ໜຸ່ມມົ້ງທີ່ຮັອດທີ່ສຸດໃນຕອນນີ້ ຮູ້ຈັກ ແອນໂທນີ ມົວ ຕົວແທນຊົນເຜົ່າມົ້ງຄົນທຳອິດ ໃນເວທີ Mister Global 2026
Key Takeaways:
- ແອນໂທນີ ມົວ (Anthony Tub Zaj Moua) ເຈົ້າຂອງຕຳແໜ່ງ Mister Global Hmong 2026 ເປັນຕົວແທນຊົນເຜົ່າມົ້ງຄົນທຳອິດທີ່ໄດ້ມາເວທີປະກວດລະດັບໂລກ.
- ແອນໂທນີ ເປັນຊາວມົ້ງ-ອາເມຣິກາ, ເປັນລູກຊາຍຂອງ Dr. Tom Moua ນັກແສດງຊື່ດັງ ແລະ ຍังມີປະຫວັດການເປັນອະດີດນາວິກໂຍທິນອາເມຣິກາ.
- ນອກຈາກຮູບຮ່າງໜ້າຕາທີ່ໂດດເດັ່ນແລ້ວ, ລາວຍັງເປັນຄູສອນສິລະປະການຕໍ່ສູ້, ນັກເວົ້າສ້າງແຮງບັນດານໃຈ, ຊ່າງຕັດຜົມ, ນັກຮ້ອງ, ນັກສະແດງ ແລະ ນາຍແບບ.
- ລາວມີຮາກເຫງົ້າບັນພະບຸລຸດສືບເຊື້ອສາຍມາຈາກຊາວມົ້ງໃນລາວ ແລະ ຍັງคงຮັກສາວັດທະນະທຳ, ພາສາ ແລະ ວິຖີຊີວິດແບບມົ້ງໄວ້ຢ່າງໜຽວແໜ້ນ.
- ແອນໂທນີ ສາມາດຄວ້າລາງວັນພິເສດ Golden Charm Award ຈາກການປະກວດ Mister Global 2026 ທີ່ປະເທດໄທ ໄດ້ສຳເລັດ.
ຖືວ່າເປັນກະແສແບບເກີນຕ້ານຂອງເວທີ Mister Global 2026 ກັບໜຶ່ງໃນຜູ້ເຂົ້າປະກວດທີ່ຖືກເວົ້າເຖິງ ແລະ ສ້າງປາກົດການຫຼາຍທີ່ສຸດ ກັບ “ແອນໂທນີ ມົວ” (Anthony Tub Zaj Moua) ເຈົ້າຂອງຕຳແໜ່ງ Mister Global Hmong 2026 ເຊິ່ງຖືເປັນຕົວແທນຊົນເຜົ່າມົ້ງຄົນທຳອິດທີ່ໄດ້ມາເວທີປະກວດລະດັບໂລກ ພາຍໃຕ້ແນວຄິດທີ່ວ່າ “ມົ້ງຄືຜູ້ຄົນ ບໍ່ແມ່ນສະຖານທີ່” (Hmong is a people, not a place)
ແອນໂທນີ ເປັນຊາວມົ້ງ-ອາເມຣິກາເກີດ ແລະ ໃຫຍ່ຢູ່ສະຫະລັດອາເມຣິກາ, ເປັນລູກຊາຍຂອງ Dr. Tom Moua ນັກແສດງຊື່ດັງທີ່ເປັນທີ່ຮູ້ຈັກກັນດີໃນວົງການຮູບເງົາມົ້ງ.
