ລີ່ຊ້າ ສຸພາວະດີ ເລັ່ງສະຫວັດ ພ້ອມມາພິສູດວ່າອາຍຸບໍ່ແມ່ນອຸປະສັກຂອງຄວາມຝັນໃນເວທີ FACE of LAOS
Key Takeaways:
- ລີ່ຊ້າ (ສຸພາວະດີ ເລັ່ງສະຫວັດ) ອາຍຸ 29 ປີ ຈາກນະຄອນຫຼວງວຽງຈັນ ເປັນພະນັກງານທະນາຄານ ທີ່ມີບຸກຄະລິກໜ້າຕາດູ ແຕ່ຈິງໃຈ ແລະ ເວົ້າຫຼາຍເມື່ອສະໜິດ.
- ນາງບໍ່ມີປະສົບການໃນວົງການບັນເທີງ, ບໍ່ເຄີຍຜ່ານເວທີປະກວດ ບໍ່ມີທັກສະຮ້ອງເຕັ້ນ ແຕ່ມີທັດສະນະຄະຕິ ແລະ ທັກສະການເຮັດວຽກທີ່ດີ.
- ລີ່ຊ້າກ້າອອກຈາກ Comfort Zone ຈາກການເປັນພະນັກງານທະນາຄານ ມາສະໝັກ FACE of LAOS ເພື່ອພັດທະນາຕົນເອງ ແລະ ທ້າທາຍຄວາມກ້າສະແດງອອກ.
- ເຖິງຈະເຄີຍຖືກຕຳໜິວ່າອາຍຸຫຼາຍແຕ່ຄວາມເປັນທຳມະຊາດ ແລະ ຄວາມມຸ່ງໝັ້ນເຮັດໃຫ້ນາງໄດ້ຜ່ານເຂົ້າຮອບ, FACE of LAOS ປ່ຽນຊີວິດ ແລະ ມຸມມອງຂອງນາງ.
- ນາງຕັ້ງເປົ້າເປັນ "ມ້າມືດ" (Dark Horse) ຂອງລາຍການ ດ້ວຍຄວາມຝັນທີ່ຈະຊະນະ FACE of LAOS ແລະ ໄປປະກວດເວທີ FACE of ASIA.
ຫຼາຍຄັ້ງທີ່ເຮົາມັກຈະຕັດສິນຄົນຈາກພາຍນອກ ແຕ່ຖ້າໄດ້ລອງເປີດໃຈສຳຜັດແທ້ໆ ເຮົາອາດຈະໄດ້ເຫັນມຸມມອງທີ່ແຕກຕ່າງອອກໄປຢ່າງສິ້ນເຊີງ. ມື້ນີ້ ມ່ວນຈະພາໄປຮູ້ຈັກກັບ “ລີ່ຊ້າ” ຫຼື ສຸພາວະດີ ເລັ່ງສະຫວັດ (FOL 05) ສາວນະຄອນຫຼວງວຽງຈັນ ໄວ 29 ປີ ທີ່ປັດຈຸບັນກຳລັງສວມບົດບາດເປັນພະນັກງານທະນາຄານ.
ສາວຄົນນີ້ມາພ້ອມກັບບຸກຄະລິກທີ່ຫຼາຍຄົນອາດຈະແອບຢ້ານໃນຕອນທຳອິດ ເພາະນາງຍອມຮັບວ່າຕົນເອງເປັນຄົນມາດນິ່ງ, ຂີ້ອາຍ ແລະ ມີໃບໜ້າທີ່ດູ “ໂຫດ” ຫຼື ເຢັນຊາ. ແຕ່ຖ້າໃຜໄດ້ລອງສະນິດແລ້ວ ຈະຮູ້ເລີຍວ່າພາຍໃຕ້ໃບໜ້ານິ່ງໆນັ້ນ ລີ່ຊ້າຄືສາວທີ່ໃຈດີ ແລະ ພ້ອມຈະເວົ້າຫຼາຍຈົນໝູ່ຕ້ອງຮ້ອງຂໍໃຫ້ພັກເລີຍກໍວ່າໄດ້!
ອາວຸດລັບທີ່ຊົງພະລັງທີ່ສຸດ ຄືຄຳວ່າ “ບໍ່ເວົ້າຫຼາຍ ແຕ່ເຮັດໄດ້” ຖ້າທຽບກັບຜູ້ເຂົ້າແຂ່ງຂັນຄົນອື່ນໆ ໂປຣໄຟລ໌ໃນວົງການບັນເທີງຂອງລີ່ຊ້າຖືວ່າເປັນ “ສູນ” ຢ່າງແທ້ຈິງ. ນາງບໍ່ເຄີຍຜ່ານເວທີປະກວດ ຫຼື ມີຜົນງານໃດໆມາກ່ອນ, ບໍ່ໄດ້ມີທັກສະຮ້ອງເຕັ້ນທີ່ຫວືຫວາ ແລະ ກິດຈະກຳຍາມຫວ່າງທີ່ມັກທີ່ສຸດກໍມີພຽງແຕ່ການ “ຟັງເພງ” ຊິວໆ.
