Muan Watch - ມ່ວນຊວນເບິ່ງ

ປົດປ່ອຍທຸກຄວາມຮູ້ສຶກພາຍໃນກັບ “ສຸກໃຈ It’s Okay the Series”

ໂດຍ: Khainapha Chanthathilath

30 December 2024● 203

ມ່ວນຈະຊວນທຸກຄົນມາລໍຖ້າເບິ່ງຊີຣີສ໌ນ້ຳດີ, ທີ່ຈະມາກະຕຸ້ນທຸກຄວາມຮູ້ສຶກຂອງທຸກຄົນກັບ “ສຸກໃຈ It’s Okay the series” ທີ່ມີລົດຊາດຄົບທຸກລົດເລີຍ. ເບິ່ງຈາກຕົວຢ່າງກໍມີທັງຟິວກູ້ດ, ຄວາມເສົ້າກະມາເຕັມບອກເລີຍວ່າເຂັ້ນຂຸ້ນຢ່າງແນ່ນອນ.

“ສຸກໃຈ It’s Okay the series” ເປັນຊີຣີສ໌ທີ່ຫາຍາກ ແລະ ຖືວ່າໃໝ່ຫຼາຍສຳລັບປະເທດລາວ ໂດຍຊີຣີສ໌ເລື່ອງນີ້ເປັນການຕີແຜ່ກ່ຽວກັບບັນຫາສຸຂະພາບຈິດ, ບັນຫາຕ່າງໆໃນສັງຄົມ ທີ່ສະທ້ອນໃຫ້ເຫັນເຖິງຄວາມຈິງໃນຊີວິດ.

ໂດຍສະເພາະແມ່ນໄວໜຸ່ມທີ່ກຳລັງພົບ ຫຼື ມີຄົນໃກ້ຕົວປະສົບບັນຫາຢູ່, ບໍ່ວ່າຈາກເລື່ອງຄວາມຮັກ, ຄອບຄົວ, ຄວາມກົດດັນ, ຄວາມຜິດຫວັງ, ຄວາມຜິດພາດ, ການ Bully, ການບໍ່ກ້າເປັນຕົວຂອງຕົວເອງ ແລະ ບັນຫາອື່ນໆ. ເຊິ່ງຄວາມເປັນມາ ແລະ ແຮງບັນດານໃຈໃນການສ້າງຊີຣີສ໌ເລື່ອງນີ້ຂຶ້ນມາ, ກໍເພື່ອທີ່ຈະສະທ້ອນສັງຄົມໃຫ້ເຫັນເຖິງບັນຫາທີ່ເກີດຂຶ້ນ ແລະ ໄດ້ຂໍ້ຄິດທີ່ດີໃນການດຳລົງຊີວິດ.

ລວມໄປເຖິງການເປັນກະບອກສຽງໃນສັງຄົມລາວກ່ຽວກັບເລື່ອງສຸຂະພາບຈິດໃຫ້ກັບຄົນຮຸ່ນໃໝ່, ຄົນທີ່ເປັນເຫຍື່ອຖືກຈາກການໃຊ້ຄວາມຮຸນແຮງຈາກຄຳເວົ້າ, ຮ່າງກາຍ ແລະ ຈິດໃຈ. ຕົວຢ່າງ: ກຸ່ມຄົນທີ່ເປັນ LGBTQ+ ເປັນຕົ້ນ.

ໂດຍ: ທີມບັນນາທິການ Muan