ນອກຈາກຮູບຮ່າງໜ້າຕາທີ່ດູດີມີສະເໜ່ ແລະ ສ່ວນສູງກວ່າ 178 ເຊັນຕີແມັດແລ້ວ ເບື້ອງຫຼັງປະຫວັດຂອງແອນໂທນີກໍໜ້າສົນໃຈບໍ່ແພ້ກັນ
– ບໍ່ວ່າຈະການເຄີຍເປັນ ນາວິກໂຍທິນອາເມຣິກາ ຫຼື U.S. Marine Veteran
– ເປັນຄູສອນສິລະປະການຕໍ່ສູ້ ທີ່ຊ່ຽວຊານທັກສະການປ້ອງກັນໂຕ
– ການເປັນນັກເວົ້າສ້າງແຮງບັນດານໃຈທີ່ເປັນກະບອກສຽງສົ່ງຕໍ່ພະລັງບວກໃຫ້ເຍົາວະຊົນຮຸ່ນໃຫມ່
– ແລະ ຍັງເປັນຊ່າງຕັດຜົມ, ນັກຮ້ອງ, ນັກສະແດງ ແລະ ນາຍແບບອີກດ້ວຍ
ເຖິງຈະໃຫຍ່ຢູ່ຝັ່ງຕາເວັນຕົກ ແຕ່ຫົວໃຈ ແລະ ຮາກເຫງົ້າຂອງແອນໂທນີມີຄວາມເຊື່ອມໂຍງກັບ ປະເທດລາວ ເພາະຮາກເຫງົ້າບັນພະບຸລຸດຄອບຄົວຂອງແອນໂທນີສືບເຊື້ອສາຍມາຈາກຊາວມົ້ງໃນລາວທີ່ອົບພະຍົບໄປຕັ້ງຖິ່ນຖານຢູ່ອາເມຣິກາ ເຮັດໃຫ້ເຂົາຍັງຄົງຮັກສາວັດທະນະທຳ, ພາສາ ແລະ ວິຖີຊີວິດແບບມົ້ງໄວ້ຢ່າງໜຽວແໜ້ນ.
ການດຳລົງຕຳແໜ່ງ Mister Global Hmong ເຮັດໃຫ້ເຂົາເປັນຕົວແທນຂອງພີ່ນ້ອງຊາວມົ້ງທົ່ວໂລກ ລວມເຖິງຊຸມຊົນຊາວມົ້ງຂະໜາດໃຫຍ່ທີ່ອາໃສໃນລາວ.
ແລະ ໃນຊ່ວງການເກັບໂຕເຮັດກິດຈະກຳຢູ່ປະເທດໄທ ແອນໂທນີສະແດງໃຫ້ເຫັນເຖິງສັກກະຍະພາບ ແລະ ຄວາມນິຍົມທີ່ບໍ່ທຳມະດາ ໂດຍເຂົາສາມາດຄວ້າລາງວັນພິເສດລາງວັນທຳອິດຢ່າງ Golden Charm Award ໃນຄ່ຳຄືນ Golden Chedi Gala Night ຢູ່ນະຄອນປະຖົມ ຈາກຄະແນນຄວາມນິຍົມ ແລະ ການມອບດອກໄມ້ຂອງຜູ້ມາຮ່ວມງານ ລວມເຖິງພະລັງການໂຫວດຈາກພີ່ນ້ອງຊາວມົ້ງທົ່ວທຸກມຸມໂລກທີ່ຮ່ວມສົ່ງແຮງໃຈມາຢ່າງລົ້ນຫຼາມ.
ການກ້າວຂຶ້ນສູ່ເວທີ Mister Global 2026 ຂອງ ແອນໂທນີ ມົວ ບໍ່ແມ່ນພຽງແຕ່ການປະກວດຄວາມງາມ ຫຼື ຮູບຮ່າງ ແຕ່ຄືການເປີດພື້ນທີ່ທາງວັດທະນະທຳ ໃຫ້ສະປອດໄລທ໌ສ່ອງສະຫວ່າງໄປຍັງຊົນເຜົ່າມົ້ງເທິງເວທີລະດັບສາກົນ ພ້ອມສົ່ງຕໍ່ແຮງບັນດານໃຈໃຫ້ຄົນຮຸ່ນໃຫມ່ກ້າທີ່ຈະພາກພູມໃຈໃນຮາກເຫງົ້າຂອງຕົນເອງ.
ສຳລັບການປະກວດຮອບຕັດສິນ (Finals) ຂອງ Mister Global 2026 ຈະຈັດຂຶ້ນໃນວັນທີ 10 ຕຸລາ 2026 ຢູ່ MCC Hall ປະເທດໄທ ເຊິ່ງແຟນໆ ທົ່ວໂລກຕ່າງຮ່ວມລຸ້ນ ແລະ ສົ່ງແຮງໃຈໃຫ້ຊາຍໜຸ່ມຜູ້ສ້າງປະຫວັດສາດຄົນນີ້ຢ່າງໃກ້ຊິດ.
ສາມາດຕິດຕາມຄວາມຫຼໍ່ ແລະ ໜ້າຮັກຂອງລາວໄດ້ທີ່
Facebook: https://www.facebook.com/anthony.moua.94
IG: https://www.instagram.com/amoua313/
TIKTOK: https://www.tiktok.com/@amoua313?is_from_webapp=1&sender_device=pc
