ມາແລ້ວເພງໃໝ່ຂອງ Phoenix Boii ທີ່ສົ່ງກົງມາຈາກຫຼວງພະບາງ, ມ່ວນ ຢາກບອກວ່າການກັບມາຄັ້ງນີ້ຂອງລາວຄືການແຣັບທີ່ດຸເດືອດຈົນໄຟລຸກ ພ້ອມກັບສຽງຈັງຫວະການແບ່ງສັດສ່ວນຂອງການ Rhyme ແລະ Flow ທີ່ລ່ຽນໄຫຼແບບບໍ່ມີສະດຸດເຮັດໃຫ້ເພງນີ້ມີຄວາມໂດດເດັ່ນຂຶ້ນມາທັນທີ.
ເພງໃໝ່ຂອງລາວມີຊື່ວ່າ “WDYS (What Did You Say)” ບໍ່ພຽງເປັນແຕ່ເພງເທົ່ານັ້ນ ແຕ່ມັນລວມເປັນໜຶ່ງໃນການເລົ່າເລື່ອງໃນຊີວິດທີ່ພົບກັບອຸປະສັກຕ່າງໆ ໂດຍ Phoenix Boii ຕ້ອງການເລົ່າຜ່ານບົດເພງໃຫ້ທຸກຄົນໄດ້ເຫັນເຖິງສະເໜ່ ແລະ ສັກກະຍະພາບຂອງລາວຜ່ານເພງນີ້.
ໃນສ່ວນຂອງເອັມວີກໍເຮັດໄດ້ຄັກ, ທັງເພງ ແລະ ຄອນເຊັບເອັມວີມີກິ່ນອາຍຂອງຄວາມອິນເຕີ ໃນສ່ວນການແຕ່ງຕົວຂອງ Phoenix Boii ກໍມາໃນລຸກແປກຕາ ເພາະລາວໄດ້ປ່ຽນລຸກຈາກພາບໜຸ່ມຫຼວງພະບາງຜົມດຳກາຍເປັນໜຸ່ມຜົມແດງສຸດຈີດໃນເພງ WDYS.
ໃຜທີ່ກຳລັງຫາເພງຟັງເພື່ອປຸກໄຟໃນໂຕເອງຕ້ອງລອງຟັງເລີຍ.
