ໜ້າຫຼັກ Muan.la - ສາລະບັນເທີງ Muan RelationTips ເຈົ້າເຮັດໄດ້ ຂ້ອຍກໍເຮັດຄືກັນ Mirroring behaviors ສ່ອງພຶດຕິກຳການຮຽນແບບການກະທຳຂອງຄົນຮັກ
Muan RelationTips

ເຈົ້າເຮັດໄດ້ ຂ້ອຍກໍເຮັດຄືກັນ Mirroring behaviors ສ່ອງພຶດຕິກຳການຮຽນແບບການກະທຳຂອງຄົນຮັກ

ແບ່ງປັນ

ຫຼາຍຄົນອາດຈະເຄີຍສັງເກດເຫັນວ່າຄົນອ້ອມຂ້າງ ຫຼື ຕົວເຈົ້າເອງນັ້ນຈະມີພຶດຕິກຳທີ່ເວລາຄົບໃຜ ຫຼື ວ່າມີແຟນໃໝ່ກໍຈະມີອາການຢາກປ່ຽນແປງຕົວເອງໃຫ້ເຂົ້າກັບຄົນທີ່ຄົບຢູ່ໃນປັດຈຸບັນ, ພໍຄົບໃຜກໍຈະປ່ຽນໄປຕາມຄົນນັ້ນເລື່ອຍໆ ເຊິ່ງມັນໄດ້ສະແດງໃຫ້ເຫັນທາງດ້ານການກະທຳ ແລະ ເປັນການປັບຕົວເອງໃຫ້ເຂົ້າກັບຄົນຮັກໄປໂດຍອັດຕະໂນມັດ, ເພື່ອຢາກໃຫ້ເກີດຄວາມໃກ້ຊິດ ແລະ ມີຄວາມສຳພັນທີ່ບໍ່ຢາກໃຫ້ມີຫຍັງເຂົ້າມາເປັນບັນຫາລົບກວນ.

ພຶດຕິກຳແບບນີ້ເອີ້ນວ່າ: Mirroring behaviors ແມ່ນການຮຽນແບບການກະທຳ, ຮູບແບບການເວົ້າ ຫຼື ທັດສະນະຄະຕິຂອງອີກຄົນໜຶ່ງ, ສ່ວນຕົວບຸກຄົນນັ້ນກໍມີທັງຮູ້ຕົວ ແລະ ບໍ່ຮູ້ຕົວ. ພຶດຕິກຳນີ້ມັກເກີດຂຶ້ນໃນສະຖານະການທີ່ມີການສື່ສານກັບຄົນໃນສັງຄົມ ແລະ ຄວາມສຳພັນໃນຮູບແບບຕ່າງໆ ເພາະການທີ່ເຮັດພຶດຕິກຳແບບນີ້ມັນຈະຊ່ວຍກະຊັບຄວາມສຳພັນໃຫ້ກັບຄູ່ຮັກຂອງພວກເຂົາ.

ຖ້າຫາກວ່າພຶດຕິກຳທີ່ເຮົາກຳລັງຮຽນແບບຄົນຮັກຢູ່ມັນກໍຊ່ວຍກະຊັບຄວາມສຳພັນ ແຕ່ຖ້າພຶດຕິກຳທີ່ຮຽນແບບມາມັນບໍ່ໄດ້ສົ່ງຜົນດີໃຫ້ກັບຄົນອ້ອມຂ້າງ ຫຼື ຄອບຄົວທີ່ຫວັງດີຕໍ່ເຮົາເດ ເຮົາຄວນຈະຈັດການກັບພຶດຕິກຳແບບ Mirroring behaviors ນີ້ແນວໃດ?

ມື້ນີ້ມ່ວນເລີຍມີຂໍ້ມູນດີໆມາແຊຣ໌ໃຫ້ທຸກຄົນໄດ້ລອງນຳໄປສັງເກດ ແລະ ປັບໃຊ້ກັນເດີ ເພື່ອຫາຈຸດທີ່ລົງຕົວທີ່ຈະສາມາດຮັກສາຄວາມສຳພັນໃນດ້ານໆຕ່າງໄວ້ໃຫ້ດີຍິ່ງຂຶ້ນ.

