ໜ້າຫຼັກ Muan.la - ສາລະບັນເທີງ Muan RelationTips 4 ເຫດຜົນທີ່ຄວນເຂົ້າໃຈອາລົມຂອງຕົວເອງ
Muan RelationTips

4 ເຫດຜົນທີ່ຄວນເຂົ້າໃຈອາລົມຂອງຕົວເອງ

ແບ່ງປັນ

ອາລົມຂອງຄົນເປັນສິ່ງທີ່ບໍ່ແນ່ນອນ, ມັນສາມາດຂຶ້ນ ຫຼື ລົງໄດ້ກະທັນຫັນໃນຊ່ວງເວລາໃດໜຶ່ງເຊັ່ນ: ໃຈຮ້າຍໃຫ້ໝູ່/ຄົນໃກ້ໂຕ ຫຼື ຄວາມຮູ້ສຶກໂສກເສົ້າ ໃນການສູນເສຍບາງຢ່າງ ອາດຈະເປັນຄວາມສຳພັນ ຫຼື ສິ່ງທີ່ມີຄຸນຄ່າຕໍ່ຈິດໃຈ. ແຕ່ເປັນຫຍັງເວລາເກີດຫຍັງຂຶ້ນ ສິ່ງທໍາອິດທີ່ມີປະຕິກິລິຍາຈະແມ່ນອາລົມ? ມັນມີບົດບາດຫຍັງກັບເຮົາ?

ມື້ນີ້ມ່ວນຈະພາທຸກຄົນຮູ້ເຫດຜົນວ່າ ເປັນຫຍັງເຮົາຕ້ອງທຳຄວາມເຂົ້າໃຈກັບອາລົມຂອງຕົນເອງ? ແລະ ນີ້ແມ່ນບົດບາດຂອງອາລົມທີ່ສາມາດຊ່ວຍໃຫ້ຊີວິດເຮົາດີຂຶ້ນໄດ້.

1. ອາລົມເປັນໂຕຊ່ວຍໃນການຕັດສິນໃຈ

ບໍ່ວ່າຈະເປັນເລື່ອງນ້ອຍໆຢ່າງເຊັ່ນ ມື້ແລງຊິກິນຫຍັງດີ? ຈົນໄປເຖິງການຕັດສິນໃຈໃຫຍ່ໆໃນໜ້າທີ່ວຽກງານ, ອາລົມຂອງເຮົາ ຈະຮັບບົດບາດທີ່ສຳຄັນສຸດໆເລີຍໃນການຕັດສິນໃຈຄັ້ງນີ້. ເຖິງແມ້ເຮົາອາດຈະຄິດວ່າ ສິ່ງທີ່ເຮົາຕັດສິນໃຈທັງໝົດມັນມາຈາກເຫດຜົນລ້ວນໆເລີຍ ແຕ່ຮູ້ບໍ່ວ່າ? ອາລົມນັ້ນກໍເປັນສ່ວນໜຶ່ງທີ່ກ່ຽວຂ້ອງໃນການຕັດສິນໃຈເຊັ່ນດຽວກັນ. ຖ້າເຮົາມີຄວາມສາມາດໃນການຈັດການອາລົມຂອງໂຕເອງໄດ້ດີເທົ່າໃດ ກໍຍິ່ງຈະເຮັດໃຫ້ການຕັດສິນໃຈຂອງເຮົາມີປະສິດທິພາບດີເທົ່ານັ້ນ.

2. ຊ່ວຍໃຫ້ຄົນອື່ນເຂົ້າໃຈເຮົາຫຼາຍຂຶ້ນ

ການທີ່ເຮົາຈະມີສ່ວນຮ່ວມກັບຄົນອື່ນ ການທີ່ສະແດງສັນຍານບາງຢ່າງເພື່ອໃຫ້ເຂົາເຂົ້າໃຈຄວາມຮູ້ສຶກເຮົາກໍເປັນສິ່ງສຳຄັນ, ສັນຍານທີ່ວ່ານີ້ແມ່ນໝາຍເຖິງ ການສະແດງອອກທາງອາລົມ ບໍ່ວ່າຈະເປັນການສະແດງອອກທາງພາສາກາຍ ແລະ ການສະແດງອອກທາງສີໜ້າ ໃນສິ່ງທີ່ເຮົາກຳລັງຮູ້ສຶກຢູ່. ຢ່າງເຊັ່ນ ການທີ່ເຮົາສະແດງອອກມາຊັດເຈນເພື່ອບອກ ໝູ່/ຄົນໃນຄອບຄົວ ວ່າເຮົາກຳລັງຮູ້ສຶກ ໂສກເສົ້າ, ດີໃຈ ຫຼື ຢ້ານ ມັນຈະເປັນການສົ່ງສັນຍານໃຫ້ພວກເຂົາຣູ້ວ່າ ເຮົາກຳລັງຮູ້ສຶກແນວໃດ ເພື່ອໃຫ້ພວກເຂົາຣູ້ວ່າຕ້ອງເຣັດຫຍັງຕໍ່.

