ຊີຣີສ໌ພາກຕໍ່ຈາກ Weak Hero Class 1 ທີ່ເລື່ອງລາວໄດ້ເລົ່າເຖິງຕົວຫຼັກຂອງເລື່ອງຢ່າງ Yeon Si-eun ນັກຮຽນເກັ່ງ, ສະຫຼາດ ແລະ ມີໄຫວພິບດີທີ່ມີນິໄສເປັນຄົນນິ່ງໆບໍ່ມັກສະແດງອອກກັບສາຍຕາທີ່ແສນເສົ້າ.
ໃນພາກຕໍ່ນີ້ ມ່ວນຂໍບອກວ່າສຸດເດືອດຖືກໃຈສາຍແອັກຊັນແນ່ນອນ ເພາະ Si-eun ຈະຕ້ອງໄດ້ເຈິກັບກຸ່ມນັກເລງໂຈດໃໝ່ສຸດຫິນ ແລະ ເຫຼົ່າຕົວຮ້າຍທີ່ໂຫດກວ່າເກົ່າຢ່າງ Na Baek-jin.
Cast: Bae Na-ra as Na Baek-jin
Baek-jin ເປັນຕົວຮ້າຍທີ່ທັງສະຫຼາດ ແລະ ເຂັ້ມແຂງຫຼາຍທີ່ໃຜໆຕ່າງກໍເອົາລົງຍາກ. ຍັງມີຕົວຮ້າຍອີກຕົວລະຄອນໜຶ່ງທີ່ໜ້າສົນໃຈຢ່າງ Geum Seong-je ທີ່ຂາດບໍ່ໄດ້ເລີຍຄືການສະແດງຂອງລາວທີ່ມີມິຕິ, ມີຄວາມກວນໆ ແລະ ຈິດໆໜ້ອຍໜຶ່ງຈົນເຮັດໃຫ້ລາວໄດ້ສັນຍານາມວ່າໝາບ້າ.
Cast: Lee Jun-young as Geum Seong-je
Weak Hero Class 2
Yeon Si-eun ກັບມາອີກຄັ້ງ ແລະ ຄັ້ງນີ້ແມ່ນໄດ້ຍ້າຍມາຢູ່ໃນໂຮງຮຽນໃໝ່ທີ່ລວມເດັກນັກຮຽນຂີ້ດື້-ນັກເລງມາໄວ້ຮ່ວມກັນເປັນຫຼາຍ, ນັກຮຽນທຸກຄົນຮູ້ປະຫວັດຂອງ Si-eun ແລະ ຍັງເຊື່ອຂ່າວລືຜິດໆນັ້ນວ່າລາວໄດ້ຂ້າຄົນຕາຍຈຶ່ງໄດ້ຍ້າຍມາໃນໂຮງຮຽນນີ້ທັງໆທີ່ລາວນັ້ນຮຽນເກັ່ງ.
Cast: Park Ji-hoon as Yeon Si-eun
ເນຶ້ອເລື່ອງໃນ Weak Hero Class 2 Si-eun ໄດ້ພະຍາຍາມຫຼີກລ້ຽງການໃຊ້ຄວາມຮຸນແຮງເພາະມັນເຮັດໃຫ້ລາວຄິດຮອດໝູ່ຂອງລາວ Su-ho ທີ່ຍັງນອນອາການໂຄມ່າຢູ່ໂຮງໝໍ ເພາະສຳລັບລາວໃນຕອນນີ້ຄິດວ່າຖ້າໃຊ້ຄວາມຮຸນແຮງເພື່ອແກ້ບັນຫາມັນກໍບໍ່ມີທາງສິ້ນສຸດມັນຈະວົນລູບຢູ່ແບບນັ້ນ.
Cast: Choi Min-young as Seo Jun-tae
Si-eun ລາວໄດ້ພົບກັບມິດຕະພາບໃໝ່ຈາກ Seo Jun-Tae ຕົວລະຄອນທີ່ເປັນດັ່ງຄວາມອົບອຸ່ນທີ່ໄດ້ເຂົ້າມາເປັນເພື່ອນທີ່ດີໃຫ້ Si-eun, ຕໍ່ມາກໍໄດ້ພົບກັບ Go Hyeon-Tak ນັກກິລາບາສແກັດບອລທີ່ເຂົ້າມາຊ່ວຍບໍ່ໃຫ້ Si-eun ມີເລື່ອງກັບ Choi Hyo-man ເປັນນັກເລງທີ່ຢາກເຂົ້າສະຫະພັນ (ມີຫົວໂຈກຫຼາຍໂຮງຮຽນເຂົ້າຮ່ວມກັບກຸ່ມນີ້ເພື່ອເຮັດອາຊີບສີເທົາ).
Cast: Lee Min-jae as Go Hyeon-tak “Gotak”
Park Hu-min / Baku ເປັນຄົນທີ່ມີຄວາມແຂງແຮງ ແລະ ເກັ່ງເລື່ອງການຕໍ່ສູ້ ລາວນັ້ນເປັນທີ່ຮັກຂອງທຸກຄົນໃນໂຮງຮຽນ ແລະ ເປັນໝູ່ຂອງ Hyeon-Tak ລາວຖືວ່າເປັນຜູ້ທີ່ຄ່ອຍຮັກສາ ແລະ ປົກປ້ອງໝູ່ໃນໂຮງຮຽນ. ໃນ Weak Hero Class 2ເນັ້ນໄປທີ່ການຕໍ່ສູ້ກັບສັດຕູກຸ່ມໃໝ່ທີ່ໄດ້ປະກົດຂຶ້ນ ລາວໄດ້ຮ່ວມກັນຂອງພວກກຸ່ມໝູ່ເພື່ອນ, ການບໍ່ຍອມແພ້ຂອງ Si-eun ທີ່ຈະໃຫ້ໃຜມາທຳຮ້າຍໝູ່ຂອງລາວ.
Cast: Ryeoun as Park Hu-min”Baku”
Class 2 ນີ້ກໍແຕກຕ່າງຈາກ Class 1 ພໍສົມຄວນ ເພາະຈະເນັ້ນໄປທີ່ການຕໍ່ສູ້ກັບສັດຕູກຸ່ມໃໝ່ທີ່ໃຫຍ່ກວ່າເກົ່າ ແລະ ບັນຫາໃນຄອບຄົວທີ່ອາດຈະບໍ່ແມ່ນປົມທີ່ໃຫຍ່ກໍເຮັດໃຫ້ຕົວລະຄອນນັ້ນຮູ້ສຶກບໍ່ດີ, ໃນເລື່ອງກໍຍັງຄົງຮັກສາເລື່ອງມິດຕະພາບໃນກຸ່ມໝູ່ຂອງ Si-eun ທີ່ຮັກພ້ອມຈະຢຶນຄຽງຂ້າງກັນ ແລະ ກັນ ແລະ ຕົວລະຄອນໃໝ່ທີ່ຫຼາຍຂຶ້ນພ້ອມກັບຄວາມວຸ່ນວາຍທີ່ໜ້າເຈັບຫົວ.
ຊີຣີສ໌ເກົາຫຼີເລື່ອງ Weak Hero Class 2 ມີໃຫ້ເບິ່ງແລ້ວທັງໝົດ 8 ຕອນໃນ Netflix.
ໝາຍເຫດ: ເນື້ອຫາມີຄວາມຮຸນແຮງຄວນໃຊ້ວິຈາລະນະຍານໃນການເບິ່ງ
