|
Getting your Trinity Audio player ready...
|
ແທ້ ຫຼື ບໍ່? ຜູ້ຍິງເກັບຄວາມລັບໄວ້ໄດ້ບໍ່ຄ່ອຍຢູ່ ແລະ ມັກຈະບອກຄົນອື່ນເມື່ອກາຍເວລາປະມານ 48 ຊົ່ວໂມງ.
ນັກວິໄຈ ໄດ້ທົດລອງເອົາຜູ້ຍິງ 3,000 ຄົນ ໃນຊ່ວງອາຍຸ 18-65 ປີ ມາທົດສອບກ່ຽວກັບການເກັບຄວາມລັບ, ແລ້ວຜົນປາກົດວ່າ 4 ສ່ວນໃນ 10 ບໍ່ສາມາດເກັບຄວາມລັບໄວ້ໄດ້ເລີຍ ບໍ່ວ່າຄວາມລັບນັ້ນຈະເປັນເລື່ອງສ່ວນໂຕປານໃດກໍຕາມ.
ຫຼາຍກວ່າເຄິ່ງຍອມຮັບວ່າ, ເຄື່ອງດື່ມມຶນເມົາເຮັດໃຫ້ພວກເຂົາຫຼຸດເວົ້າອອກມາແບບບໍ່ຮູ້ໂຕໄດ້ ແລ້ວສ່ວນຫຼາຍຄົນທີ່ພວກເຂົາຈະບອກຂໍ້ມູນຕ້ອງຫ້າມກໍຈະແມ່ນ ຄົນຮັກ, ໝູ່ສະໜິດ ແລະ ແມ່ຂອງພວກເຂົາ.
ຜູ້ຊ່ຽວຊານໄດ້ກ່າວວ່າ “ບໍ່ວ່າຂໍ້ມູນລັບຂອງພວກເຂົາຈະເປັນປະເດັນທີ່ອ່ອນໄຫວເທົ່າໃດ ມັນກໍສາມາດຖືກເປີດເຜີຍອອກມາໄດ້ພາຍໃນ 48 ຊົ່ວໂມງ, ພວກເຂົາພົບວ່າການເຜີຍຄວາມລັບໃນແວດວົງທີ່ບໍ່ມີສ່ວນກ່ຽວຂ້ອງກັບບັນຫາ ສາມາດເຮັດໃຫ້ພວກເຂົາສະບາຍໃຈໄດ້” ແລະ ໃນທາງດຽວກັນ 9 ໃນ 10 ຂອງຜູ້ຍິງກໍບອກວ່າຕົນເອງນັ້ນເຊື່ອຖືໄດ້.
ເຖິງວ່າຈະເປັນແບບນັ້ນ, ພວກເຂົາຈໍານວນຫຼາຍກໍຮູ້ສຶກຜິດ ຫຼັງຈາກທີ່ໄດ້ປ່ອຍໃຫ້ຄວາມລັບຮົ່ວໄຫລອອກໄປ ແຕ່ກໍຍັງມີບາງສ່ວນທີ່ຄິດວ່າການບອກຄວາມລັບກັບຄົນທີ່ໄວ້ເນື້ອເຊື່ອໃຈ ແລະ ບໍ່ໄດ້ກ່ຽວຂ້ອງຫຍັງກັບປະເດັນທີ່ພວກເຂົາເວົ້າ ເປັນສິ່ງທີ່ບໍ່ຜິດ, ແຕ່ກໍຍັງມີອີກປະມານ 27% ຂອງຄົນທີ່ໄດ້ຮູ້ຄວາມລັບບອກວ່າບໍ່ຈື່ຊໍ້າວ່າມັນແມ່ນເລື່ອງຫຍັງ.
ການເກັບຄວາມລັບບໍ່ໄດ້ສາມາດເກີດຂຶ້ນໄດ້ກັບທຸກເພດທຸກໄວ, ສິ່ງທີ່ຈະເຮັດໃຫ້ເຮົານັ້ນບໍ່ບອກຂໍ້ມູນໃຫ້ໃຜຮູ້ ຄືການໃຫ້ຄວາມສໍາຄັນຕໍ່ຜົນກະທົບທີ່ຈະຕາມມາຫາກເຮົາບອກຄົນອື່ນໃນສິ່ງທີ່ພວກເຂົາບໍ່ຄວນຮູ້, ແລ້ວຖ້າເຮົາທ່ຽວບອກຄວາມລັບໄປທົ່ວ ຄົນອື່ນກໍຈະເບິ່ງວ່າເຮົານັ້ນເປັນຄົນທີ່ເຊື່ອໃຈບໍ່ໄດ້.
ໂດຍ: ທີມບັນນາທິການ Muan
