ນໍ້າເງິນ ລາດວົງໄຊ ໝາຍເລກ 21 ຈາກເດັກນ້ອຍຂີ້ອາຍ ສູ່ເວທີນາງສັງຂານວັງວຽງ 2026

ແບ່ງປັນ

ທຸກຄົນນນນ! ມື້ນີ້ ມ່ວນຂໍພາທຸກຄົນມາຮູ້ຈັກກັບສາວນ້ອຍໜ້າຮັກ ໄວ 17 ປີ ຈາກ ບ້ານເມືອງຊອງ ເມືອງວັງວຽງ ແຂວງວຽງຈັນ .ນ້ອງຊື່ ນໍ້າເງິນ ລາດວົງໄຊ ຫຼື ທີ່ຫຼາຍຄົນຈະໄດ້ເຫັນນ້ອງໃນຖານະຜູ້ເຂົ້າປະກວດ ໝາຍເລກ 21 ບົນເວທີນາງສັງຂານ ວັງວຽງ ປະຈຳປີ 2026 ນີ້ເອງ

ຫຼາຍຄົນອາດຈະເຫັນຮອຍຍິ້ມຫວານໆຂອງນ້ອງ ແຕ່ຮູ້ບໍ່ວ່າເບື້ອງຫຼັງການຕັດສິນໃຈລົງປະກວດເທື່ອນີ້ ມັນຄືກ້າວທີ່ຍິ່ງໃຫຍ່ສຳລັບເດັກນ້ອຍຄົນໜຶ່ງເລີຍ. ຄວາມຝັນຂອງນໍ້າເງິນອາດຈະເບິ່ງຄືລຽບງ່າຍແຕ່ເຕັມໄປດ້ວຍຄວາມໝາຍ ນັ້ນກໍຄືການ “ເຮັດໃຫ້ພໍ່ແມ່ພູມໃຈ”.

ນ້ອງບອກວ່າ ການມາປະກວດຄັ້ງນີ້ ແມ່ນການຕັດສິນໃຈທ້າທາຍຕົນເອງ ກ້າທີ່ຈະກ້າວອອກຈາກ Safe Zone ເພື່ອພິສູດໃຫ້ທຸກຄົນເຫັນເຖິງຄວາມກ້າຫານ ແລະ ຄວາມສາມາດທີ່ຢູ່ທາງໃນ. ຈາກເດັກນ້ອຍຄົນໜຶ່ງ ສູ່ມື້ນີ້ທີ່ພ້ອມຈະສະແດງຄວາມໝັ້ນໃຈບົນເວທີອັນຊົງກຽດຂອງຊາວວັງວຽງ. ເວົ້າແທ້ ພຽງແຕ່ເຫັນຄວາມຕັ້ງໃຈຂອງນ້ອງ ກໍໄດ້ໃຈໄປເຕັມໆແລ້ວ!

ໃຜທີ່ມັກໃນຄວາມເປັນກັນເອງ, ຄວາມໜ້າຮັກສະໃສ ແລະ ຢາກສະໜັບສະໜູນຄວາມກ້າຫານຂອງນ້ອງ ຢ່າລືມມາເປັນກຳລັງໃຈໃຫ້ນ້ອງນໍ້າເງິນແດ່ເດີ້. ສຽງເຊຍຂອງທຸກຄົນ ຄືພະລັງອັນຍິ່ງໃຫຍ່ທີ່ຈະຊ່ວຍສົ່ງໃຫ້ນ້ອງໄປຮອດຝັນ!