|
Getting your Trinity Audio player ready...
|
ເຈົ້າພໍເພງອົກຫັກຜູ້ມີສຽງທຸ້ມ ແລະ ເປັນເອກະລັກຢ່າງ STS73 ທີ່ເປັນສິລະປິນໃນດວງໃຈຂອງທັງຝັ່ງລາວ ແລະ ຝັ່ງໄທ, ຫຼ້າສຸດແມ່ນມີຜົນງານເພງຮ່ວມກັບ P.A.P BEAT BAND ນັກຮ້ອງຈາກຝັ່ງໄທ.
ເນື່ອງຈາກວ່າ STS73 ເປັນທີ່ຮູ້ຈັກກັນດີໃນສາຍທີ່ມັກຟັງເພງລູກທຸ່ງ ແລະ ຍັງເປັນນັກຮ້ອງຍຸກໃໝ່ທີ່ໂດ່ງດັງດ້ວຍເພງທີ່ສ້າງຂຶ້ນມາເອງມາຕະຫຼອດ, ຈົນມາຮອດຊ່ວງທີ່ຄົນຟັງເພງຂອງສຸລິຫຼາຍໆກໍມີແຟນຄລັບຄົນໄທປາກົດໂຕຂຶ້ນມາຫຼາຍ.
ເພງ ‘ແຄ່ພຽງຕ້ອງການ’ ຖືກປ່ອຍໃນວັນທີ 19 ມັງກອນທີ່ຜ່ານມາ ຈົນຮອດຕອນນີ້ແມ່ນສ້າງຍອດວິວໄປແລ້ວ 2 ແສນກວ່າ ແລະ ຍັງໄດ້ດຶດດູດເອົາແຟນຄລັບທັງສອງຝັ່ງມາຟັງເພງນີ້ກັນຖ້ວນໜ້າ.
ເພງນີ້ເວົ້າເຖິງຄົນທີ່ຕ້ອງການຢາກໃຫ້ຄົນຮັກເກົ່າກັບມາ ແລະ ຢາກໃຫ້ຄົນນັ້ນຮັກເຂົາຄືຄໍາສັນຍາທີ່ເຄີຍບອກໄວ້, ເພາະຄົນທາງນີ້ຄິດຮອດເລື່ອງລາວດີໆທີ່ມີໃຫ້ກັນ ແຕ່ຕອນນີ້ມັນພັດກາຍເປັນຄວາມຊົງຈໍາໄປແລ້ວ.
ໂດຍ: ທີມບັນນາທິການ Muan
