ແອ່ນນີ້ ມີໄຊ ໄພສະຖຽນ ເມື່ອຄວາມກ້າທີ່ຈະແຕກຕ່າງຈຶ່ງພາສູ່ເວທີ FACE of LAOS
Key Takeaways:
- ແອ່ນນີ້-ມີໄຊ ໄພສະຖຽນ (FOL07) is a confident and charismatic 19-year-old contestant who brings joy to those around her.
- She is an economics student with a friendly, humorous personality, though she admits to getting bored easily and loves sleeping the most.
- Her ambitious dreams include becoming a YouTuber with 10 million subscribers, walking the Met Gala red carpet, and traveling to Mars.
- Participating in FACE of LAOS is her first modeling platform, where she aims to test her potential, discover herself, and gain experience in the entertainment industry.
- Aen Nee believes her unique strength lies in being different, daring to be herself, and possessing fearless confidence.
ຖ້າຈະເວົ້າເຖິງຜູ້ເຂົ້າແຂ່ງຂັນທີ່ພົກພາຄວາມໝັ້ນໃຈແບບບໍ່ມີຄວາມຢ້ານກົວ ພ້ອມກັບບຸກຄະລິກທີ່ເຮັດໃຫ້ຄົນອ້ອມຂ້າງຍິ້ມໄດ້ສະເໝີ ຊື່ຂອງ “ແອ່ນນີ້-ມີໄຊ ໄພສະຖຽນ” ຫຼື FOL07 ຕ້ອງເປັນໜຶ່ງໃນນັ້ນຢ່າງແນ່ນອນ. ສາວນ້ອຍໄວ 19 ປີຄົນນີ້ ບໍ່ໄດ້ມີພຽງແຕ່ຄວາມໜ້າຮັກສົດໃສ ແຕ່ເບື້ອງຫຼັງຮອຍຍິ້ມຂອງນາງ ຄືແນວຄິດ ແລະ ຄວາມຝັນທີ່ຍິ່ງໃຫຍ່ແບບທີ່ຫຼາຍຄົນຄາດບໍ່ເຖິງ.
ມື້ນີ້ ມ່ວນຈະພາທຸກຄົນໄປທຳຄວາມຮູ້ຈັກກັບຕົວຕົນທີ່ແທ້ຈິງຂອງແອ່ນນີ້ ໃຫ້ຫຼາຍຂຶ້ນກວ່າການເຫັນນາງຢູ່ເທິງເວທີ.
ຈາກນັກສຶກສາເສດຖະສາດ ສູ່ສາວຜູ້ຮັກການນອນເປັນຊີວິດຈິດໃຈ ປັດຈຸບັນ ແອ່ນນີ້ ກຳລັງສຶກສາຢູ່ພາກວິຊາ ເສດຖະສາດ ພັດທະນາ ແລະ ວາງແຜນ,ເປັນຄົນເຟຣນລີ້, ຕະຫຼົກເຮຮາ, ແຕ່ກໍເປັນຄົນເບື່ອງ່າຍໜ້ອຍໜຶ່ງ. ສ່ວນກິດຈະກຳຍາມວ່າງ ຫຼື ສິ່ງທີ່ມັກເຮັດທີ່ສຸດໃນຊີວິດ? ຄຳຕອບນັ້ນງ່າຍຫຼາຍ ນາງຕອບແບບກົງໄປກົງມາວ່າ “ມັກນອນທີ່ສຸດເລີຍ!” ເຊິ່ງເປັນຄຳຕອບທີ່ທັງເປັນຕາໜ້າຮັກ ແລະ ເຊື່ອວ່າໜ້າຈະຖືກໃຈໃຜຫຼາຍໆຄົນ.
ແຕ່ຖ້າບໍ່ໄດ້ຢູ່ເທິງເວທີການປະກວດໃນຕອນນີ້ ແອ່ນນີ້ບອກວ່າ ນາງກໍຄົງກຳລັງໃຊ້ຊີວິດ ແລະ ຍ່າງຕາມຄວາມຝັນຂອງຕົວເອງໃນເສັ້ນທາງອື່ນຢູ່ແນ່ນອນ.
ຄວາມຝັນທີ່ບໍ່ທຳມະດາ: ຢູທູບເບີ 10 ລ້ານຊັບ, ພົມແດງ Met Gala ແລະ ດາວອັງຄານ! ເມື່ອລົມກັນເລື່ອງຄວາມຝັນໃນອະນາຄົດ ແອ່ນນີ້ເຮັດໃຫ້ເຮົາຕ້ອງຮ້ອງ “ວ້າວ” ອອກມາ ເພາະຄວາມຝັນຂອງນາງບໍ່ໄດ້ຈຳກັດຢູ່ພຽງແຕ່ສິ່ງເດີມໆ.
ຖ້າມື້ໜຶ່ງມີຄົນຮູ້ຈັກແອ່ນນີ້ທົ່ວປະເທດ ຢາກໃຫ້ເຂົາເຈົ້າຈົດຈຳເຮົາໃນຖານະຂອງຄົນທີ່ສ້າງແຮງບັນດານໃຈ. ແອ່ນນີ້ຢາກເປັນ Backpacker ທີ່ເດີນທາງໄປທົ່ວໂລກ ຫຼື ຢາກເປັນຄົນລາວຄົນທຳອິດທີ່ມີຜູ້ຕິດຕາມໃນ YouTube ເຖິງ 10 ລ້ານຄົນ!
