ໜ້າຫຼັກ Muan.la - ສາລະບັນເທີງ Muan RelationTips ຮັກທາງໄກເປັນໄປໄດ້ບໍ? ໄລຍະຫ່າງເຮັດໃຫ້ໃຈສັ່ນ ຮັກສາຄວາມສຳພັນບໍ່ໃຫ້ພັງດ້ວຍ 6 ວິທີນີ້
Muan RelationTips

ຮັກທາງໄກເປັນໄປໄດ້ບໍ? ໄລຍະຫ່າງເຮັດໃຫ້ໃຈສັ່ນ ຮັກສາຄວາມສຳພັນບໍ່ໃຫ້ພັງດ້ວຍ 6 ວິທີນີ້

ແບ່ງປັນ

ເຊື່ອວ່າໃຜຫຼາຍຄົນກໍເຄີຍພົບເຈີກັບບັນຫາຄວາມສຳພັນທາງໄກ ທີ່ຕ້ອງພະຍາຍາມຮັກສາຄວາມຮັກກັບຄົນທີ່ຢູ່ຫ່າງກັນ, ບໍ່ຄ່ອຍໄດ້ພົບກັນຫຼາຍ, ເຖິງຈະຍັງຕິດຕໍ່ກັນແຕ່ກໍບໍ່ສາມາດເຫັນໜ້າກັນໃນຊີວິດຈິງໄດ້ ເຊິ່ງທັງສອງຝ່າຍຈະຮັກກັນປານໃດກໍປະຕິເສດບໍ່ໄດ້ເລີຍວ່າ ການທີ່ຢູ່ໄກກັນເປັນປັດໄຈໜຶ່ງທີ່ມາບັ່ນທອນຄວາມສຳພັນໃຫ້ຄວາມຮັກຫຼຸດໜ້ອຍຖອຍລົງ.

ນອກຈາກນັ້ນແລ້ວ, ຍັງມີອີກຫຼາຍສິ່ງທີ່ຄວາມສຳພັນທາງໄກຕ້ອງເຈິ ບໍ່ວ່າຈະເປັນຄວາມໂດດດ່ຽວ, ຄວາມຮູ້ສຶກບໍ່ແນ່ນອນ, ຄວາມລະແວງ ແລະ ສຸດທ້າຍແມ່ນຄວາມຕ້ອງການທາງຮ່າງກາຍທີ່ຄູ່ຮັກບໍ່ສາມາດໃຫ້ກັນໄດ້. ແຕ່ກໍຍັງມີຫຼາຍຄູ່ທີ່ຢືນຢັນວ່າ ຄວາມຮັກທາງໄກນັ້ນສາມາດດຳເນີນໄປຕໍ່ໄດ້.

ເມື່ອເປັນແນວໃດນັ້ນເຮົາຄວນຮັກສາຄວາມສຳພັນທາງໄກແນວໃດເພື່ອໃຫ້ຄວາມສຳພັນຍັງສາມາດດຳເນີນໄປໄດ້ຕໍ່ ໂດຍສະເພາະຍຸກນີ້ທີ່ເຮົາສາມາດຕິດຕໍ່ສື່ສານກັນໄດ້ຢ່າງງ່າຍດາຍ ຂໍພຽງແຕ່ມີຄວາມຖີ່ໃນການຕິດຕໍ່ກັນ ກໍຈະຊ່ວຍໃຫ້ຄວາມຫວານບໍ່ແພ້ຄູ່ຮັກທີ່ຢູ່ໃກ້ຊິດກັນຄື:

1. ພະຍາຍາມລົມໂທລະສັບຟັງສຽງຂອງກັນແລະກັນໃຫ້ຫຼາຍ.

ການລົມໂທລະສັບເປັນສິ່ງວິທີທີ່ດີທີ່ສຸດໃນການເຊື່ອມຕໍ່ກັບຄົນຮັກ ຫຼື ການວິດິໂອຄໍ ທີ່ຈະເຮັດໃຫ້ເຮົາເຫັນໜ້າທ່າທາງ ແລະ ປະຕິກິລິຍາຂອງກັນໄດ້.

2. ແຊັດລາຍງານຕົວໃນຕົວເຊົ້າ ແລະ ຕອນເດິກ.

