ຖ້າໂລກບໍ່ໃຈດີກັບເຮົາ ກໍຢ່າລືມຮັກໂຕເອງແດ່ ຟັງ dokmaifar (day:0) – Herrizond.
Key Takeaways:
- ແນະນຳບົດເພງ dokmaifar (day:0) ຈາກວົງ Herrizond ທີ່ຊວນສຳຫຼວດຄວາມຮູ້ສຶກພາຍໃນຜ່ານຄວາມສັບສົນແລະຄວາມຢ້ານຕໍ່ການສູນເສຍ.
- ດອກໄມ້ໃນເພງຖືກໃຊ້ເປັນສັນຍະລັກແທນຄວາມຝັນ, ຄວາມຫວັງ ຫຼື ສິ່ງที่ຢາກປົກປ້ອງແຕ່ອາດແຕກສະຫຼາຍໄດ້.
- ເນື້ອຫາสะທ້ອນການຊອກຫາຄວາມໝາຍຊີວິດທີ່ເຕັມໄປດ້ວຍບາດແຜ, ນ້ຳຕາ ແລະ ຄຳຖາມທີ່ບໍ່ມີຄຳຕອບ.
- ເພງຊວນໃຫ້ຮັບຟັງສຽງຕົນເອງແລະຍອມຮັບຄວາມອ່ອນແອໂດຍບໍ່ຈຳເປັນຕ້ອງຝືນເຂັ້ມແຂງຕະຫຼອດເວລາ.
- ສົ່ງຕໍ່ຄວາມຫວັງໃຫ້ໂອກາດຕົນເອງໄດ້ເລີ່ມຕົ້ນໃໝ່ ເພາະສິ່ງທີ່ຄວນຮັກສາຄືຫົວໃຈຂອງຄົນທີ່ຖືມັນ.
ຖ້າມື້ໜຶ່ງດອກໄມ້ທີ່ເຮົາພະຍາຍາມຮັກສາມາຕະຫຼອດເກີດແຕກສະຫຼາຍ… ແລ້ວໃຜຈະເປັນຄົນໂອບກອດຫົວໃຈຂອງເຮົາໄວ້.
ມື້ນີ້ຢາກຈະຊວນທຸກຄົນມາຟັງ dokmaifar (day:0) ຈາກວົງ Herrizond. ບົດເພງທີ່ຊວນໃຫ້ຜູ້ຟັງກັບມາສຳຫຼວດຄວາມຮູ້ສຶກພາຍໃນແບບເລິກເຊິ່ງ ຜ່ານຄວາມສັບສົນ, ລັງເລ, ຄວາມຢ້ານຕໍ່ການສູນເສຍ ແລະ ອະນາຄົດທີ່ບໍ່ອາດຄາດເດົາ.
ໜຶ່ງໃນຄວາມໝາຍທີ່ໜ້າສົນໃຈທີ່ເຮົາມັກໃນເພງນີ້ຄື ການນຳເອົາຄວາໝາຍຂອງ ດອກໄມ້ ເປັນສັນຍະລັກແທນຄວາມຝັນ, ຄວາມຫວັງ ຫຼື ສິ່ງທີ່ເຮົາຢາກປົກປ້ອງ ແຕ່ກໍອາດແຕກສະຫຼາຍໄດ້ເມື່ອຕ້ອງພົບກັບຄວາມຈິງທີ່ບໍ່ເປັນດັ່ງຫວັງ.
ເນື້ອຫາເພງຍັງສະທ້ອນເຖິງການຊອກຫາຄວາມໝາຍຂອງຊີວິດ ແລະ ການເຕີບໃຫຍ່ທີ່ບໍ່ໄດ້ມາພ້ອມຄວາມສຳເລັດສະເໝີໄປ ແຕ່ອາດເຕັມໄປດ້ວຍບາດແຜ, ນ້ຳຕາ ແລະ ຄຳຖາມທີ່ຍັງບໍ່ມີຄຳຕອບ.
ທ່າມກາງສິ່ງເຫຼົ່ານັ້ນ, ເພງກັບຊວນໃຫ້ເຮົາຫັນມາຮັບຟັງສຽງຂອງຕົນເອງວ່າ ເຮົາກຳລັງຕ້ອງການຫຍັງ? ພ້ອມຮຽນຮູ້ທີ່ຈະຍອມຮັບວ່າ ບາງມື້ເຮົາກໍອ່ອນແອ, ຢາກຮ້ອງໄຫ້ ແລະ ບໍ່ຈຳເປັນຕ້ອງຝືນເຂັ້ມແຂງຢູ່ຕະຫຼອດເວລາກໍໄດ້.
ໃນວັນທີ່ໂລກບໍ່ໄດ້ໃຈດີກັບເຮົາ ບາງທີສິ່ງທີ່ຕ້ອງການກໍບໍ່ແມ່ນຄຳຕອບຂອງທຸກບັນຫາ ແຕ່ເປັນພຽງການໄດ້ກັບມາເຂົ້າໃຈ, ໂອບກອດ ແລະ ບອກຕົນເອງວ່າ ເຖິງມື້ນີ້ຈະຍັງບໍ່ເປັນດັ່ງຫວັງ ກໍບໍ່ເປັນຫຍັງ.
ສຸດທ້າຍ, ຄວາມໝາຍໃນເພງ dokmaifar (day:0) ອາດບໍ່ໄດ້ບອກວ່າທຸກຢ່າງຈະດີຂຶ້ນສະເໝີ ແຕ່ກຳລັງສົ່ງຕໍ່ຄວາມຫວັງວ່າ ເຖິງຈະຍັງຢ້ານ ຫຼື ບໍ່ໝັ້ນໃຈໃນອະນາຄົດ ເຮົາກໍຍັງສາມາດໃຫ້ໂອກາດຕົນເອງໄດ້ເລີ່ມຕົ້ນໃໝ່ອີກຄັ້ງ.
ເພາະສິ່ງທີ່ຄວນຮັກສາໄວ້ ອາດບໍ່ແມ່ນດອກໄມ້ໃນມື ແຕ່ແມ່ນຫົວໃຈຂອງຄົນທີ່ກຳລັງຖືມັນນັ້ນແຫຼະ.