3. ຊ່ວຍໃຫ້ເຮົາເຂົ້າໃຈຄົນອື່ນຫຼາຍຂຶ້ນ

ເຊັ່ນດຽວກັນກັບຂໍ້ກ່ອນໜ້າ ເມື່ອເຮົາຮູ້ທີ່ຈະສະແດງຄວາມຣູ້ສຶກຕົນເອງຕໍ່ຄົນອື່ນແລ້ວ ການທີ່ຈະຕ້ອງເຂົ້າໃຈກັບຄວາມຮູ້ສຶກຂອງຄົນອື່ນ ກໍເປັນເລື່ອງສຳຄັນເຊັ່ນດຽວກັນ ເພາະການໃຊ້ຊີວິດໃນສັງຄົມ ການສື່ສານເປັນສິ່ງສຳຄັນ ແລະ ການທີ່ຮູ້ຈັກຕອບສະໜອງອາລົມຄົນອື່ນກໍເປັນສິ່ງທີ່ສຳຄັນເຊັ່ນດຽວກັນ. ສິ່ງນີ້ຈະເຮັກໃຫ້ເຮົາສາມາດຕອບສະໜອງສິ່ງຕ່າງໆໄດ້ຢ່າງເໝາະສົມ ແລະ ສ້າງຄວາມສຳພັນທີ່ດີຂຶ້ນກັບໝູ່, ຄົນໃນຄອບຄົວ ຫຼື ຄົນຮັກໄດ້. ນອກຈາກນັ້ນຍັງຊ່ວຍໃຫ້ເຮົາສາມາດສື່ສານຢ່າງມີປະສິດທິພາບກັບສະຖານະການຕ່າໆທາງສັງຄົມເຊັ່ນ: ການຮັບມືກັບລູກຄ້າທີ່ບໍ່ພໍໃຈ ເປັນຕົ້ນ.

4. ອາລົມຊ່ວຍໃຫ້ເຮົາເລີ່ມລົງມືເຮັດສິ່ງໃດໜຶ່ງ

ເມື່ອຕ້ອງພົບກັບວຽກບາງຢ່າງທີ່ທ້າທາຍ ເຮົາອາດຈະກັງວົນວ່າຈະເຮັດສິ່ງນັ້ນບໍ່ໄດ້ ຫຼື ເຮັດອອກມາບໍ່ໄດ້ດີເທົ່າທີ່ຄວນ, ຄວາມຄິດເຫຼົ່ານີ້ເກີດຈາກຄວາມວິຕົກກັງວົນຂອງເຮົາເອງ ເຊິ່ງມາຈາກອາລົມທີ່ບໍ່ດີຂອງເຮົາ ແລະ ການທີ່ຈະແກ້ໄຂມັນ ແມ່ນມາຈາກການພົບບາງສິ່ງທີ່ເຮັດໃຫ້ອາລົມດີ ຫຼຸດຜ່ອນອາລົມທີ່ບໍ່ພຶງປະສົງອອກ ຕົວຢ່າງເຊັ່ນ: ການເຮັດກິດຈະກຳທີ່ເຮັດໃຫ້ເຮົາມີຄວາມສຸກ ແລະ ມ່ວນໄປກັບມັນ, ສິ່ງເຫຼົ່ານີ້ຈະເຮັດໃຫ້ອາລົມເຮົາດີຂຶ້ນ ແລະ ເຮັດໃຫ້ໄດ້ຮັບແຮງບັນດານໃຈບາງຢ່າງທີ່ຈະເປັນ passion ເພື່ອລົງມືເຮັດມັນ ແລະ ສ້າງສັນສິ່ງຕ່າງໆ ເພື່ອເພີ່ມໂອກາດໃຫ້ຜົນງານອອກມາໄດ້ດີ.

ອ່ານຕື່ມ:  ຕ້ອງຈາກລາແນວໃດໃຫ້ຮູ້ສຶກເຈັບໜ້ອຍກວ່າໃນອະດີດ?

ສຸດທ້າຍນີ້ ຕາມທີ່ໄດ້ອ່ານທັງໝົດແລ້ວກໍເຮັດໃຫ້ເຫັນວ່າ ອາລົມຂອງເຮົາມີບົດບາດຫຼາຍຢ່າງ, ອາລົມອາດຈະສັ້ນ, ຍາວ, ຮຸນແຮງ ຫຼື ຊັບຊ້ອນ ແຕ່ມັນກໍສາມາດສ້າງແຮງບັນດານໃຈ ພ້ອມກັບການຕັດສິນໃຈບາງຢ່າງ ທີ່ມີຄວາມໝາຍຕໍ່ການໃຊ້ຊີວິດໃນສັງຄົມຂອງເຮົາໄດ້.

