ວັນສຸກແຫ່ງຊາດມາຮອດແລ້ວ ເຮັດວຽກແບບໜັກໜ່ວງມາໝົດອາທິດ ກໍຮອດເວລາແລ້ວທີ່ຈະພາຮ່າງກາຍຂອງເຮົາໄປພັກຜ່ອນກັບວັນຊິວໆທ້າຍອາທິດແບບນີ້. ໄປເບິ່ງກັນວ່າ ທ້າຍອາທິດທີ 6-8 ທັນວາ 2024 ມີງານໃດແດ່ທີ່ໜ້າສົນໃຈ ແລະ ຄວນພາກາຍ-ໃຈໄປເປີດຫູເປີດຕາ.
1. Thongtaek Fair 2024 for Restaurant ງານເທດສະການອາຫານທີ່ໃຫຍ່ທີ່ສຸດໃນລາວ ເອົາໃຈສາຍກິນ ແລະ ສົ່ງເສີມທຸລະກິດຮ້ານອາຫານ
ນອກຈາກຈະເປັນງານທີ່ລວມເອົາຮ້ານອາຫານເຖິງ 100 ຮ້ານມາໃຫ້ທຸກຄົນໄດ້ລອງຊີມແລ້ວ ໃນງານນີ້ຍັງມີກິດຈະກຳມ່ວນໆອີກຫຼາຍຢ່າງໃຫ້ເຮົາໄດ້ເຮັດ ບໍ່ວ່າຈະເປັນງານສີມື, ເບິ່ງດວງ, ງານສຳມະນາກ່ຽວກັບຮ້ານອາຫານ, ມິນິຄອນເສີດ, ເກມການແຂ່ງຂັນຕ່າງໆ ແລະ ອື່ນໆອີກ ເອົາໃຈສາຍກິນ ແລະ ໄວລຸ້ນຊິກໆແບບເຮົາ
Vientiane Life Center, ນະຄອນຫຼວງວຽງຈັນ
4-8 ທັນວາ 2024
2. Blue Chair Film Festival 2024 ເທດສະການຮູບເງົານານາຊາດ ທີ່ເມືອງມໍລະດົກໂລກຫຼວງພະບາງ ພາຜູ້ທີ່ມັກໃນຮູບເງົາ ແລະ ຜູ້ທີ່ເຮັດວຽກໃນແວດວົງຮູບເງົາຈາກຫຼາກຫຼາຍບ່ອນ ມາລວມຕົວກັນ
ງານສາຍຮູບເງົາເທີງຫນ້າຈໍໃຫຍ່: ບຸນມະໂຫລານຮູບເງົາ Blue Chair ທີ່ຫຼວງພະບາງ, ເລີ່ມແຕ່ວັນທີ 5-9 ທັນວານີ້, ເຊີ່ງຈະມີຮູບເງົາທັງໝົດຫຼາຍກວ່າ 60+ ເລື່ອງຈາກ 9 ປະເທດອາຊີຕາເວັນອອກສຽງໃຕ້, ເຊີນຊວນທຸກໆທ່ານມາຮ່ວມມ່ວນຊື່ນເບີ່ງຮູບເງົາ ແລະ ການສະແດງສີລະປະວັນນະຄະດີເທີງເວທີທີ່ແຕກຕ່າງກັນໃນແຕ່ລະຄືນ ແລະ ທີ່ສຳຄັນແມ່ນເຂົ້າຊົມຟຣີ.
ທຸກຄົນສາມາດເບິ່ງຮູບເງົາຕອນກາງເວັນ ແລະ ການສົນທະນາແລກປ່ຽນໄດ້ທີ່ ລິໂທລາວ ເຮົ້າ, ຕໍ່ດ້ວຍຮູບເງົາພາກຄ່ຳ ເຊີ່ງຈະມີສາຍ ຢູ່ 2 ບ່ອນຄື: ເດີ່ນໂຮງຮຽນປະຖົມສົມບູນຫຼວງພະບາງ.
ສາມາດຍ່າງເຂົ້າມາໃນງານ ເລືອກນັ່ງຕັ່ງສີຟ້າທີ່ເປັນເອກະລັກຂອງງານນີ້, ມາສຳຜັດ ແລະ ເພີດເພີນກັບບັນຍາກາດຂອງຫຼວງພະບາງ ກິນປັອບຄອນ ແລະ ເຄື່ອງດື່ມ ໃນຂະນະທີ່ເບິ່ງຫນັງຈາກຫນ້າຈໍໂປເຈັກເຕີຂະຫນາດໃຫຍ່.
