ໜ້າຫຼັກ Muan.la - ສາລະບັນເທີງ The Interview ເພາະມັກຄວາມທ້າທາຍ ແລະ ການຮຽນຮູ້ສິ່ງໃໝ່ ສາຍສະຫວັນ ອາພິລົມ ຈາກລາຍການ GIRL$GURL CHITCHAT
The Interview

ເພາະມັກຄວາມທ້າທາຍ ແລະ ການຮຽນຮູ້ສິ່ງໃໝ່ ສາຍສະຫວັນ ອາພິລົມ ຈາກລາຍການ GIRL$GURL CHITCHAT

ແບ່ງປັນ

ພາມາຮູ້ຈັກ Sydney ພິທີກອນໜ້າໃໝ່ຈາກລາຍການ GIRL$GURL CHITCHAT ເຊິ່ງມື້ນີ້ມ່ວນກໍໄດ້ນຳເອົາຄວາມສົດໃສໜ້າຮັກ ແລະ ມາບອກເລົ່າເຖິງຕົວຕົນວ່າລາວເປັນໃຜມາຈາກໃສ, ຈຸດເລິ່ມຕົ້ນຂອງລາວໃນການເດີນທາງສາຍນີ້ ແລະ ເລື່ອງໃດແດ່ທີ່ລາວຈະເລົ່າໃຫ້ທຸກຄົນຟັງ, ມາຮຽນຮູ້ກ່ຽວກັບລາວໄປພ້ອມກັບມ່ວນໄດ້ເລີຍ.

Sydney: ຊື່ ສາຍສະຫວັນ ອາພິລົມ ຫຼື ຊິດນີ້ (Sydney) ອາຍຸ 17 ປີ, ຮຽນຈົບມໍ 7 ຈາກໂຮງຮຽນ ກຽດຕິສັກນານາຊາດ (KIS). ປັດຈຸບັນເປັນໜຶ່ງໃນສະມາຊິກ GIRL$GURL ເເລະ ພິທີກອນລາຍການ GIRL$GURL CHITCHAT.

FB: Sydney Aphilom

IG: whoss.ny

ມ່ວນ: ຊ່ວຍບອກນິໄສທີ່ເປັນຕົນເອງທີ່ສຸດໃຫ້ຟັງແດ່?

Sydney: ທີ່ໄດ້ຍິນມາຈາກຄົນອື່ນຄືຊິດນີ້ມັກຢູ່ບໍ່ຄືຄົນ, ເປັນຄົນ chill chill, ເປັນຄົນງ່າຍໆຈັ່ງໃດກະໄດ້ ແລະ ບ້າຈີ້ໝູ່ພາເຮັດຫຍັງກະເຮັດໝົດ, ມັກຊອກຮູ້ຊອກເຫັນມັກຮຽນຮູ້ສິ່ງໃໝ່ໆ ແລະ ມັກການ Challenge ແນວທ້າທາຍຕ່າງໆ.

ມ່ວນ: ເຄີຍ Test MBTI ບໍ? ນ້ອງເປັນ Type ຫຍັງ?

Sydney: MBTI ຂອງຊິດນີ້ກໍຄື ENFP ເນາະ, ກະເປັນ extroverted ປະມານໜຶ່ງ, ເປັນຄົນມັກເຮັດຕາມສັນຊາດຕະຍານໂຕເອງ, ມັກອງຕາມຄວາມຮູ້ສຶກເລີຍ, ຈະບໍ່ Judge ມັກເບິ່ງໄປຕາມ Prospective ນັ້ນໆ ເເລະ ເປັນຄົນບໍ່ມີ schedule ໜ່ອຍໜຶ່ງ.