  1. ສັງເກດ ແລະ ຮັບຮູ້ຕໍ່ການປ່ຽນແປງ

ການທີ່ເຮົາໄດ້ລອງສັງເກດ ແລະ ຮັບຮູ້ຕໍ່ການປ່ຽນແປງພຶດຕິກຳທີ່ໄດ້ສະແດງອອກໃນທາງທີ່ບໍ່ດີຫຼາຍໆຢ່າງເຊັ່ນການໃຊ້ອາລົມ, ຄຳເວົ້າທີ່ໄປທາງດ້ານລົບ ຫຼື ການເບິ່ງເຈດຕະນາຂອງຄົນອ້ອມຂ້າງຜິດໄປນັ້ນ ແລະ ເຈົ້າຮູ້ສຶກວ່າທີ່ເຮັດໄປມັນບໍ່ເຄີຍເປັນຜົນດີກັບຕົວເຈົ້າ ແລະ ຄົນອ້ອມຂ້າງເລີຍ ນີ້ເປັນຈຸດສັງເກດທຳອິດທີ່ເຈົ້າເລີ່ມທີ່ຈະຮູ້ຕົວແລ້ວ.

2. ເປັນຕົວຂອງເຈົ້າເອງ

ເຈົ້າຄວນໝັ້ນໃຈໃນຄຸນຄ່າຂອງຕົວເຈົ້າເອງ ເຖິງວ່າເຈົ້າຈະຮັກ ແລະ ເຄົາລົບຄົນທີ່ເຈົ້າຢູ່ນຳ, ການເປັນຕົວຂອງເຈົ້າເອງທີ່ໜ້າຮັກ ແລະ ບໍ່ສະແດງພຶດຕິກຳທີ່ບໍ່ເໝາະສົມຈະຊ່ວຍໃຫ້ເຈົ້າຍັງຄົງຄວາມເປັນຕົວເອງ ແລະ ສ້າງຄວາມສຳພັນທີ່ດີໄດ້.

3. ປັບປຸງການສື່ສານ

ຫາກພຶດຕິກຳທີ່ບໍ່ດີມາຈາກຄົນທີ່ເຈົ້າຢູ່ໃກ້ຊິດ ຫຼື ເປັນຄົນທີ່ເຈົ້າຮັກນັ້ນມັກສົ່ງຜົນເສຍໃຫ້ແກ່ເຈົ້າ, ສິ່ງສຳຄັນທີ່ຄວນຈັດການແບບຮີບດ່ວນແມ່ນການປັບປຸງການສື່ສານຢ່າງເປີດໃຈ ແລະ ກົງໄປກົງມາ. ເຈົ້າສາມາດບອກພວກເຂົາດ້ວຍເຫດຜົນທີ່ສາມາດແກ້ໄຂໄດ້ທັງຕົວເຈົ້າ ແລະ ລາວ.

4. ເຝິກສ້າງຄວາມໝັ້ນໃຈ ແລະ ການຈັດການອາລົມ

ການມີຄວາມໝັ້ນໃຈ ແລະ ການຄວບຄຸມອາລົມຈະຊ່ວຍໃຫ້ເຈົ້າບໍ່ສະແດງອາລົມທີ່ສະທ້ອນພຶດຕິກຳດ້ານລົບຈາກຄົນອື່ນໄດ້ງ່າຍ, ເຝິກຈັດການກັບຄວາມຮູ້ສຶກຕົວເອງ ແລະ ສ້າງຄວາມໝັ້ນຄົງທາງອາລົມເພື່ອໃຫ້ເຈົ້າສາມາດຕັດສິນໃຈໄດ້ວ່າຄວນຮຽນແບບພຶດຕິກຳດ້ານໃດແດ່ໃຫ້ເປັນປະໂຫຍດ

ອ່ານຕື່ມ:  ກັບມາແມ! ຍ້ອນຫຍັງເຮົາຈຶ່ງຮຽກຮ້ອງໃຫ້ແຟນເກົ່າກັບມາ?

ໂດຍ: ທີມບັນນາທິການ Muan

ຂຽນໂດຍ
Khainapha Chanthathilath - Content Creator

ເປັນຜູ້ສ້າງຄອນເທັ້ນທີ່ມັກການທ່ອງທ່ຽວ ແລະ ເລື່ອງລາວທີ່ໜ້າສົນໃຈຂອງວັດທະນຳທຳທ້ອງຖິ່ນ, ທຳມະຊາດ, ຄວາມງົດງາມທີ່ແສນທຳມະດາໃນຊີວິດປະຈຳວັນ, ມັກດື່ມກາແຟດຳ, ມັກເລົ່າເລື່ອງລາວຜ່ານໂຕໜັງສື, ຮູບຖ່າຍ ແລະ ວິດີໂອສັ້ນ.

