Update

ປັງບໍ່ໄຫວ! ອານິຕ້າ ຢາການາກິ ຮັບບົດນາງເອກຊ່ອງດັງ ປະກົບຄູ່ພະເອກ ພູມ ກຽດຕິພູມ

ໂດຍ: Khainapha Chanthathilath

29 July 2026● 43

ຕ້ອງບອກວ່າກະແສກໍຍັງຄົງແຮງ ແລະ ວຽກເຂົ້າບໍ່ຢຸດເລີຍສຳລັບນັກສະແດງລາວ ອານິຕ້າ ຢາການາກິ. ຫຼ້າສຸດ, ຊ່ອງດັງຫຼາຍສີຈາກປະເທດເພື່ອນບ້ານໄດ້ປ່ອຍພາບຢືນຢັນອອກມາແລ້ວວ່າ ອານິຕ້າ ໄດ້ຮັບບົດນາງເອກປະກົບຄູ່ພະເອກຂອງຊ່ອງຄື ພູມ ກຽດຕິພູມ (ภูมิ เกียรติภูมิ).

ຕ້ອງຂໍບອກວ່ານີ້ບໍ່ແມ່ນຄັ້ງທຳອິດທີ່ ອານິຕ້າ ໄດ້ຮ່ວມສະແດງລະຄອນຢູ່ປະເທດເພື່ອນບ້ານ ເພາະລາວກໍຍັງໄດ້ຝາກຜົນງານການສະແດງໃນຊີຣີສ໌ອີສານແນວສືບສວນສວນ ສາຍລັບລົດແຫ່ (สายลับรถแห่) ມາກ່ອນ ອີກດ້ວຍ.

ອານິຕ້າ ຢາການາກິ ຜ່ານການສະແດງມາຫຼາຍເລື່ອງແລ້ວ ເລື່ອງສີມືຂອງລາວໃນບົດບາດການສະແດງນັ້ນສາມາດກາລັນຕີໄດ້ເລີຍ.

ປັດຈຸບັນ, ຖ້າທຸກຄົນຢາກເບິ່ງຜົນງານຂອງລາວ ກໍຍັງສາມາດໄປເບິ່ງການສະແດງໜັງຟອມໃຫຍ່ຂອງລາວເລື່ອງ ກ່ອງກ່ອຍ ທີ່ ອານິຕ້າ ຢາການາກິ ຮັບບົດຫຼັກໃນເລື່ອງໄດ້.