ຕົວແມ່ຄຳແບັກ! The Devil Wears Prada 2 ຮູບເງົາທີ່ຄົນເຮັດວຽກເບິ່ງແລ້ວຕ້ອງອິນ
ເຄີຍຕັ້ງຄຳຖາມກັບໂຕເອງບໍ່? ບາງມື້ກໍມີເລື່ອງໃຫ້ຫົວໝຸນ ບາງມື້ກໍມີເລື່ອງໃຫ້ຕ້ອງແກ້ໄຂແບບບໍ່ທັນຕັ້ງຕົວ ຈົນຮູ້ສຶກວ່າຊີວິດການເຮັດວຽກມັນຄືບົດທົດສອບທີ່ບໍ່ມີວັນສິ້ນສຸດ ບອກເລີຍວ່າການກັບມາຂອງຮູບເງົາ The Devil Wears Prada 2 ຄືຄຳຕອບທີ່ເຈົ້າຕ້ອງໄປເບິ່ງ!
ໃຜທີ່ເປັນສາຍແຟ ຫຼື ເຄີຍຜ່ານຊີວິດການເຮັດວຽກແບບຫົວໝຸນມາກ່ອນ ບອກເລີຍວ່າຕ້ອງຮູ້ຈັກຮູບເງົາໃນຕຳນານສະບັບຕົວແມ່ຢ່າງ The Devil Wears Prada ແນ່ນອນ.
ເພາະມັນຄືຮູບເງົາແຟຊັ່ນໄອຄອນນິກໃນດວງໃຈຂອງຊາວ Gen Y ແບບປະຕິເສດບໍ່ໄດ້ເລີຍ ເພາະນອກຈາກຈະຈັດເຕັມເລື່ອງເສື້ອຜ້າໜ້າຜົມ ທີ່ຍ້ອນກັບໄປເບິ່ງຍາມໃດກໍຍັງປັງແບບບໍ່ມີວັນຕົກຍຸກແລ້ວ ຍັງຕີແຜ່ຊີວິດມະນຸດເງິນເດືອນທີ່ຕ້ອງຮັບມືກັບຄວາມປະສາດແດກໃນບ່ອນເຮັດວຽກທີ່ມາຈາກຮ້ອຍພໍ່ພັນແມ່ໄດ້ແບບໂດນໃຈສຸດໆ.
ແລະຫຼັງຈາກທີ່ປ່ອຍໃຫ້ເຮົາລໍຖ້າມາຫຼາຍກວ່າ 10 ປີ ມື້ນີ້ ນາງມານໃນດວງໃຈຂອງໃຜຫຼາຍໆຄົນໄດ້ກັບມາແລ້ວ ເພາະ The Devil Wears Prada 2 ພ້ອມກັບມາທວງຄືນຕຳແໜ່ງຕົວແມ່ຮູບເງົາແຟຊັນແລ້ວ.
ຂໍເມົ້າມອຍສະປອຍໜ້ອຍໜຶ່ງ… ກັບມາຮອບນີ້ບອກເລີຍວ່າ “ວຸ້ນວາຍ” ແບບສຸດ!
ເລື່ອງມີຢູ່ວ່າ “ແອນດີ້” (Andy) ນາງເອກຕົວຫຼັກຂອງເລື່ອງ ຖືກໄລ່ອອກຈາກວຽກແບບຟ້າຜ່າ ແລ້ວຄວາມພີກຄືຖືກໄລ່ອອກໃນມື້ດຽວກັບທີ່ນາງຫາກໍຂຶ້ນຮັບລາງວັນ “ແປ້ນພິມທອງຄຳ” ໃນຖານະນັກຂຽນບົດຄວາມດີເດັ່ນລະດັບປະເທດ
ແຕ່ຢ່າຟ້າວຄິດວ່າຊີວິດນາງເສົ້າຢູ່ຄົນດຽວ ເພາະທາງດ້ານບອສຕົວແມ່ “ມິແຣນດ້າ ເພລສລີ” (Miranda Priestly) ກໍພວມປະສົບໄພ “ລົດທົວລົງ” ຢ່າງໜັກ! ຍ້ອນໄປຂຽນບົດຄວາມກ່ຽວກັບເສື້ອຜ້າທີ່ໃຊ້ແຮງງານຕ່າງດ້າວ ເຮັດໃຫ້ວາລະສານ Runway ຕົກຢູ່ໃນພາວະວິກິດຂັ້ນຮຸນແຮງແບບສຸດໆ ຊື່ສຽງພັງໄປໝົດ.
