ຫຼາຍໆຄົນຄົງຈະສົງໄສວ່າເປັນຫຍັງເລັບສີແດງຈຶ່ງເປັນຕາດຶງດູດໃຈ?
“Red Nail Theory ຫຼື ທິດສະດີເລັບສີແດງ” ແມ່ນຄວາມເຊື່ອທີ່ວ່າ: ເລັບສີແດງນັ້ນຈະມີພະລັງງານເພີ່ມສະເໜ່, ຄວາມໝັ້ນໃຈ ແລະ ການດຶງດູດຄວາມສົນໃຈ, ໂດຍສະເພາະຈາກເພດກົງກັນຂ້າມ ເຊິ່້ງວ່າທິດສະດີນີ້ເນັ້ນໃສ່ຄວາມຄິດທີ່ວ່າເລັບສີແດງເປັນສັນຍາລັກຂອງຄວາມເຊັກຊີ່, ຄວາມຫມັ້ນໃຈ ແລະ ຄວາມເປັນແມ່ຍິງທີ່ມີພະລັງ. ການທາສີເລັບຂອງເຈົ້າເປັນສີແດງເຮັດໃຫ້ເຈົ້າຈະມີຄວາມໂດດເດັ່ນ ແລະ ສະແດງເຫັນເຖິງຕົວຕົນຢ່າງຊັດເຈນ.
ສີແດງໃນຄວາມໝາຍທາງຈິດວິທະຍາແມ່ນມີຄວາມຄ້າຍຄືກັບພະລັງງານອຳນາດ, ຄວາມມັກສ່ວນຕົວ ແລະ ຄວາມຮັກ ເຮັດໃຫ້ມີອິດທິພົນໃນການດຶງດູດຄວາມສົນໃຈຂອງຄົນອ້ອມຂ້າງ. ໂດຍການທາສີເລັບສີແດງອາດຈະເປັນອີກວິທີໜຶ່ງທີ່ຈະສົ່ງເສີມບຸກຄະລິກກະພາບ ແລະ ຄວາມໝັ້ນໃຈຂອງຜູ້ທີ່ໃຊ້ມັນ.
ທິດສະດີເລັບສີແດງຈຶ່ງເປັນສິ່ງທີ່ເຮັດໃຫ້ສາວໆຫຼາຍຄົນນັ້ນມັກເລືອກທີ່ຈະທົດລອງທາ ແລະ ຫຼາຍຄົນກໍ່ເຊື່ອວ່າມັນນັ້ນໄດ້ດຶງດູດສິ່ງດີໆເຂົ້າມາໃນຊີວິດແທ້ໆ, ຕ້ອງລອງທາສີແດງສັກຄັ້ງໜຶ່ງກໍບໍ່ເສຍຫາຍ ເພາະສີແດງນັ້ນມັນເຮັດໃຫ້ໂດດເດັ່ນກັບຄົນທຸກສະພາບຜິວ ແລະ ບຸກຄະລິກຕ່າງໆ.
- ສີແດງເປັນສີທີ່ໂດດເດັ່ນ
ສີແດງເປັນສີທີ່ໜ້າຈັບຕາ ແລະ ໂດດເດັ່ນ ເຮັດເລັບສີແດງຊ່ວຍເພີ່ມຄວາມໜ້າສົນໃຈໃຫ້ກັບບຸກຄະລິກກະພາບໃຫ້ດີຍິ່ງຂຶ້ນ.
- ເປັນສັນຍາລັກຂອງຄວາມໝັ້ນໃຈ
ການທາສີເລັບເປັນສີແດງສະແດງໃຫ້ເຫັນຄວາມໝັ້ນໃຈຕົນເອງ ແລະ ຄວາມກ້າໃນການທີ່ຈະເປັນຕົວເອງ.
- ມີເອກະລັກຄລາສສິກ
ເລັບສີແດງແມ່ນຄລາສສິກ ແລະ ເປັນທີ່ນິຍົມມາດົນແບບບໍ່ຕົກຍຸກກັນເລີຍ, ໂດຍສະເພາະໃນອຸດສາຫະກໍາແຟຊັນ ແລະ ຄວາມງາມ.
- ສະທ້ອນເຖິງຄວາມເປັນຜູ້ຍິງ
ສີແດງມັກຈະກ່ຽວຂ້ອງກັບຄວາມເປັນຜູ້ຍິງ, ພະລັງງານ ແລະ ການດຶງດູດ, ເຮັດໃຫ້ເລັບສີແດງມີບາງສິ່ງບາງຢ່າງທີ່ຊ່ວຍເພີ່ມສະເໜ່, ຄວາມໝັ້ນໃຈ ແລະ ມີອໍານາດ.
ຄວາມໝາຍຂອງສີແດງໃນດ້ານວັດທະນະທໍາ ແລະ ຄວາມເຊື່ອ ມັກຈະຖືວ່າເປັນສີຂອງຄວາມຮັກ, ຄວາມຮ້ອນແຮງ ແລະ ພະລັງງານ ໃນຫຼາຍໆວັດທະນະທໍາເຊັ່ນ: ເອເຊຍ ( ຈີນ, ອິນເດຍ, ຍີ່ປຸ່ນ, ເກົາຫຼື ແລະ ໄທ) ແລະ ທາງດ້ານຕາເວັນຕົກ (ຍູໂຣບ, ອາເມລິກາ, ອາຟລິກາ ແລະ Native American Cultures).
ໂດຍ: ທີມບັນນາທິການ Muan
