Muan Listen - ມ່ວນຊວນຟັງ

ຫຼື ນີ້ຈະເປັນເພງແກ້ເຄັດ? ຖອດລະຫັດເພງໃໝ່ຂອງ ເທເລີ ສະວິຟ ປະກອບ Toy Story 5

ໂດຍ: Chanthasone Insixiangmai

02 June 2026● 12

✦ AI Summarized

Key Takeaways:

• Taylor Swift ໄດ້ອອກມາຢືນຢັນການຮ້ອງເພງປະກອບໜັງເລື່ອງ Toy Story 5 ດ້ວຍຕົນເອງ ຫລັງຈາກມີຂ່າວລື.
• ເພງປະກອບມີຊື່ວ່າ “I Knew It, I Knew You” ຈະປ່ອຍໃນວັນທີ 5 ມິຖຸນາ 2026, ກ່ອນໜັງອອກສາຍ 19 ມິຖຸນາ.
• Taylor Swift ເປີດເຜີຍວ່າ ການໄດ້ຮ້ອງເພງໃຫ້ Toy Story ເປັນຄວາມຝັນຕັ້ງແຕ່ອາຍຸ 5 ປີ.
• ເພງນີ້ຈະກັບມາສູ່ຮາກເຫງົ້າດົນຕີ Country ຂອງ Taylor Swift ແລະ ໄດ້ຮ່ວມງານກັບ Jack Antonoff.
• ມີການຕັ້ງຂໍ້ສັງເກດວ່າ ບົດບາດຂອງ Jessie ທີ່ເປັນຜູ້ນຳໃນ Toy Story 5 ເໝາະກັບ Taylor Swift ຜູ້ເປັນຜູ້ນຳໃນວົງການເພງ.

ສິ້ນສຸດການລໍຄອຍ ຫຼັງຈາກທີ່ Swifties ຊ່າງສັງເກດທົ່ວໂລກຄາດເດົາກັນມາຊ່ວງໜຶ່ງ ຈາກປົມກ້ອນເມກໃນໜ້າປົກອາລະບຳ 1989 ທີ່ປ່ຽນໃໝ່ ທີ່ໄປກົງກັບຮູບໂຄສະນາຂອງ Toy Story 5… ລວມເຖິງໂຕອັກສອນຫຍໍ້ TS ຈາກຮູບໂຄສະນາທາງການຂອງໜັງເລື່ອງນີ້, ໃນທີ່ສຸດ Taylor Swift (ເທເລີ ສະວິຟ) ກໍອອກມາຄອນເຟີມດ້ວຍໂຕເອງແລ້ວວ່າ ແມ່ນແລ້ວ ຕົນເອງມີເພງປະກອບໜັງເລື່ອງນີ້ແທ້.

ເພງນີ້ມີຊື່ວ່າ “I Knew It, I Knew You” ເຊິ່ງຈະປ່ອຍໃຫ້ຟັງກັນໃນວັນທີ 5 ມິຖຸນາ 2026 ນີ້ ກ່ອນໜັງຈະເຂົ້າສາຍໃນວັນທີ 19 ມິຖຸນາ.

ເພງນີ້ຄືຄວາມຝັນຂອງເດັກນ້ອຍອາຍຸ 5 ປີ

Taylor ໄດ້ໂພສເລົ່າຄວາມໃນໃຈວ່າ: “ມັນຄື Toy Story… ຂ້ອຍຝັນມາຕະຫຼອດວ່າຈະໄດ້ຂຽນເພງໃຫ້ຕົວລະຄອນເຫຼົ່ານີ້ ທີ່ຂ້ອຍຮັກມາຕັ້ງແຕ່ອາຍຸ 5 ປີ ທີ່ຕອນນັ້ນນັ່ງເບິ່ງໜັງ Toy Story ເປັນຄັ້ງທຳອິດ“.

