|
Getting your Trinity Audio player ready...
|
ມື້ນີ້ ຢາກຈະຊວນທຸກຄົນມາລົມກັນເລື່ອງ “ການຮັກຕົວເອງ” ກັນຈັກໜ້ອຍ
ເຄີຍສັງເກດບໍ່ວ່າ ເວລາທີ່ເຮົາເຈັບປວດຈາກຄວາມຮັກ ມັນມັກມາຈາກການຄາດຫວັງຂອງເຮົາທີ່ມີຕໍ່ກັບຄົນອື່ນ. ແຕ່ການຮັກຕົວເອງນັ້ນ ບໍ່ເຄີຍເຮັດໃຫ້ເຮົາຕ້ອງເຈັບເລີຍຈັກມື້ ເພາະເຮົາບໍ່ຕ້ອງລໍຖ້າໃຫ້ໃຜມາມອບຄວາມຮັກ ຫຼື ການຍອມຮັບໃຫ້ກັບເຮົາ. ເຮົາສາມາດສ້າງສິ່ງນັ້ນໄດ້ດ້ວຍຕົວເອງ.
ແລ້ວຈະເຮັດແນວໃດໃຫ້ເຮົາຮັກໂຕເອງຫຼາຍຂຶ້ນລະ? ລອງເລີ່ມຈາກສິ່ງເລັກໆນ້ອຍໆ ເຫຼົ່ານີ້ກ່ອນກໍໄດ້.
- ຍອມຮັບຕົວເອງໃນແບບທີ່ເປັນ
ເຊົາປຽບທຽບຕົວເອງກັບຄົນອື່ນໄດ້ແລ້ວ. ທຸກຄົນມີຂ້ໍດີ ແລະ ຂໍ້ຜິດພາດໃນຕົວເອງ. ຢ່າຕັດສິນຕົວເອງຮຸນແຮງເກີນໄປ. ລອງຂຽນສິ່ງທີ່ເຮົາມັກກ່ຽວກັບຕົວເອງອອກມາຈັກ 2–3 ຂໍ້ໃນແຕ່ລະມື້ ມາເບິ່ງວ່າແຕ່ລະມື້ນັ້ນຈະມີເລື່ອງເລັກນ້ອຍໃດທີ່ເຮັດໃຫ້ເຮົາພູມໃຈໄດ້ແດ່?
- ຕັ້ງຂອບເຂດໃຫ້ຕົວເອງ
ຮຽນຮູ້ທີ່ຈະເວົ້າຄຳວ່າ “ບໍ່” ກັບສິ່ງທີ່ເຮັດໃຫ້ເມື່ອຍໃຈ. ການຮັກຕົວເອງແມ່ນການຮູ້ວ່າ ເຮົາບໍ່ຕ້ອງເຮັດທຸກຢ່າງເພື່ອເອົາໃຈຄົນອື່ນ. ຖ້າບໍ່ຢາກເຮັດຫຍັງທີ່ມັນຝືນໂຕເອງ ກໍພຽງແຕ່ເວົ້າວ່າ “ມື້ນີ້ບໍ່ສະດວກເດີ” ແບບນຸ່ມນວນ ໂດຍບໍ່ຕ້ອງຮູ້ສຶກຜິດເລີຍ.
- ໃສ່ໃຈຕົວເອງ
ເຮົາມັກຈະທຸ່ມເທເວລາເບິ່ງແຍງຄົນອື່ນ ແຕ່ບາງຄັ້ງກໍລືມດູແລ “ຫົວໃຈ” ຂອງຕົວເອງ. ຢ່າລືມໃຫ້ເວລາກັບສິ່ງທີ່ເຮົາຮັກ. ລອງຈັດມື້ໜຶ່ງໃນອາທິດໄວ້ດປັນ “ວັນສຳລັບຕົວເອງ” ທີ່ຢາກເຮັດຫຍັງກໍໄດ້ທີ່ເຮັດໃຫ້ເຮົາມີຄວາມສຸກ ບໍ່ວ່າຈະ ອ່ານປຶ້ມ, ຟັງເພງ ຫຼື ພຽງແຕ່ພັກຜ່ອນໂງ່ໆຢູ່ເຮືອນກໍຍັງໄດ້.
- ໃຫ້ອະໄພຕົວເອງ
ທຸກຄົນຜິດພາດໄດ້ ສະນັ້ນຢ່າຈົມກັບອະດີດຈົນເກີນໄປ ແຕ່ໃຫ້ເບິ່ງມັນເປັນບົດຮຽນແລ້ວກ້າວຕໍ່ໄປ. ເມື່ອເຮົາຮູ້ສຶກຜິດກັບສິ່ງໃດສິ່ງໜຶ່ງ, ໃຫ້ລອງຖາມຕົວເອງວ່າ “ເຮົາໄດ້ຮຽນຮູ້ຫັບງຈາກສິ່ງນີ້?” ແລ້ວປ່ອຍວາງແດ່ກໍໄດ້.
- ບອກຮັກຕົວເອງ
ໃນຂະນະທີ່ຜ່ານມາເຮົາເອົາແຕ່ບອກຮັກຄົນອື່ນ ຫຼື ໃຫ້ກຳລັງໃຈຄົນອ້ອມຂ້າງຢູ່ຕະຫຼອດ, ແລ້ວເປັນຫຍັງເຮົາຈຶ່ງບໍ່ມາລອງເວົ້າສິ່ງນັ້ນກັບຕົວເອງແດ່? ໃນແຕ່ລະເຊົ້າ ຫຼື ກ່ອນນອນ, ລອງຍິ້ມໃຫ້ກັບຕົວເອງໃນແວ່ນແລ້ວບອກວ່າ “ຂ້ອຍພູມໃຈໃນໂຕເຈົ້າ” ຫຼື “ມື້ນີ້ເຮົາເຮັດໄດ້ດີແລ້ວ” ເພື່ອສ້າງກຳລັງໃຈດີໆໃຫ້ກັບຕົວເອງ.
ສຸດທ້າຍແລ້ວ, ການຮັກຕົວເອງບໍ່ແມ່ນພຽງແຕ່ການເບິ່ງແຍງໃຫ້ເຮົາມີຄວາມສຸກ ແຕ່ມັນຄືການສ້າງພື້ນທີ່ປອດໄພ ແລະ ອົບອຸ່ນໃຫ້ກັບຫົວໃຈຂອງເຮົາເອງ. ບໍ່ມີໃຜຈະຮັກເຮົາໄດ້ເທົ່າກັບຕົວເຮົາເອງແລ້ວ ????