ເມື່ອຕົວແມ່ລົ້ມ ແລ້ວໃຜຈະມາກູ້ຊີບ? ແມ່ນແລ້ວ! ແອນດີ້ ຖືກດຶງຕົວ ໃຫ້ກັບເຂົ້າໄປເຮັດວຽກທີ່ ວາລະສານ Runway ອີກຄັ້ງ ໃນຖານະນັກຂຽນເພື່ອມາກອບກູ້ພາບລັກໃຫ້ວາລະສານຄືນມາ. ແຕ່ຄວາມແຊບມັນຢູ່ບ່ອນນີ້ ທັນທີທີ່ແອນດີ້ຍ່າງສວຍໆກັບໄປຫາ ແຕ່ແມ່ມິແຣນດ້າ “ເຊີດໃສ່” ແລ້ວບອກວ່າ “ຈື່ບໍ່ໄດ້ວ່າເຈົ້າແມ່ນໃຜ?” ເລີດເລີຍແຫຼະໝາກຕື້
ແຖມຍັງບໍ່ພໍ ສາວ “ເອມິລີ່” (Emily) ອະດີດເພື່ອນຮ່ວມງານຕົວຕຶງ ຕອນນີ້ນາງກໍບໍ່ທຳມະດາແລ້ວເດີ້ ຍ້ອນວ່າໄດ້ເປັນໃຫຍ່ເປັນໂຕ ເປັນຕົວແມ່ຢູ່ແບຣນລະດັບໂລກຢ່າງ Dior ໄປແລ້ວຈ້າ!
ເຊິ່ງອັນນີ້ເປັນພຽງແຕ່ເນື້ອເລື່ອງຫຍໍ້ເດີ້ເພາະຂອງເຕັມແມ່ນເຂົ້າໂຮງສາຍແລ້ວ! ຖ້າຢາກຮູ້ວ່າ ເລື່ອງລາວຕໍ່ຈາກນີ້ຈະແຊບນົວ ສາດອາລົມກັນປານໃດ? ແອນດີ້ຈະເອົາຄືນ ຫຼື ຈະຊ່ວຍກອບກູ້ ວາລະສານ Runway ໄດ້ສຳເລັດຫຼືບໍ່? ແລ້ວແຟຊັ່ນໃນເລື່ອງຈະຈຶ້ງເທົ່າໃດ? ບອກເລີຍວ່າ ຖ້າໃຜເປັນແຟນໜັງເລື່ອງນີ້ ຫຼື ມັກໜັງແນວຊີວິດການເຮັດວຽກທີ່ທັງມ່ວນ ທັງຈິກກັດ ເຫັນພາບເບື້ອງຫຼັງມຸມມອງແຟຊັ່ນທີ່ເຮົາບໍ່ເຄີຍຮູ້ ຕ້ອງກຽມໂຕໄປຊື້ປັອບຄອນແລ້ວເຂົ້າໂຮງຮູບເງົາດ່ວນ!
ຖ້າໃຜກຳລັງຊອກຫາແຮງບັນດານໃຈ ຫຼື ຢາກເຫັນມຸມມອງໃໝ່ໆ ໃນການເຮັດວຽກທີ່ເຕັມໄປດ້ວຍສີສັນ ແລະ ບົດຮຽນຊີວິດທີ່ຈິງໃຈ ບອກເລີຍວ່າ The Devil Wears Prada 2 ຄືໜັງທີ່ຕ້ອງເບິ່ງ ມັນຈະບອກເຈົ້າວ່າ ບໍ່ວ່າໂລກຈະໝຸນໄປໄວປານໃດ ຫຼື ວຽກຈະໜັກໜ່ວງເທົ່າໃດ ແຕ່ຄວາມເກັ່ງ ແລະ ຄວາມດູດີ ຈະເປັນອາວຸດທີ່ດີທີ່ສຸດຂອງພວກເຮົາສະເໝີ.
ຄອບຫົວໜ້າ ແລ້ວແຕ່ງຕົວຈັດເຕັມ ເພື່ອໄປເບິ່ງ The Devil Wears Prada 2 ກັນໄດ້ແລ້ວ ເພາະຮັບຮອງວ່າໄດ້ທັງຄວາມມ່ວນ ແລະ ຂໍ້ຄິດດີໆ ກັບມາເມົ້າມອຍກັນຕໍ່ຢູ່ອອຟຟິດແນ່ນອນ!