ຈາກເດັກນ້ອຍທີ່ນັ່ງເບິ່ງໜັງ ສູ່ສິລະປິນລະດັບໂລກທີ່ໄດ້ມາຮ້ອງເພງໃຫ້ໜັງທີ່ຕົວເອງຮັກ. ທີ່ພິເສດໄປກວ່ານັ້ນ ເພງນີ້ແມ່ນການກັບມາໃຊ້ຮາກເຫງົ້າດົນຕີ Country ເຊິ່ງເປັນຕົວຕົນເດີມຂອງລາວຕັ້ງແຕ່ປີ 2006 ພ້ອມກັບການຮ່ວມງານກັບຄູ່ຫູຄົນເກັ່ງ Jack Antonoff. ຄາດວ່າເພງນີ້ຄົງຈະອົບອຸ່ນ ແລະ ເຕັມໄປດ້ວຍຄວາມຊົງຈຳ.

ຄວາມເຊື່ອມໂຍງກັບຜູ້ນຳໃນໂລກຂອງຫຼິ້ນ

ມີຄົນຕັ້ງຂໍ້ສັງເກດທີ່ໜ້າສົນໃຈຫຼາຍວ່າ ການທີ່ Taylor ມາເຮັດເພງໃຫ້ Toy Story 5 ເຊິ່ງເປັນພາກທີ່ Jessie ໜຶ່ງໃນຂອງຫຼິ້ນທີ່ເປັນຜູ້ຍິງ ຕ້ອງມາຮັບບົດເປັນຜູ້ນຳກຸ່ມຂອງຫຼິ້ນ ຫຼັງຈາກທີ່ Teddy ຜູ້ນຳຄົນກ່ອນຈາກໄປເພື່ອຊອກຫາທາງຂອງຕົນເອງ ມັນເໝາະກັບ ເທເລີ ແທ້ໆ ເພາະໃນໂລກດົນຕີ Taylor ກໍຄືຜູ້ນຳທີ່ສ້າງແຮງບັນດານໃຈໃຫ້ຜູ້ຍິງ ແລະ ສິລະປິນທົ່ວໂລກມາໂດຍຕະຫຼອດ.

ຫຼື ນີ້ຈະເປັນການແກ້ເຄັດ?

ແຟນເພງມີການເວົ້າຢອກວ່າ ນີ້ອາດເປັນການແກ້ເຄັດກໍເປັນໄປໄດ້ (555) ເພາະທີ່ຜ່ານມາ ເວລາ Taylor ປ່ອຍເພງໃໝ່ ມັກຈະໄປຕຳກັບເພງດັງຈາກແອນິເມຊັນ ຕົວຢ່າງເຊັ່ນ: Let It Go ຈາກ Frozen, We Don’t Talk About Bruno ຈາກ Encanto ຫຼື Golden ຈາກ KPop Demon Hunters ຈົນຕ້ອງໄດ້ຟາດຟັນກັນໃນ Chart. ມາເທື່ອນີ້ ເລີຍມາເຮັດເອງໃຫ້ມັນຈົບໆໄປເລີຍ (ຢອກເດີ 555).

ແນວໃດກໍຕາມ, ນີ້ບໍ່ແມ່ນເທື່ອທຳອິດທີ່ເພງຂອງລາວຖືກໃຊ້ເຂົ້າປະກອບຮູບເງົາແອນິເມຊັນ ແຕ່ມີຫຼາຍໆເພງທີ່ຖືກໃຊ້ເຂົ້າໃນຮູບເງົາແອນິເມຊັນ ເຊັ່ນ:

• Shake It Off ໃນ Sing (2016)
• Welcome to New York ໃນ The Secret Life of Pets (2016)
• Out of the Woods (Taylor’s Version) ໃນ Migration (2023)
• Wildest Dreams (Taylor’s Version) ໃນ Spirited Untamed (2021)

ສຳລັບໃຜທີ່ລໍຖ້າຟັງເພງໃໝ່ນີ້ ທັງເວີຊັນ Acoustic ແລະ Piano, ປັກໝຸດລໍຖ້າວັນທີ 5 ມິຖຸນາ 2026 ນີ້ໄດ້ເລີຍ. ສ່ວນໃຜທີ່ເປັນແຟນ Toy Story ກໍກຽມຕົວໃຫ້ພ້ອມ 19 ມິຖຸນານີ້ເຈິກັນໃນໂຮງໜັງ.