ຊານົນ Comeback ໃນຮອບ 10 ປີ ກັບເພງໃໝ່ ທິກທ໋ອກ Ticktock ພ້ອມສະແດງພາບລັກສຸດເຊັກຊີຈົນແຟນໆເກືອບລືມຫາຍໃຈ
Highlights
- ຊານົນ ກັບມາພ້ອມຜົນງານເພງໃໝ່ “ທິກທ໋ອກ Ticktock” ແລະ ສະເໜ່ສຽງຮ້ອງສຸດເທ່.
- ເພງມີຄວາມໂດດເດັ່ນດ້ວຍການໃຊ້ພາສາແບບ ລາວ-ອັງກິດ ທີ່ເຮັດໃຫ້ເພງມີຄວາມເປັນສາກົນ ແຕ່ຍັງເຂົ້າເຖິງງ່າຍ.
- ເນື້ອຫາເພງຖືກຖ່າຍທອດອາລົມການຕົກຂຸມຮັກແບບກະທັນຫັນ ເຖິງຈະຮູ້ວ່າເປັນ Red Flag ແຕ່ກໍພ້ອມຈະສ່ຽງເພື່ອໃຫ້ໄດ້ຄອບຄອງຫົວໃຈ.
ພໍແຕ່ສຽງ Intro ຂຶ້ນກໍຮູ້ເລີຍວ່າເພງນີ້ມັນ Hot! ເຊັກຊີຂັ້ນສຸດຈົນໄຟລຸກ. ງານນີ້ ຊານົນ ຈັດເຕັມແບບບໍ່ເຮັດໃຫ້ຜິດຫວັງກັບການຄຳແບັກ (Comeback) ທີ່ຈັດໜັກຈັດເຕັມຈົນຄົນຟັງເກືອບລືມຫາຍໃຈໄປກັບອາລົມເພງ “ທິກທ໋ອກ Ticktock”.
ຫຼັງຈາກທີ່ຫາຍໜ້າຫາຍຕາຈາກວົງການເພງໄປເກືອບ 10 ປີ, ຊານົນ ກໍກັບມາປ່ອຍພະລັງໃຫ້ເຮົາເຊົາຄິດຮອດ ກັບສຽງຮ້ອງທີ່ມີສະເໜ່ເປັນເອກະລັກ ແລະ ບອກເລີຍວ່າ ຊານົນໄດ້ອັບເກດ (Upgrade) ຄວາມເທ່ຂຶ້ນແບບ 300% ຜ່ານດົນຕີແນວ Lao Modern Pop.
ເພງ “ທິກທ໋ອກ Ticktock” ໃຫ້ອາຍແບບອິນເຕີສຸດໆ ຊານົນ ຍັງໄດ້ສະແດງທັງທັກສະ ການຮ້ອງ-ແຣັບ ແບບໜັກແໜ້ນ ແຕ່ກໍຍັງບໍ່ລືມທີ່ຈະປະສົມປະສານສະເໜ່ການໃຊ້ ພາສາລາວ ແລະ ພາສາອັງກິດ ເຂົ້າກັນໄດ້ແບບນົວໆເຮັດໃຫ້ເຂົ້າເຖິງຜູ້ຟັງໄດ້ງ່າຍ.
ໂຕເພງໄດ້ນຳສະເໜີເລື່ອງລາວຂອງການຕົກຂຸມຄວາມຮັກທີ່ເກີດຂຶ້ນຢ່າງໄວແບບກະທັນຫັນ ຕັ້ງແຕ່ວິນາທີທຳອິດທີ່ໄດ້ສົບຕາກັນ, ໃນເນື້ອຫາເພງຄືການປ່ອຍໃຫ້ເກີດຄວາມຫຼົງໃຫຼໃນຮອຍຍິ້ມ ແລະ ສະເໜ່ຂອງຜູ້ຍິງຄົນໜຶ່ງທີ່ເຮັດໃຫ້ຫົວໃຈລຸກເປັນໄຟ.
ເຖິງຈະຮູ້ວ່າຄວາມສຳພັນນີ້ມັນ Red Flag ຫຼື ມີຄວາມສ່ຽງເບິ່ງອັນຕະລາຍ ແດ່ ແຕ່ໃຈມັນສັ່ງວ່າຕ້ອງຈັດ ພ້ອມກັບຂ້າມເສັ້ນໄປເປັນຄົນຮັກ ແລະ ຈະດູແລໃຫ້ເຕັມທີ່.