ສາຍແດນຊສາຍຕື່ດຕຽມຕົວໂຍກໃຫ້ສຸດກັບເພງ ມາເດີອ້າຍ ຊິງເກີ້ນໃໝ່ ຈາກສອງສິລະປິນລາວເຮົາຢ່າງ NutDao ແລະ Thinlamphone ທີ່ໂຄຈອນມາຮ່ວມຄໍແລັບກັນໄດ້ຢ່າງລົງໂຕເພາະເພງນີ້ຈະມາໃນການເຊີນຊວນທຸກຄົນໃຫ້ມາປົດປ່ອຍຈອຍປ່ອຍໃຈໃຫ້ສຸດມັນ ດ້ວຍຈັງຫວັງເພງທີ່ປະສົມປະສານຢ່າງຫຼາກຫຼາຍກັບ Electronic Dance ສຸດເດືອດ ປົນກັບກິ່ນອ້າຍແນວ Trap ແລະ และ Hard Bass ເຕັມຫູ ທີ່ພິເສດສຸດໆຍັງມີທ່ອນໝໍລຳໃສ່ມາເພີ່ມສີສັນແບບລາວໆໃຫ້ອອກມາໃນແບບອິນເຕີ.
ສະເໜ່ຂອງເພງຢູ່ທີ່ເຄມີຂອງທັ້ງສອງທີ່ເຂົ້າກັນແບບບໍ່ມີສະດຸດ ຟັງແລ້ວຄືຖືກດຶງໃຫ້ລຸກມາໂຍກໂດຍບໍ່ຮູ້ໂຕ ແລະ ໃນເພງມີ eater egg ນຳເພາະໃນທ່ອນຮ້ອງຂອງ Thinlamphone ໄດ້ນຳທ່ອນເພງດັງໃນຍຸກກ່ອນຢ່າງ ໝາກໄມ້ ຂອງ L-Zone ມາຮ້ອງແຊກເປັນການເຄົາລົບຄາລະວະສິລະປິນລຸ້ນອ້າຍລຸ້ນເອື້ອຍເຂົ້າໄປນຳເພື່ອໃຫ້ຄົນລຸ້ນໃໝ່ໄດ້ຮູ້ຈັກເພີ່ມຂື້ນອີກ.
“ມາເດີອ້າຍ (Come To Party)” ບໍ່ໄດ້ເປັນພຽງເພງປາຕີ້ທຳມະດາແຕ່ມັນຄືການຍົກລະດັບເພງລາວຂື້ນໄປອີກຂັ້ນດ້ວຍຈັງຫວະທີ່ທັນສະໄໝ ແລະ ກິ່ນອາຍດັ້ງເດີມທີ່ປະສົມປະສານໄດ້ຢ່າງດີ.
ໂດຍ: ທີມບັນນາທິການ Muan
