຢາກໄດ້ແທ້ ຫຼື ບໍ່.
5. ບໍ່ມີເປົ້າໝາຍໃນການເກັບເງິນ
ເຮົາເກັບເງິນບໍ່ໄດ້ເພາະເຮົາບໍ່ຮູ້ວ່າເຮົາຈະເກັບໄປເຮັດຫຍັງ? ແຕ່ການມີເງິນເກັບຈະຊ່ວຍໂຕເຮົາໃນອະນາຄົດເມື່ອມີເລື່ອງຈໍາເປັນຕ້ອງໃຊ້ເງິນ. ລອງຕັ້ງເປົ້າໝາຍໄວ້ເປັນໂຕເລກວ່າເດືອນນີ້ເຮົາຈະເກັບໃຫ້ໄດ້ເທົ່ານີ້ ແລະ ພະຍາຍາມເກັບໃຫ້ໄດ້ທຸກໆເດືອນ, ເຊື່ອມ່ວນເລີຍວ່າຫຼາຍປີຂ້າງໜ້າເຮົາຈະມີເງິນເກັບບໍ່ຂາດມືແນ່ນອນ.
ໂດຍ: ທີມບັນນາທິການ Muan