ໃຈພັງບໍ່ໄຫວ? 5 ທຣິກງ່າຍໆ ເພື່ອຮັບມືກັບມື້ທີ່ທັງເມື່ອຍ ແລະ ຈິດຕົກ

201

ແບ່ງປັນ

ຊີວິດບໍ່ໄດ້ມີແຕ່ຄວາມສຸກສົມຫວັງຕະຫຼອດໄປແຫຼະ! ບາງມື້ກໍດີ ຍິ້ມຈົນເຈັບແກ້ມ ປາກແຫ້ງໄປໝົດ, ແຕ່ບາງມື້ກໍຮູ້ສຶກຄືຖືກຊີວິດເອົາຄືນ ທັງເມື່ອຍກາຍ ທັງໃຈວຸ້ນວາຍ ຈົນຢາກຈະຮ້ອງອອກມາວ່າ “ພໍແລ້ວ!”.

ແຕ່ດຽວກ່ອນ. ຄວາມຮູ້ສຶກຈິດຕົກນີ້ມັນບໍ່ໄດ້ຢູ່ກັບເຮົາຕະຫຼອດໄປດອກ. ພຽງແຕ່ເຮົາຮູ້ທຣິກປັບຕົວ ແລະ ດູແລໃຈໃນມື້ທີ່ຮູ້ສຶກດາວນ໌, ກໍພໍຈະພາຕົວເອງກັບມາເປັນຄົນເກົ່າໄດ້ແລ້ວ.

ມື້ນີ້ເຮົາມີທຣິກມາແຊ 5 ຢ່າງ ທີ່ທັງງ່າຍ ແລະ ສະບາຍ ແບບບໍ່ຕ້ອງຝືນຕົວເອງ ແຕ່ກໍຊ່ວຍໃຫ້ໃຈເບົາລົງໄດ້ຈົນໜ້າຕົກໃຈ. ມາເບິ່ງກັນເລີຍ!

ປ່ອຍຕົວເອງໃຫ້ໄດ້ຊິວ: ຖ້າໃຈມັນບໍ່ໄຫວ ກໍບໍ່ຕ້ອງຝືນຕໍ່! ຖອຍອອກມາຈາກເລື່ອງທີ່ທຳຮ້າຍຄວາມຮູ້ສຶກເຮົາ ແລ້ວໄປຫາເຮັດສິ່ງທີ່ມັກ ຫຼື ທີ່ມັນຊ່ວຍໃຫ້ຜ່ອນຄາຍ ເຊັ່ນ: ການນອນເບິ່ງຊີຣີ່, ກິນຂອງແຊບໆ, ຟັງເພງສະໄຕລ໌ທີ່ເປັນເຈົ້າ ຫຼື ເປີດໜັງມ່ວນໆຈັກເລື່ອງເບິ່ງ.
ແຊັດລະບາຍກັບໝູ່ສາຍຊັບພອດ: ບາງທີການມີໝູ່ທີ່ພ້ອມຮັບຟັງກໍຄືຢາປົວທີ່ດີທີ່ສຸດ! ລອງຫາໝູ່ສະໜິດ, ຄົນທີ່ເຈົ້າໄວ້ໃຈ ຫຼື ຄອບຄົວມາລົມນຳ. ການໄດ້ລະບາຍຈະຊ່ວຍໃຫ້ຮູ້ສຶກບໍ່ໂດດດ່ຽວ ແລະ ມີຄົນຄອຍເປັນກຳລັງໃຈໃຫ້.
ເຮັດສິ່ງທີ່ມັກ: ບໍ່ວ່າຈະເປັນການແຕ້ມຮູບ, ເຕັ້ນ, ຫຼິ້ນເກມ ຫຼື ແມ່ນແຕ່ການຍ່າງຊິວໆຢູ່ສວນສາທາລະນະ ກໍຊ່ວຍໃຫ້ເຈົ້າລືມເລື່ອງບໍ່ສະບາຍໃຈໄດ້ຄາວໜຶ່ງ ແถມຍັງຮູ້ສຶກມ່ວນຂຶ້ນອີກ!
ຝຶກສະຕິແບບຊິວໆ: ຖ້າຄວາມຄິດມັນວຸ່ນວາຍໄປໝົດ ລອງມານັ່ງຊິວໆ ຫຼື ນອນໃນທ່າທີ່ສະບາຍ, ຫຼັບຕາລົງ ແລ້ວສັງເກດລົມຫາຍໃຈເຂົ້າ-ອອກ. ຖ້າຄິດໄປທາງອື່ນ ກໍດຶງກັບມາທີ່ລົມຫາຍໃຈຄືນ. ເຮັດແບບນີ້ຈັກ 5-10 ນາທີ ກໍຊ່ວຍໃຫ້ໃຈສະຫງົບລົງໄດ້ແລ້ວ.
ໃຫ້ກຳລັງໃຈຕົວເອງ: ຢ່າລືມເວົ້າດີໆກັບຕົວເອງແດ່ເດີ. ບອກຕົວເອງວ່າ “ມື້ບໍ່ດີມັນກະປົກກະຕິແຫຼະ ໃຜໆກໍເປັນ” ແລ້ວຫາສິ່ງດີໆໃນຊີວິດມາໂຟກັສ. ຖ້າມີຫຍັງທີ່ຮູ້ສຶກພູມໃຈ ກໍໃຫ້ລາງວັນຕົວເອງຈັກໜ້ອຍ ເຊັ່ນ: ການກິນຂອງທີ່ມັກ ຫຼື ຊື້ຂອງເລັກໆນ້ອຍໆໃຫ້ໂຕເອງກໍໄດ້..

ອ່ານຕື່ມ: ເມື່ອມີຄວາມຮັກແລ້ວນ້ຳໜັກຂຶ້ນ ເປັນຫຍັງຄູ່ທີ່ຮັກກັນດີຈຶ່ງພາກັນກິນເກັ່ງແທ້

ເບິ່ງແລ້ວ ງ່າຍໆແບບນີ້ ລອງເອົາໄປໃຊ້ເບິ່ງເດີ້. ແລ້ວມື້ທີ່ຈິດຕົກກໍຈະບໍ່ເປັນຕາຢ້ານອີກຕໍ່ໄປ!

ບົດຄວາມ

ໃຈພັງບໍ່ໄຫວ? 5 ທຣິກງ່າຍໆ ເພື່ອຮັບມືກັບມື້ທີ່ທັງເມື່ອຍ ແລະ ຈິດຕົກ

ໃຈພັງບໍ່ໄຫວ? 5 ທຣິກງ່າຍໆ ເພື່ອຮັບມືກັບມື້ທີ່ທັງເມື່ອຍ ແລະ ຈິດຕົກ

ກ່ຽວກັບພວກເຮົາ - About Muan