Muan Listen - ມ່ວນຊວນຟັງ

“ຄົນບໍ່ຖືກຮັກ” ເປໝົດຕັກເຂົາກໍບໍ່ເຫັນຄ່າ ເພງດັງຍອດວິວ 10 ລ້ານຈາກ ເທ້ ຈໍາປາສັກ ແລະ ຢຸດ ສາລະວັນ

ໂດຍ: Khainapha Chanthathilath

26 December 2024● 263

ຢາກເປັນຄົນທີ່ຖືກຮັກ ສໍ່ານີ້ກໍບໍ່ໄດ້ບໍ? ເທ້ ຈໍາປາສັກ ແລະ ຢຸດ ສາລະວັນ ພາ “ຄົນບໍ່ຖືກຮັກ” ອົກຫັກໄປກັບເພງໃໝ່ຫຼ້າສຸດທີ່ເປັນກະແສຮິດ ຕິດເທຣນອັນດັບ 1 ຂອງຢູທູບໃນເຂດປະເທດລາວ!

ສິນລະປິນສອງຄົນນີ້ບໍ່ເຄີຍເຮັດໃຫ້ແຟນຄລັບຜິດຫວັງອີ່ຫຼີ, ເພາະເພງຂອງພວກເຂົານັ້ນມ່ວນຕິດຫູ ແລະ ຍັງເຂົ້າເຖິງຊີວິດຮັກຂອງພວກເຮົາ (ບາງຄົນ) ອີກດ້ວຍ.

ເພງ ບໍ່ຖືກຮັກ ເປັນເພງທີ່ເລົ່າເຖິງຄົນທີ່ຮັກເຂົາຂ້າງດຽວ ແລະ ເຂົາກໍຍັງບໍ່ຄິດຈະຮັກເຮົາເຖິງວ່າຈະເປ, ດູແລ, ມອບສິ່ງຕ່າງໆໃຫ້ຫຼາຍສໍ່າໃດ. ກໍຍ້ອນເຮົາບໍ່ໄດ້ເປັນຄົນນັ້ນຂອງເຂົາເນາະ ຊິຍອມຕາຍເພື່ອເຂົາກໍບໍ່ຖືກຮັກຢູ່ດີ

Thay Champasak ແລະ Youd Salavan ຫາກໍກັບມາຈາກທົວຄອນເສີດທີ່ເມກາກໍມອບຜົນງານໃຫ້ພວກເຮົາໄດ້ຟັງແລ້ວ. ສອງຄົນນີ້ຂະຫຍັນແບບບໍ່ພັກອີ່ຫຼີເນາະ

ໂດຍ: ທີມຂ່າວບັນເທີງ Muan