ແຕ່ນັ້ນຍັງບໍ່ແມ່ນຄວາມຝັນສູງສຸດ ເພາະເມື່ອຖາມເຖິງຈຸດສູງສຸດໃນຊີວິດທີ່ຢາກໄປໃຫ້ເຖິງ ນາງຕອບດ້ວຍຄວາມມຸ່ງໝັ້ນປົນຄວາມໜ້າຮັກວ່າ “ຄວາມຝັນສູງສຸດຄືການໄດ້ໄປເທິງດາວອັງຄານ! ແຕ່ຖ້າບໍ່ໄດ້ໄປດາວອັງຄານ ຫຼື ບໍ່ໄດ້ເປັນຢູທູບເບີ ກໍຢາກໄປຮ່ວມຍ່າງພົມແດງງານ Met Gala ທີ່ສະຫະລັດອາເມຣິກາຈັກຄັ້ງໜຶ່ງໃນຊີວິດ.” ນີ້ແຫຼະຄືສະເໜ່ຂອງແອ່ນນີ້ ກ້າທີ່ຈະຄິດ ກ້າທີ່ຈະຝັນ ແລະ ບໍ່ຍອມໃຫ້ກອບໃດໆມາກັກຂັງຈິນຕະນາການຂອງຕົນເອງ.
FACE of LAOS ຖືເປັນເວທີທຳອິດໃນຊີວິດຂອງແອ່ນນີ້, ການຕັດສິນໃຈກ້າວເຂົ້າມາໃນລາຍການນີ້ ແມ່ນເພື່ອຢາກທົດສອບສັກກະຍະພາບໃນການເປັນນາງແບບຂອງຕົນເອງ ວ່າຈະສາມາດໄປໄດ້ໄກສ່ຳໃດ ແລະ ທີ່ສຳຄັນຄືການເຂົ້າມາເພື່ອ “ຄົ້ນຫາຕົວຕົນ”.
ວິນາທີທີ່ຮູ້ວ່າຕົວເອງຜ່ານເຂົ້າຮອບ 20 ຄົນສຸດທ້າຍ ມັນຄືຄວາມຮູ້ສຶກທີ່ດີໃຈຈົນບອກບໍ່ຖືກ ເພາະນາງເບິ່ງວ່າ ນີ້ຄືໂອກາດທອງ ແລະ ເປັນກ້າວທຳອິດ(Step) ທີ່ສຳຄັນໃນການຕໍ່ຍອດໄປສູ່ການເປັນ Influencer ທີ່ດີໃນອະນາຄົດ. ນອກຈາກນີ້ ເວທີນີ້ຍັງເປີດໂລກໃບໃໝ່ໃຫ້ນາງໄດ້ສຳຜັດກັບການເຮັດວຽກເບື້ອງຫຼັງໃນວົງການບັນເທີງ, ຊ່ວຍພັດທະນາບຸກຄະລິກກະພາບ ແລະ ສ້າງຄວາມໝັ້ນໃຈໃຫ້ເພີ່ມຂຶ້ນອີກດ້ວຍ.
ການປະກວດຄັ້ງນີ້ ເຮັດໃຫ້ແອ່ນນີ້ໄດ້ຮູ້ຈັກຮ່າງກາຍ ແລະ ຕົວເອງຫຼາຍຂຶ້ນ ບໍ່ໜ້າເຊື່ອເລີຍວ່າເຮົາຈະສາມາດໃສ່ເກີບສົ້ນສູງໄດ້ດົນເກີນ 1 ຊົ່ວໂມງ ແລະ ຍັງສາມາດເຕັ້ນເທິງເກີບສົ້ນສູງໄດ້ອີກ!
“ກ້າທີ່ຈະແຕກຕ່າງ ຄືອາວຸດລັບ” ເມື່ອຖາມເຖິງຈຸດເດັ່ນທີ່ເຮັດให้นາງແຕກຕ່າງຈາກຜູ້ເຂົ້າແຂ່ງຂັນຄົນອື່ນໆ ແອ່ນນີ້ຕອບດ້ວຍຄວາມໝັ້ນໃຈວ່າ ມັນຄື “ການເປັນຕົວຂອງຕົວເອງ ກ້າທີ່ຈະເປັນໂຕເຮົາ ແລະ ມີຄວາມໝັ້ນໃຈແບບບໍ່ຢ້ານກົວ”.
ກ່ອນຈະຈົບການສົນທະນາ ແອ່ນນີ້ ໄດ້ຝາກຂໍ້ຄວາມເຖິງແຟນໆທີ່ກຳລັງຕິດຕາມນາງຢູ່ດຽວນີ້ວ່າ: “ຝາກເປັນກຳລັງໃຈໃຫ້ FOL07 ແດ່ເດີ້ ແນ່ນອນວ່າຈະບໍ່ເຮັດໃຫ້ທຸກຄົນຜິດຫວັງແນ່ນອນ! ເຫດຜົນທີ່ຢາກໃຫ້ທຸກຄົນຈັບຕາມອງແອ່ນນີ້ໃນການແຂ່ງຂັນຄັ້ງນີ້ ກໍເພາະວ່າ ແອ່ນນີ້ກ້າທີ່ຈະແຕກຕ່າງ, ກ້າທີ່ຈະລົງມືເຮັດ ແລະ ເປັນຄົນໜຶ່ງທີ່ພະຍາຍາມມາໂດຍຕະຫຼອດ.”
ມາຮ່ວມລຸ້ນ ແລະ ເປັນກຳລັງໃຈໃຫ້ກັບ “ແອ່ນນີ້ ມີໄຊ” (FOL07) ສາວນ້ອຍຜູ້ມີຄວາມຝັນລະດັບຈັກກະວານຄົນນີ້ ໃຫ້ສາມາດຄວ້າໂອກາດ ແລະ ແຈ້ງເກີດໃນເວທີ FACE of LAOS ໄປນຳກັນ!
