ໃຜຫຼາຍໆຄົນຄົງກຳລັງພົບບັນຫາທີ່ວ່າເປັນຫຍັງແຟນຈຶ່ງມັກເອົາແຕ່ໃຈແທ້, ຄືມັກຮຽກຮ້ອງຄວາມສົນໃຈຕະຫຼອດ ແລະ ເຮັດຫຍັງກະບໍ່ຖືກໃຈຈັກເທຶ່ອ. ແລ້ວເປັນຫຍັງຢູ່ດີໆລາວຄືເປັນແນວນັ້ນລະ? ເຮົາໄດ້ສັງເກດພຶດຕິກຳລາວແລ້ວບໍ່? ແອັດຄິດວ່າມັນຕ້ອງມີເຫດຜົນຂອງມັນຢູ່ໃນນັ້ນແຫຼະ.
ມື້ນີ້ມ່ວນກໍມີເຄັດລັບມາບອກຕໍ່ໃຫ້ທຸກຄົນໄດ້ລອງນຳໄປປັບໃຊ້, ວ່າເຮົາຈະເຮັດແນວໃດດີຈຶ່ງເອົາໃຈ ແລະ ເຮັດຖືກໃຈແຟນ, ເພາະມັນກໍ່ເປັນເລື່ອງທີ່ຍາກຄືກັນ, ເອົາເປັນວ່າເຮົາມາລອງ 5 ວິທີເອົາໃຈໃຫ້ແຟນຮັກແຟນຫຼົງ.
1. ສ້າງຄວາມໄວ້ວາງໃຈ, ຄວາມໝັ້ນຄົງໃຫ້ແຟນຮູ້ສຶກມີຄຸນຄ່າ.
ການສະແດງອອກໃນການດູແລແຟນຈະຊ່ວຍໃຫ້ລາວຮູ້ສຶກປອດໄພໝັ້ນໃຈໃນຄວາມສຳພັນ ແລະ ເຮັດໃຫ້ລາວມີຄຸນຄ່າໃນສາຍຕາເຈົ້າ. ການທີ່ຮູ້ວ່າເຈົ້າຄອຍຢູ່ຄຽງຂ້າງ ແລະ ພ້ອມຈະສະໜັບສະໜຸນໃນທຸກສະຖານະການຈະຊ່ວຍສ້າງຄວາມໄວ້ວາງໃຈເຊິ່ງເປັນພື້ນຖານຂອງຄວາມສໍາພັນທີ່ດີ.
2. ເສີມສ້າງຄວາມຮັກ, ຄວາມຜູກພັນໃຫ້ປະທັບໃຈໃນໄລຍະຍາວ.
ເມື່ອເຈົ້າດູແລແຟນດ້ວຍຄວາມຫ່ວງໃຍ, ຄວາມຮັກ ແລະ ຄວາມສຳພັນຍິ່ງຈະດີເພີ່ມຂຶ້ນ. ໃຫ້ເບິ່ງແຍງເລື່ອງເລັກໆນ້ອຍໆ. ການດູແລຄົນຮັກຂອງເຈົ້າຈະສ້າງຄວາມປະທັບໃຈ ແລະ ຄວາມຊົງຈໍາດີໆ.
3. ສ້າງບັນຍາກາດທີ່ອົບອຸ່ນ ແລະ ຄວາມສຸກ.
ຄວາມສຳພັນທີ່ດີຄວນເຕັມໄປດ້ວຍຄວາມອົບອຸ່ນ ແລະ ຄວາມສຸກ. ການດູແລເອົາໃຈໃສ່ຂອງເຈົ້າຈະສ້າງບັນຍາກາດທີ່ເຈົ້າທັງສອງຮູ້ສຶກຜ່ອນຄາຍ ແລະ ມີຄວາມສຸກຮ່ວມກັນ. ໃຫ້ສະແດງຄວາມຮັກ, ຄວາມຫ່ວງໃຍເພື່ອເຮັດໃຫ້ຄວາມສຳພັນເປັນພື້ນທີ່ສະບາຍໃຈໃຫ້ກັນ ແລະ ກັນ.
4. ຫຼຸດຜ່ອນບັນຫາ ແລະ ຂໍ້ຂັດແຍ້ງຕ່າງໆ.
ການເອົາໃຈໃສ່ກັນຈະຫຼຸດຜ່ອນຄວາມຂັດແຍ້ງໃນຄວາມສໍາພັນ. ເມື່ອທັງສອງຝ່າຍໄດ້ຮັບຄວາມສົນໃຈ ແລະ ເຂົ້າໃຈ, ຄວາມຂັດແຍ້ງຈະໜ້ອຍລົງ, ໃຫ້ຮຽນຮູ້ຄວາມເຂົ້າໃຈ ແລະ ປັບຕົວເຂົ້າກັນໄດ້ຫຼາຍຂຶ້ນ.
5. ໃຫ້ແຟນດູແລເຈົ້າຄືນ.
ເມື່ອເຈົ້າເອົາໃຈໃສ່ດູແລແຟນຂອງເຈົ້າ, ເຈົ້າຄວນຈະໄດ້ຮັບຄວາມສົນໃຈກັບຄືນມາເຊັ່ນກັນ. ຄວາມສໍາພັນທີ່ມີການດູແລກັນທັງສອງຝ່າຍມັນຈະຊ່ວຍໃຫ້ມັນມີຄວາມສົມດຸນ ແລະ ມີຄວາມສຸກ, ເພາະຈະເຮັດໃຫ້ທັງສອງຮູ້ສຶກວ່າໄດ້ຮັບຄວາມຮັກ ແລະ ການຖືກດູແລເທົ່າທຽມກັນ.
ນີ້ເປັນບັນຫາລະດັບຊາດເລີຍໃດຖ້າບໍ່ຮີບຮ້ອນແກ້ໄຂ, ຖ້າວ່າແຟນຍັງຄຽດເຮົາຢູ່. ເພາະການເອົາໃຈໃສ່ໃຫ້ເວລາ ແລະ ດູແລແຟນໃຫ້ດີແລ້ວເພີ່ມຄວາມຫວານໃຫ້ກັນມັນມີຜົນຕໍ່ຄວາມສໍາພັນຂອງຄົນທີ່ມີຄູ່, ບໍ່ພຽງແຕ່ເຮັດໃຫ້ຄວາມສໍາພັນເຂັ້ມແຂງແຕ່ມັນຍັງຊ່ວຍສ້າງຄວາມຮູ້ສຶກທີ່ດີໃຫ້ກັນ ແລະ ກັນນຳອີກ.
ໂດຍ: ທີມບັນນາທິການ Muan