ມ່ວນ: ຕອນນີ້ກຳລັງເຮັດລາຍການຫຍັງຢູ່? ເລົ່າໃຫ້ຟັງເຖິງຈຸດເລີ່ມຕົ້ນກ່ອນຈະມາເຮັດລາຍການນີ້

ອ່ານຕື່ມ:  ລົມກັບ PT Flow ແຣັປເປີສຽງເຈົ້າສະເໜ່ຈາກຫຼວງພະບາງ ຜູ້ຮ້ອງທ່ອນຮຸກຕິດຫູໃນເພງ ”ເທບທິດາ”

Sydney: ຕອນນີ້ຊິດນີ້ກັບໝູ່ອີກ 2 ຄົນກຳລັງເຮັດລາຍການ GIRL$GURL CHITCHAT ອີງຕາມຊື່ເລີຍໂດຍທີ່ເຮົາຈະເຊີນຄົນໃນວົງການມາ Chitchat interview ເຖິງທີ່ມາທີ່ໄປລວມເຖິງ Lifestyle ຂອງເຂົາເຈົ້າ.

ມ່ວນ: ສິ່ງທີ່ທ້າທາຍທີ່ສຸດໃນການເຮັດລາຍການແມ່ນຫຍັງ?

Sydney: ຈຸດເລີ່ມຕົ້ນຂອງ GIRL$GURL ກໍມາຈາກ 3 ສາວທີ່ຫາກໍຮຽນຈົບ, ແລ້ວພາກັນກອດຄໍກັນມາເຝິກງານທີ່ບໍລິສັດ ActionPro ແລ້ວພວກເຮົາກໍໄດ້ຮັບໂອກາດຈາກຜູ້ໃຫຍ່ໃຈດີ, ແລ້ວກໍບ້າຈີ້ນຳກັນຈົນກາຍມາເປັນ GIRL$GURL CHITCHAT.

ມ່ວນ: ຢາກເຮັດຫຍັງໃນອານາຄົດ ແລະ ນ້ອງຄິດວ່າຢາກພັດທະນາດ້ານໃດຕື່ມ?

Sydney: ສິ່ງທີ່ທ້າທາຍທີ່ສຸດໃນການເຮັດລາຍການ ແມ່ນການໄດ້ພົບໜ້າລົມນຳຄົນຫຼາຍໆ, ເພາະສ່ວນໂຕຊິດນີ້ເຖິງຈະເປັນ extroverted ແຕ່ສ່ວນໂຕແລ້ວເປັນຄົນຂີ້ອາຍ ແລະ ມັກທຳທ່າສຸຂຸມ.

ມ່ວນ: ຜົນງານທີ່ໄດ້ເຮັດຜ່ານມາ? ແລະ ຢາກເລົ່າກ່ຽວກັບໂມເມັ້ນນັ້ນ

Sydney: ຖ້າຖາມວ່າຊິດນີ້ຢາກເຮັດຫຍັງໃນອານາຄົດກໍຄືຈະຕອບບໍ່ໄດ້ຕາຍໂຕ, ເພາະຊິດນີ້ມັກລອງແນວໃໝ່ໆໄປຕະຫຼອດ ແລະ ມັກເຮັດແນວທີ່ມັນ exciting ທ້າທາຍ, ແລ້ວສິ່ງທີ່ຢາກພັດທະນາແມ່ນຢາກຮຽນຮູ້ທີ່ຈະພຶງພາໂຕເອງ

ຫຼາຍຂຶ້ນ.

ມ່ວນ: ສິ່ງທີ່ມັກທີ່ສຸດ ແລະ ກິດຈະກຳຍາມວ່າງ

Sydney: ຜົນງານທີ່ຜ່ານມາຂອງຊິດນີ້ແມ່ນການເປັນໜຶ່ງໃນສະພານັກຮຽນ ເຊິ່ງມັນອາດຈະບໍ່ໄດ້ wow ຫຍັງຫຼາຍແຕ່ມັນໂຄດຈະ Special ກັບຊິດນີ້ເລີຍ ເເລະ ຊິດນີ້ຍັງໄດ້ຮັບໂອກາດເປັນນັກຮ້ອງນຳໃນງານຈົບການສຶກສາຂອງ KIS ບໍ່ເເນ່ GIRL$GURL ອາດຈະມີຜົນງານເພງມາໃຫ້ຟັງກະໄດ້.

