|
Getting your Trinity Audio player ready...
|
ປ່ອຍໃຫ້ໄດ້ຟັງກັນແລ້ວເພງທີ່ຈະສະກົດທຸກຄວາມຮູ້ສຶກໃຫ້ຕິດຢູ່ໃນໃຈຄົນຟັງໄປອີກດົນກັບເພງ “ຂອບໃຈທີ່ເຄີຍສອນຄຳວ່າຮັກ” ຂອງອ້າຍຕີ໋ ອຸດາໄລ ທີ່ໄດ້ເອື້ອຍນວນ Numtao ມາຮ່ວມ Ft.
ເອື້ອຍນວນ Numtao ຕຳນານນັກຮ້ອງຍິງອີກໜຶ່ງຄົນໃນວົງການເພງລາວເຈົ້າຂອງເພງດັງຢ່າງເພງ “ພຽງກັບມາ ແລະ ເພງ ຕົບຫົວແລ້ວລູບຫຼັງ”, ດ້ວຍແນວເພງ Rock ໜັກແໜ້ນປະກອບກັບພະລັງສຽງຮ້ອງທີ່ມີເອກະລັກ ແລະ ການກັບມາຮ່ວມຮ້ອງເພງກັບ ອ້າຍຕີ໋ ອຸດາໄລ ໃນຄັ້ງນີ້ກໍຖືວ່າໄດ້ເຮັດໃຫ້ແຟນເພງເຊົາຄິດຮອດກັນແດ່.
ເພງ “ຂອບໃຈທີ່ເຄີຍສອນຄຳວ່າຮັກ” ໄດ້ເລົ່າເຖິງເລື່ອງລາວຂອງຊາຍຍິງຄູ່ໜຶ່ງທີ່ໄດ້ຫວນກັບມາພົບເຈິກັນອີກຄັ້ງໃນໄວທີ່ເປັນຜູ້ໃຫຍ່ ແລະ ການພົບກັນໃນຄັ້ງນີ້ແມ່ນເຮັດໃຫ້ນຶກເຖິງເລື່ອງຄວາມຮັກທີ່ຜ່ານມາຂອງທັງສອງຄົນທີ່ເປັນຮັກຄັ້ງແລກຂອງກັນ ແລະ ກັນ.
“ເມື່ອເຖິງທາງແຍກສອງເຮົາຕ້ອງລາຫ່າງໄກ ໄປເຕີບໃຫຍ່ຕາມທາງໃຜມັນ”
ພໍມາຮອດທ່ອນຮ້ອງທ່ອນນີ້, ພາບໃນເອັມວີກໍໄດ້ເລົ່າເຖິງເຫດການຂອງຄົວຄົວຜູ້ຍິງໄດ້ມີການຜິດຖຽງກັນ ແລະ ເກີດການໃຊ້ຄວາມຮຸນແຮງພາຍໃນຄອບຄົວ. ຈົນເຮັດໃຫ້ຄວາມຮັກໃນຄັ້ງນີ້ກໍ່ເກີດມີອຸປະສັກໃຫຍ່ໃຫ້ທັງສອງຕ້ອງໄດ້ຈາກກັນ, ເພາະຜູ້ຍິງຕ້ອງໄດ້ຍ້າຍໄປຢູ່ກັບແມ່ໃນທີ່ແຫ່ງໃໝ່.
“ຍິ້ມໃຫ້ໃນຖານະເພື່ອນເກົ່າ ຍິນດີທີ່ຮູ້ຈັກເຈົ້າ ໃນແບບທີ່ສຸກລົ້ນ” ກັບມາທີ່ສະຖານະການປັດຈຸບັນທີ່ທັງສອງໄດ້ຢູ່ໃນງານລ້ຽງໃນສະຖານທີ່ບັນເທີງແຫ່ງໜຶ່ງທີ່ທັງສອງຕ່າງກໍຮູ້ສຶກຄິດຮອດກັນ ແລະ ກໍຮູ້ສຶກຍິນດີທີ່ທັງສອງຕ່າງກໍຍັງສະບາຍດີ, ດ້ວຍຄວາມຜູກພັນຄວາມຮູ້ສຶກດີໆທີ່ມີໃຫ້ກັນມາໃນຖານະໝູ່ເກົ່າທີ່ເຄີຍເພີ່ງພາກັນມາໃນໄວເດັກ.
ສຸດທ້າຍແລ້ວ, ອະດີດທີ່ຜ່ານມາກໍໄດ້ສອນທັງສອງໃຫ້ໄດ້ເຕີບໃຫຍ່ ແລະ ຕ່າງຄົນກໍຕ່າງມີທາງເດີນຂອງໃຜລາວ, ສິ່ງທີ່ມ່ວນເຫັນໃນເອັມວີແມ່ນອ້າຍຕີ໋ໄດ້ເລົ່າເຖິງຊີວິດຂອງທັງສອງໄດ້ລະອຽດຜ່ານມຸມມອງຊີວິດຄອບຄົວທັງສອງຄົນ, ວ່າບັນຫາຂອງຄອບຄົວໄດ້ສົ່ງຜົນກະທົບແນວໃດຕໍ່ຊີວິດເດັກນ້ອຍຜູ້ໜຶ່ງ.
ໂດຍ: ທີມບັນນາທິການ Muan
