ເຈົ້າກຳລັງສູນເສຍຕົວຕົນ? ຖືກປິດບັງຄວາມເປັນຕົວເອງ ຊວນເອົາຊະນະພຶດຕິກຳ Overcoming Eclipsing

Eclipses ແມ່ນຄຳສັບສະເພາະທີ່ເຫັນໃຊ້ກັນຫຼາຍໃນດ້ານດາລາສາດເຊັ່ນ ປະກົດການທີ່ວັດຖຸໜຶ່ງຢ່າງໂລກເຄື່ອນມາບັງແສງດວງຕາເວັນທີ່ຄວນສົ່ງໄປຮອດດວງຈັນ (Lunar Eclipse) ເຊິ່ງຫຼາຍໆຄົນໃນໂລກອອນລາຍກໍນຳມາປຽບທຽບກັບອາການທີ່ບຸກຄົນໜຶ່ງມັກສະແດງອອກວ່າສົນໃຈເລື່ອງດຽວກັນກັບຄົນທີ່ກຳລັງສົນໃຈຈົນຍອມຫຼຸດຄວາມເປັນຕົວເອງເພື່ອໃຫ້ອີກຄົນຫັນມາສົນໃຈ.

Overcoming Eclipsing ແມ່ນການສະແດງພຶດຕິກຳທີ່ເປັນ someone’s action/voice/identity ການທີ່ບາງຄົນເຮັດວ່າມັກສິ່ງດຽວກັນ ແລະ ປິດບັງຕົວຕົນຂອງຕົວເອງເພື່ອໃຫ້ຄວາມສຳຄັນກັບອີກຄົນ ເຊິ່ງມັນເປັນສິ່ງທີ່ດີໃນການສານຕໍ່ຄວາມສຳພັນ ແລະ ໃນສະຖານະການນັ້ນເຮັດໃຫ້ຮູ້ສຶກວ່າບົດສົນທະນາສາມາດພັດທະນາເປັນຢ່າງອື່ນໄດ້.

ຖ້າຫາກວ່າເຈົ້າເປັນຜູ້ໜຶ່ງທີ່ມັກໃຊ້ Eclipsing ໃນຄວາມສຳພັນເລື່ອຍໆມັນຈະສົ່ງຜົນກະທົບທີ່ບໍ່ຄ່ອຍດີປານໃດ ຖ້າເປັນການຖືກ “ປິດບັງຕົວຕົນ” ໃນຄວາມສຳພັນ ຫຼື ໃນຊີວິດປະຈຳວັນສາມາດເຮັດໃຫ້ເຈົ້າສູນເສຍຄວາມເປັນຕົວຕົນ, ເສຍຄຸນຄ່າໃນຄວາມຮູ້ສຶກ ຫຼື ຄວາມຝັນຂອງຕົວເອງ ເຈົ້າກໍຈະຖືກບົດບັງກືນຫາຍໄປໂດຍບໍ່ຮູ້ຕົວ ເພາະອີກຝ່າຍມີອິດທິພົນຫຼາຍກວ່າ.

ຄວາມສຳພັນທີ່ມີການ Eclipsing ບໍ່ໄດ້ໝາຍຄວາມວ່າເປັນເລື່ອງຮ້າຍສະເໝີ ແຕ່ຕ້ອງໃຊ້ໃຫ້ຖືກວິທີ ແລະ ເຈົ້າລອງສັງເກດວ່າຕົວຕົນຂອງເຈົ້າກຳລັງຫາຍໄປບໍ່ ໃຫ້ຖາມຕົວເອງວ່າ: ຂ້ອຍຍັງເປັນຕົວຂ້ອຍຢູ່ບໍ?, ສິ່ງທີ່ຂ້ອຍເຮັດຕອນນີ້ ເຮັດເພື່ອລາວ ຫຼື ເພື່ອຕົວຂ້ອຍເອງ?