ອີກໜຶ່ງບ່ອນສາຍຮູບເງົາກາງຄືນທີ່ສອງຂອງງານແມ່ນຢູ່ທີ່ ເຮືອນຈັນ ເຮືອນມໍລະດົກໂລກ ເຊີ່ງຈະຈັດກິດຈະກໍາສາຍຮູບເງົາພິເສດ, ສົນທະນາແລກປ່ຽນ ໃນວັນສຸກ ທີ 6 ຫາ ວັນເສົາ ທີ 7 ທັນວາ 2024 ນີ້.
ນະຄອນຫຼວງພະບາງ
5-9 ທັນວາ 2024
3. Wellness Festival 3 ໂດຍ ກຳລັງໃຈ – Gamlangchai (ສະເພາະຜູ້ທີ່ລົງທະບຽນເທົ່ານັ້ນ) ເທດສະການສຸຂະພາບຈິດ ແລະ ກາຍ-ໃຈ ພາເຮົາໄປສຳຫຼວດກາຍໃຈຂອງໂຕເອງ ເພື່ອການເປັນຢູ່ທີ່ດີຂຶ້ນ
“ກຳລັງໃຈ” ຂໍເຊີນຊວນທຸກຄົນມາຮ່ວມງານ “ເທສະການສຸຂະພາບຈິດ ແລະ ກາຍໃຈ” ຄັ້ງທີ 3 ທີ່ມີຈຸດປະສົງໃນການສົ່ງເສີມຄວາມຮັບຮູ້ດ້ານສຸຂະພາບຈິດ ຜ່ານການສົນທະນາໃນຫຼາກຫຼາຍຫົວຂໍ້ທີ່ຈະນໍາພາທຸກຄົນເດີນທາງໃນເສັ້ນທາງຂອງການໂອບກອດຕົວເອງ ແລະ ການແບ່ງປັນຄວາມຮັກ, ຄວາມເຂົ້າໃຈ, ກິດຈະກຳດ້ານສິລະປະ ແລະ ການສະແດງຄອນເສີດ.
“ເທສະການສຸຂະພາບຈິດ ແລະ ກາຍໃຈ” ໄດ້ຮວບຮວມຫຼາກຫຼາຍກິດຈະກຳ ແລະ ຫົວຂໍ້ສົນທະນາໃນຂົງເຂດທີ່ກ່ຽວພັນກັບສຸຂະພາບຈິດໃຈ ເຊິ່ງງານດັ່ງກ່າວຈະກ່າວເຖິງ:
???? ສຸຂະພາບຈິດໃນບ່ອນເຮັດວຽກ
???? ການສົ່ງເສີມສຸຂະພາບຈິດຂອງກຸ່ມຄົນທີ່ຖືກຄວາມຮຸນແຮງທາງຮ່າງກາຍ ແລະ ໃຈ
???? ການຫຼຸດຜ່ອນຄວາມເຂົ້າໃຈຜິດກ່ຽວກັບສຸຂະພາບຈິດດ້ວຍການເປີດໃຈຮັບຟັງ
???? ການຊ່ວຍເຫຼືອເຊິ່ງກັນ ແລະ ກັນດ້ານຈິດໃຈຂອງພໍ່ແມ່ຍຸກໃຫມ່
???? ການອອກກຳລັງກາຍຜ່ານການເຕັ້ມ Zumba
ນອກຈາກນັ້ນພາຍໃນງານຍັງມີຕະຫຼາດນັດ, ຮ້ານຄ້າເພື່ອສົ່ງເສີມສຸຂະພາບກາຍໃຈ, ແລະ ກຸ່ມໄວໜຸ່ມທີ່ມາສະແດງຜົນງານຈາກຫຼາກຫຼາຍພາກສ່ວນ
ມາຮ່ວມກັນສ້າງຊ່ວງເວລາທີ່ດີໆນຳກັນໄດ້ທີ່ເທສະການ ສຸຂະພາບຈິດ ແລະ ກາຍໃຈ Vol.3
Lab De Lines, ນະຄອນຫຼວງວຽງຈັນ
8 ທັນວາ 2024
