|
Getting your Trinity Audio player ready...
|
ຖ້າເວົ້າເຖິງບ່ອນພັກທີ່ມີທັງຄວາມສະດວກສະບາຍ, ທັນສະໄໝ ແລະ ການບໍລິການລະດັບໂລກຢູ່ໃຈກາງນະຄອນຫຼວງວຽງຈັນ, ເຮົາຄິດວ່າ ຮໍລິເດ ອິນ ແອນ ສະຫວີທສ໌ ວຽງຈັນ ເປັນທາງເລືອກອັນດັບຕົ້ນໆ. ໂຮງແຮມນີ້ໄດ້ຮັບເຄື່ອງໝາຍ 5 ດາວ ເມື່ອບໍ່ດົນມານີ້, ຍ້ອນຄວາມດີເລີດດ້ານການບໍລິການ ແລະ ຄຸນນະພາບມາດຕະຖານສາກົນ.
ແລ້ວຍ້ອນຫຍັງພວກເຂົາຈຶ່ງໄດ້ຮັບເຄື່ອງໝາຍໂຮງແຮມລະດັບ 5 ດາວ? ເຮົາຈະພາໄປຮູ້ພ້ອມກັນ
ການເລີ່ມຕົ້ນທີ່ແຂງແຮງ ແລະ ວ່ອງໄວ
ພຽງ 3-4 ເດືອນຫຼັງເປີດໃຫ້ບໍລິການ, ໂຮງແຮມນີ້ກໍໄດ້ຮັບເຄື່ອງໝາຍ 5 ດາວ ເຊິ່ງຖືວ່າໄວຫຼາຍສຳລັບໂຮງແຮມທີ່ຫາກໍເປີດໃໝ່ ໂດຍຜ່ານການປະເມີນມາດຕະຖານສາກົນທີ່ເຂັ້ມງວດ.
ການບໍລິການທີ່ເໜືອລະດັບ ເຊິ່ງເປັນຫົວໃຈຂອງຄວາມເປັນ 5 ດາວ
ທີມງານບໍ່ພຽງແຕ່ບໍລິການຕາມມາດຕະຖານທົ່ວໄປ, ແຕ່ຍັງເອົາໃຈໃສ່ລາຍລະອຽດ ແລະ ຕັ້ງໃຈສ້າງປະສົບການທີ່ປະທັບໃຈໃຫ້ແຂກທຸກຄົນ ຕັ້ງແຕ່ການຕ້ອນຮັບອັນອົບອຸ່ນ, ການຕອບສະໜອງໄວ, ຈົນເຖິງການດູແລທີ່ເຮັດໃຫ້ຮູ້ສຶກຄືຢູ່ເຮືອນ ຕາມມາດຕະຖານລະດັບໂລກຂອງ IHG Hotels and Resorts.
ທັນສະໄໝ ພ້ອມຄວາມສະດວກສະບາຍ
ໂຮງແຮມມີສິ່ງອຳນວຍຄວາມສະດວກທີ່ທັນສະໄໝ ແລະ ຄົບວົງຈອນ. ຕັ້ງແຕ່ຫ້ອງພັກທີ່ອອກແບບຢ່າງມີສະໄຕລ໌, ຈົນເຖິງພື້ນທີ່ສ່ວນກາງເຊັ່ນ: ຫ້ອງຈັດງານລ້ຽງ ຕອບໂຈດທັງນັກທ່ອງທ່ຽວ ແລະ ນັກທຸລະກິດ, ບໍ່ວ່າຈະມາພັກຜ່ອນ ຫຼື ຈັດງານສຳຄັນ, ທຸກຢ່າງພ້ອມໃຫ້ບໍລິການ.
ຄວາມມຸ່ງໝັ້ນຫຼາຍກວ່າການເປັນໂຮງແຮມ
ໂຮງແຮມນີ້ບໍ່ພຽງແຕ່ເປັນທີ່ພັກ, ແຕ່ຍັງຊ່ວຍສົ່ງເສີມການທ່ອງທ່ຽວຂອງລາວໃຫ້ກ້າວໄກໃນລະດັບສາກົນ ໂດຍສາມາດຊ່ວຍດຶງດູດນັກທ່ອງທ່ຽວຈາກທົ່ວໂລກມາຢ້ຽມຢາມລາວ ແລະ ມີສ່ວນຮ່ວມໃນການສ້າງພາບພົດທີ່ດີໃຫ້ວຽງຈັນເປັນຈຸດໝາຍປາຍທາງທີ່ໜ້າສົນໃຈ.
ທີມງານ: ຫົວໃຈຂອງຄວາມສຳເລັດ
ເບື້ອງຫຼັງຄວາມສຳເລັດນີ້ແມ່ນທີມງານທີ່ເຕັມໄປດ້ວຍຄວາມຕັ້ງໃຈ. ທ່ານ ມູຣາລີ້ ວິດສ໌ວານາທານ, ຜູ້ຈັດການທົ່ວໄປ, ກ່າວວ່າ “ລາງວັນນີ້ເປັນເຄື່ອງພິສູດໃຫ້ເຫັນເຖິງຄວາມເອົາໃຈໃສ່, ຄວາມທຸ້ມເທໃນການເຮັດວຽກ ແລະ ຄວາມມຸ່ງໝັ້ນທີ່ບໍ່ຢຸດຢັ້ງເພື່ອສົ່ງມອບປະສົບການການເຂົ້າພັກທີ່ດີເລີດ ຕາມມາດຕະຖານລະດັບໂລກ ໃຫ້ກັບແຂກທີ່ມາຢ້ຽມຢາມນະຄອນຫຼວງວຽງຈັນ.”
ສະຫຼຸບ:
ຫຼາຍກວ່າໂຮງແຮມ, ແຕ່ເປັນປະສົບການ. ການທີ່ ຮໍລິເດ ອິນ ແອນ ສະຫວີທສ໌ ວຽງຈັນ ໄດ້ຮັບເຄື່ອງໝາຍ 5 ດາວ ບໍ່ພຽງແຕ່ການຮັບປະກັນຄຸນນະພາບຂອງສະຖານທີ່ ຫຼື ສິ່ງອຳນວຍຄວາມສະດວກ, ແຕ່ຍັງເປັນການຢືນຢັນຄວາມມຸ່ງໝັ້ນທີ່ຈະໃຫ້ປະສົບການທີ່ເກີນຄວາມຄາດໝາຍໃຫເແກ່ແຂກ. ເຮົາຄິດວ່າ ບໍ່ວ່າ ຈະມາທ່ຽວ ຫຼື ມາເຮັດວຽກ, ໂຮງແຮມນີ້ກໍພ້ອມທີ່ຈະຕ້ອນຮັບດ້ວຍມາດຕະຖານລະດັບໂລກທີ່ປະສົມກັບຄວາມອົບອຸ່ນຢ່າງລົງຕົວ.