ມ່ວນ: ສິ່ງທີ່ບໍ່ມັກ ແລະ ບໍ່ຄິດຈະເຮັດເລີຍ ຍ້ອນຫຍັງ?

Sydney: ຊິດນີ້ມັກຮ້ອງເພງບໍ່ວ່າຈະຕອນຂັບລົດ ຫຼື ເວລາວ່າງໆ, ກໍຈະເເອບໄປລັກຮ້ອງເພງໃນຫ້ອງນ້ຳຕະຫຼອດ ບາງເທື່ອກໍໄປຮ້ອງກວນເເມ່ເວລາເເມ່ເຮັດເເນວກິນ. ສ່ວນສິ່ງທີ່ບໍ່ຄິດຈະເຮັດເລີຍຄືການເຮັດອາຫານ ຊິດນີ້ເຂົ້າຄົວບໍ່ໄດ້ເລີຍ, ມັນກໍມີບາງຄັ້ງທີ່ຢາກໄປຊ່ວຍເເມ່ເເຕ່ເເມ່ໄລ່ໜີເພາະລາວວ່າຈະເຮັດໝໍ້ລາວໄໝ້ອີກ…

ອ່ານຕື່ມ:  ຕ້າ ກິນດາວອນ: 22 ປີທີ່ແສນບໍ່ທຳມະດາ ຜູ້ທີ່ຂັບເຄື່ອນຊີວິດດ້ວຍການສະແດງ ການຂຽນເພງ ແລະ ສິລະປະ

ມ່ວນ: ສຸດທ້າຍນີ້ຢາກຝາກຫຍັງໃຫ້ຄົນທີ່ຜ່ານມາເຫັນໃຫ້ຮູ້ເຮົາຫຼາຍຂຶ້ນ

Sydney: ຝາກສະບາຍດີຕອນເຊົ້າ, ຕອນເເລງ, ຕອນສວຍເດີ້ທຸກຄົນ~ ຊິດນີ້ເປັນຄົນເວົ້າຫຼາຍ, ຂີ້ອາຍ ແລະ ຢາກໃຫ້ທຸກຄົນລອງເຂົ້າມາເບິ່ງຊ່ອງ ແລະ ມາເປັນ The Gang Girlsgurl ໄປນຳກັນທຸກຄົນເລີຍ.

ຈາກທີ່ໄດ້ຟັງ Sydney ເລົ່າມາກໍໄດ້ເຮັດໃຫ້ພວກເຮົາຮູ້ຈັກລາວກັນຫຼາຍຂື້ນແລ້ວ ແລະ ມ່ວນຢາກຝາກທຸກຄົນເຂົ້າໄປໃຫ້ກຳລັງໃຈ ແລະ ຍ້ອນເບິ່ງລາຍການເພື່ອຊົມຜົນງານ Sydney ທີ່ GIRL$GURL CHITCHAT ທາງ YOUTUBE: @girlsgurlhood

ໂດຍ: ທີມບັນນາທິການ Muan

ຂຽນໂດຍ
Khainapha Chanthathilath - Content Creator

ເປັນຜູ້ສ້າງຄອນເທັ້ນທີ່ມັກການທ່ອງທ່ຽວ ແລະ ເລື່ອງລາວທີ່ໜ້າສົນໃຈຂອງວັດທະນຳທຳທ້ອງຖິ່ນ, ທຳມະຊາດ, ຄວາມງົດງາມທີ່ແສນທຳມະດາໃນຊີວິດປະຈຳວັນ, ມັກດື່ມກາແຟດຳ, ມັກເລົ່າເລື່ອງລາວຜ່ານໂຕໜັງສື, ຮູບຖ່າຍ ແລະ ວິດີໂອສັ້ນ.