ການພິມແຊັດຖິ້ມໄວ້ໃນຕອນເຊົ້າ ແລະ ຕອນເດິກກ່ອນນອນ ເປັນເລື່ອງງ່າຍທີ່ສາມາດເຮັດໄດ້ ເພາະມັນຊ່ວຍໃຫ້ຄູ່ຮັກຮູ້ສຶກເຊື່ອມຕໍ່ກັນຕັ້ງແຕ່ເລີ່ມວັນຈົນຈົບວັນ ແຖມຍັງເປັນການສົ່ງກຳລັງໃຈໃຫ້ກັນອີກດ້ວຍ.

3. ພະຍາຍາມໄປພົບກັນເມື່ອມີໂອກາດ.

ໄລຍະທາງອາດເປັນອຸປະສັກຕໍ່ການພົບເຈີກັນໃນບາງຄູ່ ແຕ່ສິ່ງສຳຄັນຄືຕ້ອງໄດ້ເຫັນກັນໃຫ້ພົບກັນໃຫ້ຫຼາຍທີ່ສຸດ ຢ່າງໜ້ອຍກໍພົບກັນທຸກ3ເດືອນ ຫຼື ດີທີ່ສຸດແມ່ນເດືອນລະຄັ້ງ ເພື່ອບໍ່ໃຫ້ຄູ່ຮັກຮູ້ສຶກຫ່າງໄກກັນຫຼາຍເກີນໄປ.

4. ຖາມກ່ຽວກັບຄວາມຮູ້ສຶກຂອງກັນແລະກັນສະເໝີ.

ຍິ່ງໄກກັນຍິ່ງຮັບຮູ້ຄວາມຮູ້ສຶກອີກຝ່າຍໄດ້ຍາກ ການສະແດງຄວາມຫ່ວງໃຍ ແລະ ຄອຍຖາມກ່ຽວກັບຄວາມຮູ້ສຶກຂອງອີກຝ່າຍຈຶ່ງເປັນວິທີທີ່ຊ່ວຍໃຫ້ຄວາມຮັກລາບຫຼື່ນຂຶ້ນ ແລະ ຍັງເປັນວິທີສະແດງຄວາມເອົາໃຈໃສ່ກັນໃນຄວາມສຳພັນອີກດ້ວຍ.

5. ເຊີໄພຣສ໌ກັນແລະກັນດ້ວຍຂອງຂວັນ.

ເຖິງແມ້ວ່າຈະບໍ່ໄດ້ຢູ່ນຳກັນ ແຕ່ສິ່ງທີ່ຄອຍເຕີມເຕັມຄວາມຫວານໄດ້ກໍຄືການມອບຂອງຂວັນເຊີໄພຣສ໌ໃຫ້ກັນບໍ່ວ່າຈະເປັນການສົ່ງດອກໄມ້,ອາຫານສຸດພິເສດໄປໃຫ້ ເໝືອນກັບວ່າເຮົາກຳລັງດູແລກັນຢູ່.

6. ຖ້າຫາກຮູ້ສຶກຜິດປົກກະຕິໃຫ້ຮີບເຄຼຍກັນ.

ຖ້າຫາກມີຫຍັງປ່ຽນແປງໃນຄວາມສຳພັນ ສິ່ງສຳຄັນທີ່ສຸດຄືການເລີ່ມເປີດໃຈເວົ້ານຳກັນໂດຍກົງ ເພື່ອໃຫ້ສາມາດປັບຄວາມເຂົ້າໃຈ ເພາະການມີບັນຫາກັນໃນຄວາມສຳພັນທາງໄກນັ້ນຍາກ ແລະ ໃຊ້ພະລັງງານຫຼາຍກວ່າປົກກະຕິ.

ຂຽນໂດຍ
Khainapha Chanthathilath - Content Creator

ເປັນຜູ້ສ້າງຄອນເທັ້ນທີ່ມັກການທ່ອງທ່ຽວ ແລະ ເລື່ອງລາວທີ່ໜ້າສົນໃຈຂອງວັດທະນຳທຳທ້ອງຖິ່ນ, ທຳມະຊາດ, ຄວາມງົດງາມທີ່ແສນທຳມະດາໃນຊີວິດປະຈຳວັນ, ມັກດື່ມກາແຟດຳ, ມັກເລົ່າເລື່ອງລາວຜ່ານໂຕໜັງສື, ຮູບຖ່າຍ ແລະ ວິດີໂອສັ້ນ.