ໂດຍ: ທີມບັນນາທິການ Muan

ຂຽນໂດຍ
Khainapha Chanthathilath - Content Creator

ເປັນຜູ້ສ້າງຄອນເທັ້ນທີ່ມັກການທ່ອງທ່ຽວ ແລະ ເລື່ອງລາວທີ່ໜ້າສົນໃຈຂອງວັດທະນຳທຳທ້ອງຖິ່ນ, ທຳມະຊາດ, ຄວາມງົດງາມທີ່ແສນທຳມະດາໃນຊີວິດປະຈຳວັນ, ມັກດື່ມກາແຟດຳ, ມັກເລົ່າເລື່ອງລາວຜ່ານໂຕໜັງສື, ຮູບຖ່າຍ ແລະ ວິດີໂອສັ້ນ.

ບົດຄວາມທີ່ກ່ຽວຂ້ອງ
Muan RelationTips

Doorway Effect: ຍ່າງຜ່ານປະຕູແລ້ວລືມເລື່ອງທີ່ຄິດ ຊວນເຂົ້າໃຈການຈັດລະບຽບຂອງສະໝອງ

ເຄີຍຍ່າງຜ່ານປະຕູແລ້ວລືມເລື່ອງທີ່ຈະເຮັດບໍ່? ທຳຄວາມເຂົ້າໃຈກັບ Doorway Effect ແລະ ວິທີທີ່ສະໝອງຈັດລະບຽບຄວາມຈຳໃນຊີວິດປະຈຳວັນ. ຊວນຮູ້ຈັກທິດສະດີ Doorway Effect ແລະ 3 ວິທີແກ້ໄຂງ່າຍໆ

Muan RelationTips

Trust Issues: ບັນຫາທີ່ເກີດຈາກຄວາມບໍ່ໄວ້ວາງໃຈເຮັດໃຫ້ຮັກເຈັບປວດ

ບັນຫາທາງຈິດໃຈທີ່ເຮັດໃຫ້ບໍ່ສາມາດໄວ້ວາງໃຈໃຜໄດ້ ມັກເກີດຈາກການຖືກທຳຮ້າຍທາງຈິດໃຈໃນອະດີດ ເຊິ່ງສົ່ງຜົນຕໍ່ຄວາມຄິດ, ອາລົມ ແລະ ພຶດຕິກຳໃນປັດຈຸບັນ.

Muan RelationTips

ຄວາມໝັ້ນໃຈສ້າງໄດ້: Self-Efficacy Theory ກຸນແຈສູ່ການສ້າງສະເໜ່ທີ່ດຶງດູດໃຈ

ຄວາມໝັ້ນໃຈບໍ່ໄດ້ເກີດຂຶ້ນທັນທີ ແຕ່ມາຈາກການຝຶກຝົນແລະການສ້າງຄວາມເຊື່ອໝັ້ນໃນໂຕເອງຢ່າງຕໍ່ເນື່ອງ. ເມື່ອເຮົາໝັ້ນໃຈໃນໂຕເອງ, ເຮົາຈະສົ່ງສະເໜ່ ແລະ ພະລັງງານບວກໃຫ້ກັບຄົນອ້ອມຂ້າງ ສະນັ້ນ, ສິ່ງນີ້ກໍຈະເຮັດໃຫ້ເຮົາເປັນທີ່ຈື່ຈຳ ແລະ ຊວນໃຫ້ປະທັບໃຈໃນສາຍຕາຂອງຄົນອື່ນ.

Muan RelationTips

ຮັກແບບນີ້ປົກກະຕິບໍ່? ໄຂທິດສະດີທີ່ຈະຊ່ວຍເລື່ອງຄວາມສຳພັນໃຫ້ດີຂຶ້ນ

ທິດສະດີຄວາມຜູກພັນ (Attachment Theory) ແມ່ນການອະທິບາຍຮູບແບບຄວາມສຳພັນຂອງມະນຸດ ທີ່ແບ່ງອອກເປັນ 4 ຮູບແບບ: ໝັ້ນຄົງ, ກັງວົນ, ຫຼີກໜີ ແລະ ຢ້ານຄວາມຜູກພັນ....

ກ່ຽວກັບພວກເຮົາ - About Muan

ມ່ວນ - Muan.Space ຫຼື Muan.la ພື້ນທີ່ຈຸດປະກາຍແຮງບັນດານໃຈ ແລະ ສົ່ງຜົນກະທົບທີ່ດີ ໃຫ້ກັບສັງຄົມຜ່ານເລື່ອງລາວ ເນື້ອຫາສາລະ ບັນເທີງທີ່ສ້າງສັນ. ກໍ່ຕັ້ງຂຶ້ນໃນປີ 2016 ພາຍໃຕ້ບໍລິສັດການຕະຫຼາດ BIZGITAL ຈຳກັດ. 🔴👑☕🦖💼🧭 ມ່ວນ - Muan.Space ຫຼື Muan.la is the Premier Destination for Creative & Entertainment Content in Laos. A business unit of a Digital Marketing Technology, BIZGITAL Company Limited since 2016.