ບໍ່ແມ່ນ “ຄົນເກັ່ງບໍພໍ” ແຕ່ບໍ່ຮູ້ວ່າ “ຈະເກັ່ງໄປເພື່ອຫຍັງ” ບົດຮຽນຈາກ ນິ້ວກົມ ໃນ PPC2025
ໄດ້ມາຟັງຫົວຂໍ້ “ຈະພັດທະນາຄົນແນວໃດໃນມື້ທີ່ໂລກໄຮ້ທິດທາງ” ໂດຍ ສະຣາວຸດ ເຮ້ງສະຫວັດ ຫຼື ທີ່ຫຼາຍໆຄົນຮູ້ຈັກໃນນາມ “ນິ້ວກົມ” ຈາກງານ People Performance Conference 2025 ເຮັດໃຫ້ເຫັນພາບຫຼາຍຂຶ້ນວ່າ ໂລກເຮົາມັນໄປໄວຫຼາຍ, ໄວເກີນກວ່າທີ່ເຮົາຈະຕາມທັນ ຈົນເຮົາຕ້ອງກັບມາຖາມໂຕເອງວ່າ ເຮົາໃນຖານະມະນຸດໂຕນ້ອຍໆຄົນໜຶ່ງ ຕ້ອງສູ້ເພື່ອພັດທະນາໂຕເອງ ແລະ ເຮັດສິ່ງຕ່າງໆໄປເຮັດຫຍັງ? ເຊິ່ງຫົວຂໍ້ນີ້ ລາວເຮັດໃຫ້ເຮົາໄດ້ຢຸດຄິດຕາມ ແລະ ເຂົ້າໃຈເລື່ອງນີ້ຫຼາຍຂຶ້ນອີ່ຫຼີ.
ໂລກຍຸກນີ້ທ້າທາຍແລະຢູ່ຍາກ: ການປ່ຽນແປງໄວຂອງເທັກໂນໂລຢີ, ການເມືອງ, ສິ່ງແວດລ້ອມ, ວັດທະນະທຳ ແລະ ຄຸນຄ່າ ເຮັດໃຫ້ຊີວິດສັບສົນ.
ໂລກໄຮ້ທິດທາງຍ້ອນ:
– ຂໍ້ມູນຫຼາຍແຕ່ປັນຍາບໍ່ເພີ່ມ: ມີຂໍ້ມູນມະຫາສານ ແຕ່ບໍ່ໄດ້ຊ່ວຍໃຫ້ເຂົ້າໃຈຊີວິດ ຫຼື ຮູ້ຈັກຕົວເອງຫຼາຍຂຶ້ນ.
– ບໍ່ມີເປົ້າໝາຍຮ່ວມ: ມະນຸດບໍ່ມີຈຸດມຸ່ງໝາຍທົ່ວໄປຄືແຕ່ກ່ອນ.
– ຂາດເລື່ອງເລົ່າໃຫຍ່: ສາສະໜາ, ຊາດ, ຫຼື ຄວາມເຊື່ອທີ່ເຄີຍຜູກມັດຄົນ ມັນເລືອນລາງລົງ.
– ພະລັງຢູ່ກັບຍັກໃຫຍ່ທີ່ເປັນກຸ່ມນ້ອຍໆ: ຄົນທົ່ວໄປຮູ້ສຶກບໍ່ມີອຳນາດກຳນົດອະນາຄົດ ເຮົາຈະເຮັດຫຍັງໄດ້ໃນຖານະທີ່ເປັນຄົນໂຕນ້ອຍໆຄົນໜຶ່ງ.
– ຄວາມໄວບໍ່ເໝາະກັບມະນຸດ: ໂລກໄວເກີນໄປ ຈົນເຮົາຕາມບໍ່ທັນ.
ຜົນກະທົບ: ເຮົາຮູ້ສຶກບໍ່ເໝາະກັບໂລກ, ໄປຂ້າງໜ້າແບບບໍ່ຮູ້ທິດ ແລະ ເມື່ອຍ ຍ້ອນບໍ່ມີຄຳຕອບວ່າ “ເຮັດໄປເພື່ອຫຍັງ?”
ທິດທາງສຳຄັນກວ່າຄວາມໄວ: ການມີເຂັມທິດທີ່ຖືກຕ້ອງ ຈະຊ່ວຍໃຫ້ກ້າວໄປຂ້າງໜ້າດ້ວຍຄວາມໝາຍ.
ແລ້ວເຮົາພັດທະນາຫຍັງໄດ້ແດ່?
– Skillset: ຄວາມສາມາດໃນການຮຽນຮູ້ (Learning Ability).
– Mindset: Growth Mindset
– Heartset: ການພັດທະນາພາຍໃນ (Inner Awareness – IA).
