ມີໃຜເຄີຍຜ່ານຕາເຫັນໜຸ່ມຄົນນີ້ບໍ່? ຊ່ວງນີ້ທີມມ່ວນເອງໄດ້ຜ່ານຕາໄປເຫັນໜຸ່ມຄົນນີ້ທີ່ ດູດີ ຫຼໍ່ ເທ່ ມີສະເໜ່ ມີມາດ ມີຊົງ ຕາມສະໄຕລ໌ນາຍແບບ ຈົນໄດ້ຕິດຕາມ ແລະ ສອບຖາມຈຶ່ງໄດ້ຮູ້ລາວຫາກໍຈະເຂົ້າວົງການນາຍແບບ. ແນ່ນອນບໍ່ພາດທີ່ທາງທີມມ່ວນ ຈະພາໝູ່ໆທຸກຄົນໄປຮູ້ຈັກກັບລາວ ທີ່ໃຜເຫັນກໍຕ້ອງຫຼົງສະເໜ່ທັນທີ.
ແນະນຳໂຕໃຫ້ເຮົາຮູ້ຈັກແດ່
ຄິງຄອງ: ສະບາຍດີ ຄິງຄ໋ອງເດີ ຊື່ເເທ້ເເມ່ນ ລັດທະກອນ ເເສງສີລາທອງ ປັດຈຸບັນເຮັດວຽກເປັນພະນັກງານລັດຖະກອນ.
ສິ່ງທີ່ມັກເຮັດໃນເວລາວ່າງແມ່ນຫຍັງ?
ຄິງຄອງ: ເວລາວ່າງຫວາ? ຖ້າບໍ່ມີວຽກຫຍັງ ກໍມັກທີ່ຈະໄປອອກກຳລັງດ້ວຍການເຂົ້າຢິມ ໄປຟິດເນສຕາມເວລາທີ່ວ່າງ.
ເປັນຫຍັງຈຶ່ງເລືອກທີ່ຈະມາເປັນນາຍແບບ?
ຄິງຄອງ: ທີ່ນ້ອງໄດ້ຕັດສິນໃຈເລືອກເຂົ້າມາໃນວົງການນາຍແບບນີ້, ໜຶ່ງກໍຍ້ອນຢາກພັດທະນາ ແລະ ຊຸກຍູ້ໂຕເອງໃຫ້ໄປໄດ້ໄກເທົ່າທີ່ໂຕເຮົາຈະເຮັດໄດ້ ເເລະ ກໍເພື່ອຈະໄດ້ມີໂອກາດດີໆໃໝ່ໆເຂົ້າມາ ເໝືອນກັບເປັນການເປີດໂອກາດໃໝ່ໆໃຫ້ໂຕເອງນຳ.
ຜົນງານທີ່ຜ່ານມາມີຫຍັງແດ່ ເລົ່າສູ່ເຮົາຟັງແດ່
ຄິງຄອງ: ກ່ອນຈະເຂົ້າມາກໍ່ໄດ້ມີຜົນງານມາແດ່ແລ້ວ. ແຕ່ພໍເຮົາໄດ້ເຂົ້າມາໃນວົງການນາຍເເບບທີ່ຈິງຈັງ ກໍຮູ້ສຶກວ່າ ມັນເເມ່ນເຮົາເເທ້ໆໃດ. ເເຕ່ເຮົາກໍ່ຍັງໃໝ່ເເຮງໃນວົງການນີ້ ຍັງມີຫຍັງອີກຫຼາຍຢ່າງທີ່ຍັງຕ້ອງຮຽນຮູ້ ແລະ ພັດທະນາຂຶ້ນໄປອີກ.
ຖ່າຍແບບຄັ້ງທຳອິດເປັນແນວໃດ?
ຄິງຄອງ: ຖ່າຍເເບບຄັ້ງທຳອິດຫວາ? ເເນ່ນອນເລີຍເລື່ອງຄວາມຕື່ນເຕັ້ນ ກັບ ເລື່ອງການສະເເດງສີຫນ້າເເວວຕາ ເທື່ອທຳອິດກໍ່ເຮັດໄດ້ອອກມາຮູ້ສຶກບໍ່ດີເທົ່າທີ່ຄວນ ເເຕ່ເຮົາກໍ່ພະຍາຍາມເກັບກ່ຽວປະສົບການທີ່ໄດ້ຮັບມາເເຕ່ລະງານເພື່ອປັບປຸງພັດທະນາໃຫ້ດີກວ່າເກົ່າ.