ບົດຄວາມທີ່ກ່ຽວຂ້ອງ
Muan RelationTips

ຢາກມີແຟນແຕ່ຄ້ານພິມ… ເປັນຄົນ “ແຊັດແຫ້ງ” ແບບນີ້ ຕ້ອງເຮັດແນວໃດຈຶ່ງຈະມີແຟນ?

ຄ້ານຕອບຂໍ້ຄວາມ ແຕ່ຢາກມີແຟນ? ນີ້ແມ່ນວິທີແກ້ dry texting ດ້ວຍຄວາມໃສ່ໃຈ ແລະການລົມທີ່ສ້າງຄວາມເຊື່ອມໂຍງ ສຳລັບຄົນທີ່ຢາກສ້າງຄວາມສຳພັນກັບຄົນອື່ນ.

Muan RelationTips

Doorway Effect: ຍ່າງຜ່ານປະຕູແລ້ວລືມເລື່ອງທີ່ຄິດ ຊວນເຂົ້າໃຈການຈັດລະບຽບຂອງສະໝອງ

ເຄີຍຍ່າງຜ່ານປະຕູແລ້ວລືມເລື່ອງທີ່ຈະເຮັດບໍ່? ທຳຄວາມເຂົ້າໃຈກັບ Doorway Effect ແລະ ວິທີທີ່ສະໝອງຈັດລະບຽບຄວາມຈຳໃນຊີວິດປະຈຳວັນ. ຊວນຮູ້ຈັກທິດສະດີ Doorway Effect ແລະ 3 ວິທີແກ້ໄຂງ່າຍໆ

Muan RelationTips

Trust Issues: ບັນຫາທີ່ເກີດຈາກຄວາມບໍ່ໄວ້ວາງໃຈເຮັດໃຫ້ຮັກເຈັບປວດ

ບັນຫາທາງຈິດໃຈທີ່ເຮັດໃຫ້ບໍ່ສາມາດໄວ້ວາງໃຈໃຜໄດ້ ມັກເກີດຈາກການຖືກທຳຮ້າຍທາງຈິດໃຈໃນອະດີດ ເຊິ່ງສົ່ງຜົນຕໍ່ຄວາມຄິດ, ອາລົມ ແລະ ພຶດຕິກຳໃນປັດຈຸບັນ.

Muan RelationTips

ຄວາມໝັ້ນໃຈສ້າງໄດ້: Self-Efficacy Theory ກຸນແຈສູ່ການສ້າງສະເໜ່ທີ່ດຶງດູດໃຈ

ຄວາມໝັ້ນໃຈບໍ່ໄດ້ເກີດຂຶ້ນທັນທີ ແຕ່ມາຈາກການຝຶກຝົນແລະການສ້າງຄວາມເຊື່ອໝັ້ນໃນໂຕເອງຢ່າງຕໍ່ເນື່ອງ. ເມື່ອເຮົາໝັ້ນໃຈໃນໂຕເອງ, ເຮົາຈະສົ່ງສະເໜ່ ແລະ ພະລັງງານບວກໃຫ້ກັບຄົນອ້ອມຂ້າງ ສະນັ້ນ, ສິ່ງນີ້ກໍຈະເຮັດໃຫ້ເຮົາເປັນທີ່ຈື່ຈຳ ແລະ ຊວນໃຫ້ປະທັບໃຈໃນສາຍຕາຂອງຄົນອື່ນ.

ກ່ຽວກັບພວກເຮົາ - About Muan

ມ່ວນ - Muan.Space ຫຼື Muan.la ພື້ນທີ່ຈຸດປະກາຍແຮງບັນດານໃຈ ແລະ ສົ່ງຜົນກະທົບທີ່ດີ ໃຫ້ກັບສັງຄົມຜ່ານເລື່ອງລາວ ເນື້ອຫາສາລະ ບັນເທີງທີ່ສ້າງສັນ. ກໍ່ຕັ້ງຂຶ້ນໃນປີ 2016 ພາຍໃຕ້ບໍລິສັດການຕະຫຼາດ BIZGITAL ຈຳກັດ. 🔴👑☕🦖💼🧭 ມ່ວນ - Muan.Space ຫຼື Muan.la is the Premier Destination for Creative & Entertainment Content in Laos. A business unit of a Digital Marketing Technology, BIZGITAL Company Limited since 2016.