ເປັນຫຍັງຕ້ອງພັດທະນາຄົນ?
ຍຸກ AI ກຳລັງປ່ຽນເປັນຍຸກ IA: ໂລກໄວຂຶ້ນ ນີ້ເຮັດໃຫ້ເຮົາຍິ່ງຕ້ອງການຄວາມເຂົ້າໃຈຕົວເອງຫຼາຍຂຶ້ນ.
ບັນຫາບໍ່ແມ່ນຂາດຄົນເກັ່ງ ແຕ່ຂາດຄວາມຮູ້ວ່າ “ເກັ່ງໄປເພື່ອຫຍັງ?”
ສິ່ງສຳຄັນແມ່ນ Heart Skill (IA):
– ຜົນປະໂຫຍດຂອງ IA: ມີ EQ (ຮູ້ຈັກອາລົມ), Resilience (ຟື້ນຕົວໄວ), Creativity (ສ້າງສັນ).
– ສ້າງ IA ແນວໃດ:
*ສັງເກດຕົວເອງໂດຍບໍ່ຕັດສິນ.
*ຮັບຮູ້ຄວາມຮູ້ສຶກຢ່າງຈິງໃຈ.
*ເຫັນຮູບແບບຄວາມຄິດຂອງຕົວເອງ.
*ຟັງສັນຍານຈາກຮ່າງກາຍ.
*ຕັ້ງເປົ້າໝາຍສ່ວນຕົວທີ່ມາຈາກໂຕເອງ ບໍ່ແມ່ນຄົນອື່ນຕັ້ງໃຫ້
ຝຶກ IA ແນວໃດ:
– ສັງເກດລົມຫາຍໃຈ, ຮ່າງກາຍ, ອາລົມ, ແລະ ຄວາມຄິດ.
– ຖ້າຍັງເຮັດບໍ່ໄດ້ ໃຫ້ລອງຂຽນອອກມາ.
– ຖາມຕົວເອງວ່າ “ຕອນນີ້ຮູ້ສຶກແນວໃດ?”
ການພັດທະນາຄົນ ແລະ ອົງກອນ:
– ພາຍນອກ: ປະສົບຜົນສຳເລັດ, ເງິນ, ການຍອມຮັບ ເປັນສິ່ງທີ່ເຮົາຄວບຄຸມບໍ່ໄດ້
– ພາຍໃນ: ຮັກຕົວເອງ, ສ້າງປະໂຫຍດ, ກ້າວໜ້າ, ມີຄວາມສຳພັນດີກັບຄົນອື່ນ ເປັນສິ່ງທີ່ເຮົາຄວບຄຸມໄດ້.
ຜູ້ນຳກັບ IA:
– ກ້າເປີດເຜີຍຄວາມຮູ້ສຶກ (ເມື່ອຍ, ບໍ່ຮູ້, ບໍ່ແນ່ໃຈ ກໍເວົ້າອອກມາໄດ້).
– ສ້າງພື້ນທີ່ປອດໄພໃຫ້ທີມງານແບ່ງປັນຄວາມຮູ້ສຶກ.
– ບໍ່ໂຟກັສແຕ່ປະສິດທິພາບ ແຕ່ວັດສະພາບຈິດໃຈນຳ.
ອົງກອນແບບນີ້ທີ່ສົ່ງເສີມ IA:
– ປອດໄພ, ຊ້າບາງຈັງຫວະ, ຟັງຢ່າງເລິກເຊິ່ງ, ຕັ້ງຄຳຖາມສະທ້ອນກັບ, ຜູ້ນຳກ້າເປີດໃຈ.
ຄຳຖາມສຳຄັນ: “ເຮົາຢາກເກັ່ງໄປເພື່ອຫຍັງ?” ຫຼື “ເຮົາເກີດມາເພື່ອຫຍັງ?”
– ເຮົາເຮັດສິ່ງໃດ? ເຮົາເຮັດມັນແນວໃດ? ແລະ ເຮົາເຮັດມັນເພື່ອຫຍັງ?
ຖ້າຕອບໄດ້ ຈະພາໄປສູ່ຄວາມສຸກ ແລະ ປະໂຫຍດຕໍ່ຕົວເອງ ແລະຄົນອື່ນ.
ສະຫຼຸບ: ການພັດທະນາຄົນໃນໂລກໄຮ້ທິດທາງ ຕ້ອງເລີ່ມຈາກການສ້າງ Inner Awareness (IA) ເພື່ອໃຫ້ມີເຂັມທິດພາຍໃນ ທີ່ຈະຊ່ວຍໃຫ້ທັງຕົວເຮົາ ແລະ ອົງກອນກ້າວໄປຂ້າງໜ້າດ້ວຍຄວາມໝາຍ ໃນຍຸກທີ່ປ່ຽນແປງໄວ.