Muan Listen - ມ່ວນຊວນຟັງ

“ມື້ໃດ” ເພງຈາກ Vegghy ເຂົ້າກັບ Summer Vibe ທີ່ເຮັດໃຫ້ເຫງົາໃຈ

ໂດຍ: Fronk Aphiwath

10 June 2025● 280

“ມື້ໃດ” ຜົນງານເພງຈາກ Vegghy ສິລະປິນໜຸ່ມລາວທີ່ມາພ້ອມບັນຍາກາດເຫງົາໆກາງແສງແດດໃນລະດູຮ້ອນ ເພງທີ່ເຮັດໃຫ້ຄົນໂສດຫົວໃຈສະເທືອນໃນທຸກຄຳ.

ເພງນີ້ຈະມາໃນແນວ Indie ທີ່ເຂົ້າຍາມຮ້ອນກັນເມື່ອໄດ້ຟັງ ປະສົມແນວສະຕິງລາວ ກັບສຽງຫ້ອງທີ່ອົບອຸ່ນແຕ່ແອບປ່ຽວເຫງົາຖ່າຍທອດອາລົມຂອງວັນທີ່ໂລກທັງໃບໃນມຸມມອງງຽບເຫງົາຄືກັບໃຈຂາດຫຍັງໄປ.

Vegghy ຖ່າຍທອດຄວາມຮູ້ສຶກວ່າ “ກໍນານແລ້ວຄຳວ່າຮັກ ທີ່ຫ່າງເຫີນໄປ” ໃນຂະນະທີ່ຄົນອື່ນມີຄົນເດີນຄຽງຂ້າງແຕ່ຕົວເອງກັບຖາມຊ້ຳໆວ່າເມື່ອໃດຊ່ວງເວລານັ້ນຈະມາເຖິງຈັກເທື່ອ ວັນທີ່ກຫົວໃຈຈະມີໃຜຝາກໄວ້ກ່ອນທີ່ສາຍຕາຈະປິດລົງ.

“ມື້ໃດ” ເຮັດໃຫ້ເຮົາໄດ້ຮູ້ວ່າທຸກຄົນຕ່າງເຝົ້າຊ່ວງເວລາຂອງຄວາມຮັກ ແລະ ໃນວັນທີ່ຄວາມເຫງົາມັນແໜ້ນຈົນແທບຫາຍໃຈ ເປັນເພງທີ່ຮູ້ໃຈທີ່ສຸດເພງໜຶ່ງທີ່ພ້ອມເດີນໄປກັບເຮົາໃນວັນຟ້າແດດຈ້າແຕ່ຫົວໃຈໝືອມົນ.