ບົດຄວາມທີ່ກ່ຽວຂ້ອງ
The Interview

ຈາກຜູ້ຟັງສູ່ຜູ້ຫຼິ້ນ ລົມນຳ Kino ມືເບສຜູ້ທີ່ເຊື່ອວ່າດົນຕີຄືເສັ້ນທາງທີ່ຊີວິດເລືອກ

ຈາກຜູ້ຟັງກາຍເປັນນັກດົນຕີ! Kino ນັກເບສອິດສະລະຜູ້ໃຊ້ດົນຕີນຳເສັ້ນທາງຊີວິດ. ຕິດຕາມການເດີນທາງຂອງລາວໃນອຸດສາຫະກຳດົນຕີລາວ!

The Crown ExclusiveUncategorized

“ເມລີ້” ນາງແບບຈາກລາວ ຜູ້ພ້ອມທີ່ຈະພາໂຕເອງໄປສູ່ອີກລະດັບໃນ The Face Thailand Season 6

ເມລີ້ ນາງແບບຈາກລາວ ຜູ້ທີ່ເປັນໜຶ່ງໃນ 500 ຄົນ ກ້າວເຂົ້າສູ່ The Face Thailand Season 6 ດ້ວຍຄວາມຝັນທີ່ຍິ່ງໃຫຍ່...

The Interview

SenJx ເຜີຍ “ຢາກເປັນສິລະປິນຕົວຢ່າງ” ສົ່ງເສີມຄົນຮຸ່ນໃໝ່ໃນທາງທີ່ດີ

ໃນການສົນທະນາທີ່ເຕັມໄປດ້ວຍແຮງບັນດານໃຈກັບ SenJx ຈາກ HUEN CREW ໄດ້ພາເຮົາໄປສຳຜັດກັບມຸມມອງຂອງສິລະປິນຮຸ່ນໃໝ່ທີ່ບໍ່ພຽງແຕ່ຢາກສ້າງສັນຜົນງານຜ່ານສຽງດົນຕີເທົ່ານັ້ນ, ແຕ່ຍັງມຸ່ງສ້າງຊຸມຊົນຮິບຮັອບ-ແຣັບເປີ ໃຫ້ເປັນພື້ນທີ່ປອດໄພ ພ້ອມທັງສົ່ງເສີມຄົນຮຸ່ນໃໝ່ໃຫ້ກ້າວເດີນໃນແນວທາງທີ່ດີຜ່ານເນື້ອຮ້ອງ ແລະ ວິຖີຊີວິດທີ່ແທ້ຈິງຂອງລາວ. ການທີ່ໄດ້ລົມກັບ...

The Interview

ໂຕ້ຄື້ນລູກໃໝ່: Surftape ຄ້າຍເພງສຸດແນວ ໂດຍ just”, XXXVIIV & gomen. ຈະປ່ຽນໂສມໜ້າເພງລາວແນວໃດ?

ໂຕ້ຄື້ນລູກໃໝ່: Surftape ຄ້າຍເພງສຸດແນວ ໂດຍ just", XXXVIIV & gomen. ກຳລັງຈະປ່ຽນໂສມໜ້າຂອງເພງລາວແນວໃດ?

ກ່ຽວກັບພວກເຮົາ - About Muan

ມ່ວນ - Muan.Space ຫຼື Muan.la ພື້ນທີ່ຈຸດປະກາຍແຮງບັນດານໃຈ ແລະ ສົ່ງຜົນກະທົບທີ່ດີ ໃຫ້ກັບສັງຄົມຜ່ານເລື່ອງລາວ ເນື້ອຫາສາລະ ບັນເທີງທີ່ສ້າງສັນ. ກໍ່ຕັ້ງຂຶ້ນໃນປີ 2016 ພາຍໃຕ້ບໍລິສັດການຕະຫຼາດ BIZGITAL ຈຳກັດ. 🔴👑☕🦖💼🧭 ມ່ວນ - Muan.Space ຫຼື Muan.la is the Premier Destination for Creative & Entertainment Content in Laos. A business unit of a Digital Marketing Technology, BIZGITAL Company Limited since 2016.