ແຕ່ສິ່ງທີ່ເຮັດໃຫ້ລີ່ຊ້າເປັນຄົນທີ່ໜ້າຈັບຕາມອງທີ່ສຸດ ກັບບໍ່ແມ່ນພອນສະຫວັນທີ່ຕິດໂຕມາ ແຕ່ມັນຄືທັດສະນະຄະຕິ ແລະ ທັກສະການເຮັດວຽກ. ເມື່ອຖືກຖາມເຖິງຈຸດເດັ່ນທີ່ເຮັດໃຫ້ຄົນຕ້ອງຮ້ອງ “ວ້າວ” ນາງຕອບສັ້ນໆແຕ່ໜັກແໜ້ນວ່າ “ນ້ອງເປັນຄົນບໍ່ເວົ້າຫຼາຍ ແຕ່ເຮັດໄດ້”. ປະໂຫຍກນີ້ສະທ້ອນໃຫ້ເຫັນເຖິງຄວາມເປັນຜູ້ໃຫຍ່ ທີ່ເນັ້ນການພິສູດຕົນເອງດ້ວຍການກະທຳ ຫຼາຍກວ່າການໂອ້ອວດດ້ວຍຄຳເວົ້າ.
ອາຍຸເປັນພຽງຕົວເລກ ຂໍແຄ່ມີໂອກາດ ກໍພ້ອມຈະລຸຍໃຫ້ສຸດ ການຕັດສິນໃຈກ້າວອອກຈາກກອບການເປັນພະນັກງານທະນາຄານ ມາສະໝັກ FACE of LAOS ເພາະລີ່ຊ້າຫຼົງໄຫຼໃນການເດີນແບບ ແລະ ຢາກພັດທະນາສັກກະຍະພາບ, ບຸກຄະລິກກະພາບ ພ້ອມທັງທ້າທາຍຄວາມກ້າສະແດງອອກຂອງຕົນເອງ. ໂດຍມີຕົນເອງເປັນແຮງບັນດານໃຈສູງສຸດ ໃນການກ້າວຂ້າມຂີດຈຳກັດ.
ວິນາທີທີ່ຮູ້ວ່າຜ່ານເຂົ້າຮອບ ນາງຍອມຮັບວ່າ “ຕົກໃຈຫຼາຍ” ເພາະກ່ອນໜ້ານັ້ນກຳມະການເຄີຍໃຫ້ຄຳເຫັນວ່າ ນາງອາດຈະອາຍຸຫຼາຍແລ້ວເມື່ອທຽບກັບຄົນອື່ນ ເຊິ່ງອາດຈະສູ້ຍາກ. ແຕ່ໃນທີ່ສຸດ ຄວາມເປັນທຳມະຊາດ ແລະ ຄວາມມຸ່ງໝັ້ນກໍເຮັດໃຫ້ນາງໄດ້ຮັບໂອກາດນີ້. “FACE of LAOS ເປັນຜົນງານທຳອິດທີ່ປ່ຽນຊີວິດ ແລະ ປ່ຽນມຸມມອງຂອງນ້ອງ ເປັນເວທີທີ່ໃຫ້ໂອກາດພິສູດຕົວເອງ ໄດ້ຮຽນຮູ້ການປັບຕົວ, ການແກ້ໄຂບັນຫາສະເພາະໜ້າ ແລະ ການເຮັດວຽກແຂ່ງກັບເວລາ” ນາງເລົ່າເຖິງປະສົບການອັນລໍ້າຄ່າທີ່ໄດ້ຮັບ.
“ມ້າມືດ” ທີ່ພ້ອມຈະກ້າວສູ່ເວທີອາຊີ ເຖິງຈະບໍ່ໄດ້ໂດດເດັ່ນຫວືຫວາຕັ້ງແຕ່ເລີ່ມຕົ້ນ ແຕ່ລີ່ຊ້າບອກເລີຍວ່ານາງພ້ອມທີ່ຈະເປັນ “ມ້າມືດ” (Dark Horse) ປະຈຳລາຍການ ທີ່ຄ່ອຍໆເຜີຍສັກກະຍະພາບອອກມາໃຫ້ທຸກຄົນໄດ້ເຫັນໃນແຕ່ລະຮອບ. ຄວາມຝັນສູງສຸດຂອງນາງ ຄືການຄວ້າແຊັມ FACE of LAOS ແລະ ໄດ້ເປັນຕົວແທນປະເທດໄປປະກວດໃນເວທີ FACE of ASIA.
ສຳລັບໃຜທີ່ກຳລັງຊອກຫາຜູ້ເຂົ້າແຂ່ງຂັນທີ່ເປັນຕົວແທນຂອງຄົນທີ່ບໍ່ເຄີຍຍອມແພ້ຕໍ່ອາຍຸ ແລະ ກ້າອອກຈາກເຊຟໂຊນ (Safe Zone) ລີ່ຊ້າຂໍຝາກໃຫ້ທຸກຄົນຊ່ວຍເປັນກຳລັງໃຈໃຫ້ແດ່ ນາງສັນຍາວ່າຈະເຮັດໃຫ້ດີທີ່ສຸດ.
ແລະ ເພື່ອເປັນການຢັ້ງຢືນເຖິງຄວາມໝັ້ນໃຈໃນແບບສະບັບຂອງ “ຄົນບໍ່ເວົ້າຫຼາຍ” ລີ່ຊ້າໄດ້ຝາກປະໂຫຍກເດັດມັດໃຈຄູ່ແຂ່ງໄວ້ວ່າ:
ບໍ່ຢາກເວົ້າຫຼາຍ ທີ່ 1 ຂອງ FACE of LAOS ຢູ່ນີ້ແລ້ວ!
ຢ່າລືມຮ່ວມເຊຍ ແລະ ເປັນກຳລັງໃຈລີ່ຊ້າ FOL 05 ໃນການປະກວດ FACE of LAOS ຄັ້ງນີ້ກັນໄດ້ດ້ວຍການໂຫວດໄດ້ທີ່ເວັບໄຊ FACEOFLAOS.WEVOTE.LA ແດ່ເດີ້!