|
Getting your Trinity Audio player ready...
|
“ສາທຸ (Sa Tu)” ຈາກຜົນງານສິລະປິນສາວລາວທີ່ໃຊ້ຊີວິດຢູ່ ສະຫະລັດອາເມຣິກາ ບອກເລົ່າເສັ້ນທາງຊີວິດຜ່ານເພງ ແລະ ສະໄຕລ໌ການແຣັບສຸດທີ່ຈະໂດດເດັນກັບທຸກຖ້ອຍຄຳໃນເພງທີ່ເຕັມໄປດ້ວຍພະລັງບວກ ແລະ ແຮງບັນດານໃຈໃຫ້ຄົນກ້າເປັນໂຕຂອງໂຕເອງ.
ດ້ວຍແນວເພງ Hip-Hop ສະໄໝໃໝ່, ບີດທີ່ໜັກແໜ້ນແຕ່ ເມໂລດີ ແລະ sample ເພງທີ່ເຕັມໄປດ້ວຍ vibe ທີ່ສະໝູດໃຈ ພ້ອມດ້ວຍຍິບເອົາຄຳວ່າ: ສາທຸ ເປັນແກນຫຼັກຂອງເພງຈຶ່ງເຮັດໃຫ້ ສາທຸ ບໍ່ໄດ້ພຽງຄຳເວົ້າທີ່ໄດ້ຍິນໃນວັດ ຫຼື ເຮືອນບຸນບ້ານອີກຕໍ່ໄປ.
ເພງນີ້ Hopee Tii ຢາກຈະບອກທຸກຄົນວ່າຈົງຕົວເອງສົ່ງຕໍ່ພະລັງງານດີໆເຕີມແສງສະວ່າງໃນເສັ້ນທາງຊີວິດ ແລະ ທ່ອມໂຕຢູ່ສະເໝີ. ໃນເພງຍັງໄດ້ມີການສອດແຊກຂອງຄຳວ່າ “Stayyellur” ທີ່ລາວມັກຈະໃຊ້ໃນທ້າຍຂອງເພງ. ຄຳນີ້ເປັນເໝືອນການປຸກໃຈໃຫ້ທຸກຄົນກ້າທີ່ຈະສະແດງອອກ, ກ້າທີ່ຈະເວົ້າຢ່າເຂີນອາຍຈົງເປັງປະກາຍໃຫ້ເຕັມທີ່. ໃນອີກມຸມໜຶ່ງ Stayyellur ຍັງສື່ເຖິງຄວາມພາກພູມໃຈໃນຄວາມເປັນເອເຊຍໂດຍສະເພາະຄົນລາວຢ່າງ Hopee Tii ທີ່ຢາກຢືນຢັດໃນສິ່ງທີ່ຕົວເອງເປັນ ແລະ ບອກໃຫ້ໂລກເຫັນ.
ດ້ວຍຄຳວ່າ ສາທຸ ຄືການໄຫວການ pray ເພື່ອຂໍພອນ ແລະ ອວຍພອນ ໃຫ້ຕົວເຮົາເອງຈົງ Stay Positive Energy ຢູ່ຕະຫຼອດເວລາ ພ້ອມຍັງອວຍພອນໃຫ້ຄົນອ້ອມຂ້າງທີ່ເຮົາຮັກໄດ້ຮັບພະລັງງານນນີ້ນຳເຮົາ.
ເຊິ່ງໃນຕົວເພງເອງເໝາະຈະເປີດຟັງຕອນອອກເດີນທາງ, ອອກກຳລັງກາຍ ຫຼື ເປີດໃນປາຕີ້ກໍເອີ້ນພະລັງບວກໄດ້ເຕັມແມັກຊ໌.
ຢ່າລືມ Stayyellur ແລ້ວໄປຕາມຫາໄຟຂອງຕົວເອງກັບ Hopee Tii ໄດ້ແລ້ວ.