ໂມເມັ້ນທີ່ມີຄົນມາທັກ ຫຼື ເອີ້ນເຮົາວ່ານາຍເເບບ ສຳລັບຕົວເອງເນາະກໍ່ຍັງບໍ່ຮູ້ສຶກວ່າເຮົາເປັນນາຍເເບບທີ່ເຕັມໂຕເທື່ອ ຄືເອື້ອຍໆອ້າຍໆໃນວົງການເນາະ ເພາະຍັງມີບາງຢ່າງທີ່ເຮົາຍັງບໍ່ໄດ້ໂຊວ໌ອອກມາໃຫ້ທຸກຄົນໄດ້ເຫັນເທື່ອ ເເລະ ບາງຢ່າງເຮົາກໍ່ຍັງບໍ່ກ້າສະເເດງອອກປານໃດຮູ້ສຶກວ່າຍັງອາຍ ຍັງເຂີນບໍ່ກ້າສະເເດງອອກ.
ແມ່ນຫຍັງຄືສິ່ງທີ່ທ້າທາຍທີ່ສຸດໃນການເປັນນາຍແບບ?
ຄິງຄອງ: ການເຂົ້າມາໃນວົງການນາຍແບບນີ້ເເມ່ນທ້າທາຍເເຮງ ເພາະນ້ອງດ້ວຍຄວາມເປັນຄົນທີ່ຂີ້ອາຍບໍ່ກ້າສະເເດງອອກ. ເເຕ່ສິ່ງນີ້ລະ ທີ່ເຮັດໃຫ້ນ້ອງຢາກທ້າທາຍຕົວເອງ, ຢາກທີ່ຈະກ້າວຂ້າມກຳເເພງນີ້ໃຫ້ໄດ້ ເພື່ອຈະພິສູດວ່າເຮົາສາມາດເປັນນາຍເເບບທີ່ມີຄວາມສາມາດໄດ້ຄືກັນ.
ຢາກລອງໄປປະກວດຊາຍງາມບໍ່?
ຄິງຄອງ: ມີຫຼາຍຄົນບອກວ່ານ້ອງຄວນໄປປະກວດເວທີຊາຍງາມ ແຕ່ສຳຫຼັບໃນຕອນນີ້ ນ້ອງຍັງບໍ່ມີຄວາມຄິດນັ້ນເທື່ອ ເພາະການປະກວດມັນໄກຈາກຕົວຕົນຂອງນ້ອງຫຼາຍ. ເວົ້າເລື່ອງຫຸ່ນແດ່, ຍັງເລື່ອງຄວາມສາມາດພິເສດອີກ, ທັງທັດສະນະຄະຕິ, ວິໄສທັດຕ່າງໆ. ເເຕ່ຖ້າຫາກວ່າມື້ໜຶ່ງທີ່ຕົວນ້ອງເອງມີຄວາມພ້ອມທີ່ຫຼາຍກວ່ານີ້ໃນອະນາຄົດກໍອາດຈະເປັນໄປໄດ້.
ຖ້າທຽບກັບສັດ ຄິດວ່າໂຕເອງເປັນສັດຊະນິດໃດ?
ຄິງຄອງ: ທຽບກັບສັດຫວາ? ຄິດວ່າຕົວເອງເປັນເເມວ ດ້ວຍແບບທີ່ເປັນຄົນທີ່ຮັກຕົວເອງ ຮັກອິດສະລະ ເເລະ ກໍ່ຕາມໃຈຕົວເອງ ເເຕ່ບາງເທື່ອອາດເບິ່ງຄືຫຍິ່ງໆແດ່. ຍາມຕອນອາລົມດີກໍ່ຈະຂີ້ອ້ອນ ເເລະ ພິຖີພິຖັນ. ບາງຄັ້ງ ຄົນທີ່ເຂົາບໍ່ສະໜິດນຳອາດຄິດວ່າເຮົາປັນຄົນບໍ່ຈິງຈັງ ດ້ວຍຄວາມທີ່ເຮົາຮັກອິດສະລະ ເເລະ ກໍເປັນຕົວຂອງຕົວເອງສູງແດ່ ບວກກັບຂີ້ອາຍອີກກໍເລີຍຄິດວ່າເຮົາເປັນແມວນີ້ລະ 
ມີຫຍັງຢາກຝາກບໍ່?
ຄິງຄອງ: ຜູ້ໃດສົນໃຈຢາກຕິດຕໍ່ ຫຼື ມີວຽກກໍສາມາດຕິດຕໍ່ໄດ້ເດີ້
ສ່ວນໝູ່ເພື່ອນທີ່ເຂົ້າມາເຫັນ ກໍຝາກກົດໄລຄ໌ ກົດເເຊຣ໌ໃຫ້ກັນເເນ່ ບໍ່ເເມ່ນແຕ່ຊິເຍີ້ຍ ຫຼືເເຊວຢ່າງດຽວ ຮ່າຮ່າຮ່າ ຢອກໆ. ເອົາເປັນວ່າຢາກຝາກໃຫ້ແຟນໆເພຈມ່ວນຝາກຕິດຕາມ ແລະ ເປັນກຳລັງໃຈໃຫ້ກັນແນ່ເດີ້ ເທື່ອທີ່ຈະບໍ່ພາດຜົນງານໃນວົງການຂອງຄິງຄ໋ອງເດີ້
ແຈກວາບ