ການຮູ້ຕົວຕົນ (Self-awareness):

ສັງເກດ-ເຂົ້າໃຈຄວາມຮູ້ສຶກທັງຄວາມຄິດ, ພຶດຕິກຳ ແລະ ແຮງຈູງໃຈຂອງຕົວເອງ, ພ້ອມທັງຮັບຮູ້ວ່າສິ່ງເຫຼົ່ານີ້ສົ່ງຜົນກະທົບຕໍ່ຕົວເຮົາເອງ ແລະ ຄົນອ້ອມຂ້າງແນວໃດ. ມັນເປັນພື້ນຖານທີ່ສຳຄັນຂອງການພັດທະນາຕົວຕົນ, ການຕັດສິນໃຈ ແລະ ການສ້າງຄວາມສຳພັນທີ່ດີ ເພື່ອຊ່ວຍນຳທາງໃຫ້ເຈົ້າບໍ່ຫຼົງທາງ ແລະ ກັບມາເປັນຕົວເອງໂດຍໄວ.

ກ້າທີ່ຈະປະກາຍແສງອີກຄັ້ງ:

ເຈົ້າບໍ່ຈຳເປັນຕ້ອງໂດດເດັ່ນກວ່າຄົນອື່ນແຕ່ເຈົ້າຕ້ອງ “ມີພື້ນທີ່ໃຫ້ຕົວເອງໄດ້ຫາຍໃຈ” ເຮັດສິ່ງທີ່ເຈົ້າຮັກ ຫຼື ເຄີຍເຮັດ ເພື່ອຫາຄວາມສະຫງົບໃນພື້ນທີ່ຂອງເຈົ້າເອງເຊັ່ນ: ແຕ້ມຮູບ, ຟັງເພງ, ໄປຄາເຟ່ ແລະ ລອງອອກໄປຍ່າງຫຼິ້ນ ຫຼື ທ່ຽວຄົນດຽວ. ໃຫ້ເຈົ້າລືມຄວາມຢ້ານການຖືກຕັດສິນ ຫຼື ການບໍ່ຖືກຍອມຮັບ ແລະ ກ້າສະແດງຄວາມຮູ້ສຶກ, ຄວາມຄິດຂອງເຈົ້າຢ່າງເປີດເຜີຍ ການກ້າທີ່ຈະເປັນຕົວເຈົ້າເອງຈະເຮັດໃຫ້ເຈົ້າມີຄວາມສຸກ ແລະ ເປັ່ງປະກາຍ

ສື່ສານດ້ວຍຄວາມຈິງໃຈ:

ໃຫ້ເຈົ້າສະແດງຄວາມຄິດເຫັນ ແລະ ບອກລາວໃນເລື່ອງທີ່ເຈົ້າມັກແທ້ໆຢ່າງເປີດເຜີຍໂດຍບໍ່ປິດບັງ, ບໍ່ປອມແປງ, ສິ່ງທີ່ເຈົ້າເຮັດຜ່ານມາອາດບໍ່ແມ່ນຕົວຕົນຂອງເຈົ້າ, ບໍ່ໃຫ້ກ່າວໂທດໃຜ ແລະ ໃຫ້ເປີດໃຈເຮັດສິ່ງທີ່ມັກຮ່ວມກັນ ເຊິ່ງມັນເປັນອີກວິທີການສື່ສານທີ່ສ້າງຄວາມເຂົ້າໃຈ, ຄວາມໄວ້ເນື້ອເຊື່ອໃຈ ແລະ ການເຊື່ອມໂຍງທາງອາລົມກັບຄົນອ້ອມຂ້າງ ໂດຍສະເພາະໃນຄວາມສຳພັນທີ່ມີການຖືກປິດບັງ (Eclipsing) ສາມາດປຶກສາກັນເພື່ອປັບປຸງເຮັດໃຫ້ຄວາມສຳພັນດີຂຶ້ນ.

ການເອົາຊະນະພຶດຕິກຳ Overcoming Eclipsing ນີ້ບໍ່ແມ່ນການປ່ຽນຄົນອື່ນ, ແຕ່ເປັນການຄົ້ນພົບ ແລະ ເສີມສ້າງຕົວຕົນຂອງເຈົ້າເອງໃຫ້ສ່ອງສົດໃສຄືນ.