ຂໍໂອກາດແກ້ໂຕໄດ້ບໍ? ຮູ້ແລ້ວວ່າໃຜຄືຄົນສຳຄັນ ຟັງ Trippin (I know this feeling) – MCBK RightHere
Key Takeaways:
- ຄວາມຢ້ານທີ່ຈະສູນເສຍຄົນຮັກເປັນໂຕເຕືອນສະຕິໃຫ້ເຮົາຫັນມາຮັກສາຫົວໃຈ ແລະ ເບິ່ງແຍງກັນໃຫ້ດີກວ່າເກົ່າ.
- ບາງຄັ້ງຄົນເຮົາອາດເຄີຍຫຼົງລືມ ຫຼື ລະເລີຍຄວາມຮູ້ສຶກຂອງຄົນໃກ້ຕົວ ຈົນເຮັດໃຫ້ເຂົາເຈັບປວດໂດຍບໍ່ຮູ້ໂຕ.
- ເພງ Trippin (I know this feeling) ຂອງ MCBK RightHere ເປັນການເລົ່າເລື່ອງຄວາມຮັກ ແລະ ການຂໍໂທດຄົນສຳຄັນຈາກໃຈຈິງ.
- ບົດເພງໄດ້ປຽບທຽບຄົນຮັກເປັນແສງສະຫວ່າງໃນການເດີນທາງຊີວິດ ແລະ ປຽບຄວາມຮັກກັບແຫວນທີ່ສະທ້ອນເຖິງເປົ້າໝາຍຊັດເຈນໃນໄລຍະຍາວ.
- ການຍອມຮັບຄວາມຜິດຢ່າງຈິງໃຈ ແລະ ພ້ອມປັບໂຕແມ່ນເພື່ອຮັກສາຄວາມສຳພັນຂອງເຮົາໃຫ້ຍືນຍາວ.
ຄວາມຢ້ານທີ່ຈະສູນເສຍ ກໍເປັນໂຕເຕືອນສະຕິໃຫ້ເຮົາຮັກສາຫົວໃຈກັນໃຫ້ດີກວ່າເກົ່າ…
ໃນບາງຄັ້ງເຮົາອາດຈະເຄີຍເຮັດຜິດພາດກັບຄົນສຳຄັນທີ່ສຸດໄປ ຈົນບາງເທື່ອກໍບໍ່ຮູ້ຈະແກ້ໄຂແນວໃດ ໄດ້ແຕ່ຂໍໂອກາດໃຫ້ໄດ້ກັບມາແກ້ໄຂໃນເລື່ອງຄວາມສຳພັນຂອງເຮົາ ແລະ ຢາກເຮັດໃຫ້ມັນດີຂຶ້ນເລື້ອຍໆ.
ຫຼາຍຄົນອາດຈະເຄີຍເປັນ, ຕອນທີ່ຢູ່ກັບຄົນທີ່ເຮົາຮັກ ບາງເທື່ອເຮົາກໍຫຼົງລືມເຂົາຈົນລະເລີຍຄວາມຮູ້ສຶກກັນໄປ ແລະ ເຮັດໃຫ້ເຂົາເຈັບປວດໂດຍບໍ່ຮູ້ໂຕ. ຖ້າໃຜຍັງຕິດຢູ່ກັບຄວາມຮູ້ສຶກແບບນີ້ ຢາກໃຫ້ລອງໄປຟັງເພງ Trippin (I know this feeling) ຂອງ MCBK RightHere ເບິ່ງ, ແລ້ວຈະຮູ້ນິຍາມຂອງຄວາມຮັກ ແລະ ການຂໍໂທດທີ່ຈິງໃຈຫຼາຍຂຶ້ນ.
ເພງນີ້ເປັນການເລົ່າເລື່ອງຄວາມຮັກຂອງຄົນໆໜຶ່ງທີ່ຢາກບອກຮັກ ແລະ ຂໍໂທດຄົນສຳຄັນຈາກໃຈ. ໃນອະດີດລາວອາດຈະເຄີຍເຮັດຜິດພາດ, ເຄີຍລະເລີຍ ຫຼື ບໍ່ໄດ້ສະແດງຄວາມຫ່ວງໃຍຫຼາຍເທົ່າທີ່ຄວນ. ແຕ່ເລິກໆໃນໃຈແລ້ວ ຄວາມຮັກທີ່ມີໃຫ້ແມ່ນບໍ່ເຄີຍຫຼຸດລົງເລີຍ, ບໍ່ວ່າເວລາຈະຜ່ານໄປດົນປານໃດ ຫຼື ໄລຍະທາງຈະຫ່າງໄກກັນຊ່ຳໃດກໍຕາມ.
ສິ່ງທີ່ເຮັດໃຫ້ ມ່ວນຊວນຟັງ ຮູ້ສຶກຊຶ້ງໃຈຫຼາຍກໍແມ່ນການທີ່ MCBK RightHere ໄດ້ເລົ່າ ແລະ ປຽບທຽບເຖິງຄົນຮັກເປັນຄື ແສງສະຫວ່າງໃນການເດີນທາງຂອງຊີວິດ. ການເດີນທາງນີ້ອາດມີຊ່ວງທີ່ມືດມົນ ແຕ່ການມີອີກຄົນຄອຍນຳທາງ ແລະ ໃຫ້ຄວາມອົບອຸ່ນ ມັນເຮັດໃຫ້ຮູ້ວ່າຄົນໆນີ້ແມ່ນຄົນດຽວທີ່ຄອງໃຈລາວມາໂດຍຕະຫຼອດ.
ທຳນອງ ແລະ ເນື້ອຫາເພງສະແດງໃຫ້ເຫັນເຖິງຄວາມຢ້ານ, ຢ້ານທີ່ຈະສູນເສຍຄົນຮັກໄປ. ຄວາມຢ້ານນີ້ເອງທີ່ເປັນໂຕເຕືອນສະຕິໃຫ້ຕ້ອງຫັນມາເຫັນຄຸນຄ່າ, ເອົາໃຈໃສ່ ແລະ ດູແລຫົວໃຈຂອງກັນໃນທຸກວິນາທີ. ມັນຄືການຍອມຮັບຄວາມຜິດຢ່າງຈິງໃຈ, ພ້ອມທີ່ຈະປັບໂຕ ເພາະຮູ້ດີວ່າທຸກຢ່າງທີ່ເຮັດໄປ ກໍເພື່ອຮັກສາຄວາມສຳພັນຂອງ “ເຮົາ” ເອົາໄວ້.
ນອກຈາກຄວາມຊື່ສັດທີ່ບໍ່ເຄີຍປ່ຽນແປງແລ້ວ ໃນເພງຍັງມີການປຽບທຽບຄວາມຮັກກັບແຫວນທີ່ສວມໃສ່ນິ້ວນາງ ເຊິ່ງມັນສະທ້ອນໃຫ້ເຫັນເຖິງຄວາມຮັກທີ່ມີເປົ້າໝາຍຊັດເຈນ, ຄວາມມຸ່ງໝັ້ນທີ່ຈະຄຽງຄູ່ ແລະ ສ້າງອະນາຄົດຮ່ວມກັນໃນໄລຍະຍາວ.
ຖ້າທຸກຄົນໄດ້ອ່ານບົດຄວາມນີ້ແລ້ວຮູ້ສຶກອິນຕາມ ຢາກໃຫ້ລອງກົດເຂົ້າໄປຟັງເພງເຕັມ ເພື່ອຊຶມຊັບບັນຍາກາດ ແລະ ຄວາມຮູ້ສຶກດີໆນີ້ໄປນຳກັນເດີ.