ບົດຄວາມທີ່ກ່ຽວຂ້ອງ
Muan RelationTips

ຢາກມີແຟນແຕ່ຄ້ານພິມ… ເປັນຄົນ “ແຊັດແຫ້ງ” ແບບນີ້ ຕ້ອງເຮັດແນວໃດຈຶ່ງຈະມີແຟນ?

ຄ້ານຕອບຂໍ້ຄວາມ ແຕ່ຢາກມີແຟນ? ນີ້ແມ່ນວິທີແກ້ dry texting ດ້ວຍຄວາມໃສ່ໃຈ ແລະການລົມທີ່ສ້າງຄວາມເຊື່ອມໂຍງ ສຳລັບຄົນທີ່ຢາກສ້າງຄວາມສຳພັນກັບຄົນອື່ນ.

Muan RelationTips

Doorway Effect: ຍ່າງຜ່ານປະຕູແລ້ວລືມເລື່ອງທີ່ຄິດ ຊວນເຂົ້າໃຈການຈັດລະບຽບຂອງສະໝອງ

ເຄີຍຍ່າງຜ່ານປະຕູແລ້ວລືມເລື່ອງທີ່ຈະເຮັດບໍ່? ທຳຄວາມເຂົ້າໃຈກັບ Doorway Effect ແລະ ວິທີທີ່ສະໝອງຈັດລະບຽບຄວາມຈຳໃນຊີວິດປະຈຳວັນ. ຊວນຮູ້ຈັກທິດສະດີ Doorway Effect ແລະ 3 ວິທີແກ້ໄຂງ່າຍໆ

Muan RelationTips

Trust Issues: ບັນຫາທີ່ເກີດຈາກຄວາມບໍ່ໄວ້ວາງໃຈເຮັດໃຫ້ຮັກເຈັບປວດ

ບັນຫາທາງຈິດໃຈທີ່ເຮັດໃຫ້ບໍ່ສາມາດໄວ້ວາງໃຈໃຜໄດ້ ມັກເກີດຈາກການຖືກທຳຮ້າຍທາງຈິດໃຈໃນອະດີດ ເຊິ່ງສົ່ງຜົນຕໍ່ຄວາມຄິດ, ອາລົມ ແລະ ພຶດຕິກຳໃນປັດຈຸບັນ.

Muan RelationTips

ຄວາມໝັ້ນໃຈສ້າງໄດ້: Self-Efficacy Theory ກຸນແຈສູ່ການສ້າງສະເໜ່ທີ່ດຶງດູດໃຈ

ຄວາມໝັ້ນໃຈບໍ່ໄດ້ເກີດຂຶ້ນທັນທີ ແຕ່ມາຈາກການຝຶກຝົນແລະການສ້າງຄວາມເຊື່ອໝັ້ນໃນໂຕເອງຢ່າງຕໍ່ເນື່ອງ. ເມື່ອເຮົາໝັ້ນໃຈໃນໂຕເອງ, ເຮົາຈະສົ່ງສະເໜ່ ແລະ ພະລັງງານບວກໃຫ້ກັບຄົນອ້ອມຂ້າງ ສະນັ້ນ, ສິ່ງນີ້ກໍຈະເຮັດໃຫ້ເຮົາເປັນທີ່ຈື່ຈຳ ແລະ ຊວນໃຫ້ປະທັບໃຈໃນສາຍຕາຂອງຄົນອື່ນ.

ກ່ຽວກັບພວກເຮົາ - About Muan

ມ່ວນ - Muan.Space ຫຼື Muan.la ພື້ນທີ່ຈຸດປະກາຍແຮງບັນດານໃຈ ແລະ ສົ່ງຜົນກະທົບທີ່ດີ ໃຫ້ກັບສັງຄົມຜ່ານເລື່ອງລາວ ເນື້ອຫາສາລະ ບັນເທີງທີ່ສ້າງສັນ. ກໍ່ຕັ້ງຂຶ້ນໃນປີ 2016 ພາຍໃຕ້ບໍລິສັດການຕະຫຼາດ BIZGITAL ຈຳກັດ. 🔴👑☕🦖💼🧭 ມ່ວນ - Muan.Space ຫຼື Muan.la is the Premier Destination for Creative & Entertainment Content in Laos. A business unit of a Digital Marketing Technology, BIZGITAL Company Limited since 2016.