ຢ່າລືມອັບເດດ! Phetsarath OT ເວີຊັນໃໝ່ ມາພ້ອມ 12 ນ້ຳໜັກ, ແກ້ໄຂວັນນະຍຸດລອຍ ແລະ ຕັດຄຳເປະກວ່າເກົ່າ
Key Takeaways:
- Phetsarath OT, the Lao standard font for official documents, has been updated from version 2.00 to version 4, with numerous improvements for better usability.
- The new version addresses previous issues such as single font weight, incorrect Lao line breaks, misplaced or overlapping diacritics, and missing characters for Pali-Sanskrit and Kumu languages.
- Font weights have been expanded from a single weight to 12 true font weights (Light to Black) with italics for all weights, and Office software now automatically uses true fonts when bold or italic is applied.
- Line breaking for Lao text has been corrected using the Saysettha (LaoScript) font formula, ensuring accurate word boundaries in Word, Excel, and PowerPoint.
- The update includes 14 missing characters for Pali, Sanskrit, and Kumu languages added to Unicode in 2019, and compatibility has been improved with a standardized PostScript name for correct PDF export and font embedding.
Phetsarath OT ຟອນລາວມາດຕະຖານສຳລັບນຳໃຊ້ຢ່າງເປັນທາງການໃນເອກະສານທາງການຕ່າງໆໄດ້ມີການອັບເດດໃໝ່ ໂດຍມີການປັບປຸງຫຼາຍຢ່າງ ເພື່ອໃຫ້ການໃຊ້ງານສະດວກຂຶ້ນກວ່າເກົ່າ ເຊິ່ງປ່ຽນຈາກເວີຊັນ 2.00 ມາເປັນເວີຊັນ 4.
ໃນການອັບເດດໃໝ່ຫຼ້າສຸດນີ້ ຟອນດັ່ງກ່າວໄດ້ທຳການປັບປຸງ ແລະ ແກ້ໄຂບັນຫາຕ່າງໆທີ່ເຄີຍເກີດຂຶ້ນກັບເວີຊັນກ່ອນ ບໍ່ວ່າຈະເປັນ ຟອນເກົ່າມີນໍ້າໜັກດຽວ, ການຕັດແຖວພາສາລາວຜິດພາດ, ວັນນະຍຸດລອຍຜິດບ່ອນ ຫຼື ຊ້ອນທັບສະຫຼະ, ບໍ່ມີຕົວອັກສອນສຳລັບພາສາບາລີ-ສັນສະກຣິດ ແລະ ກຶມມຸບາງຕົວ ແລະ ອື່ນໆ.
ບັນຫາເຫຼົ່ານີ້ໄດ້ຮັບການປັບປຸງແກ້ໄຂແລ້ວ ສາມາດອ່ານລາຍລະອຽດການປ່ຽນແປງທັງໝົດໄດ້ຕາມລຸ່ມນີ້.
ນ້ຳໜັກຕົວອັກສອນ
– ເວີຊັນເກົ່າມີພຽງນໍ້າໜັກດຽວ ການກົດປຸ່ມ B ໃນ Word ແລ້ວໂປຣແກຣມຈະປອມຕົວອັກສອນແບບໜາໃຫ້ເອງ ເຊິ່ງເຮັດໃຫ້ຕົວອັກສອນເປື້ອນ
– ເວີຊັນໃໝ່ ມາພ້ອມກັບຟອນແທ້ 12 ນໍ້າໜັກ ຕັ້ງແຕ່ Light ຫາ Black ພ້ອມທັງມີຕົວອຽງ ທຸກນໍ້າໜັກ. ການກົດ B ຫຼື I ໃນ Office ຈະເອີ້ນໃຊ້ຟອນແທ້ອັດຕະໂນມັດ.
ການຕັດຄຳຂຶ້ນແຖວໃໝ່
– ເວີຊັນເກົ່າ ຂໍ້ມູນພາຍໃນຟອນເສຍຫາຍ (ອ້າງວ່າຮອງຮັບທຸກພາສາໃນໂລກ) ເຮັດໃຫ້ບາງໂປຣແກຣມຕັດແຖວພາສາລາວຜິດພາດ
– ເວີຊັນໃໝ່ ແກ້ໄຂຕາມສູດຂອງຟອນ Saysettha (LaoScript) ແລະ ພິສູດແລ້ວດ້ວຍການທົດສອບຈິງໃນ Word, Excel ແລະ PowerPoint ເຊິ່ງຈະຕັດຄຳຖືກຂອບເຂດຄຳສະເໝີ
ຕຳແໜ່ງສະຫຼະ-ວັນນະຍຸດ
– ເວີຊັນເກົ່າ ໃນບາງໂປຣແກຣມ ວັນນະຍຸດລອຍຜິດບ່ອນ ຫຼື ຊ້ອນທັບສະຫຼະ ເພາະຟອນເກົ່າບໍ່ໄດ້ລົງທະບຽນກົດຕຳແໜ່ງແບບ DFLT
– ກວດສອບຄົບ 1,204 ຊຸດປະສົມ (ພະຍັນຊະນະ×ສະຫຼະ×ວັນນະຍຸດ) ໃນທຸກນ້ຳໜັກ ເຊິ່ງຈະບໍ່ມີການຊ້ອນທັບແມ່ນແຕ່ຈຸດດຽວ
ຕົວອັກສອນບາລີ-ສັນສະກຣິດ
– ເວີຊັນເກົ່າ ຂາດຕົວອັກສອນ ໑໔ ຕົວ ສຳລັບພາສາບາລີ, ສັນສະກຣິດ ແລະ ກຶມມຸ ທີ່ເພີ່ມເຂົ້າ Unicode ປີ 2019
– ເວີຊັນໃໝ່ ຄົບແລ້ວ: ຆ ຉ ຌ ຎ ຏ ຐ ຑ ຒ ຓ ຘ ຠ ຨ ຩ ຬ — ທຸກນ້ຳໜັກ ພ້ອມການວາງວັນນະຍຸດຖືກຕ້ອງ
ຄວາມເຂົ້າກັນໄດ້
– ເວີຊັນເກົ່າ ຊື່ PostScript ຜິດມາດຕະຖານ (ມີວົງເລັບ ແລະ ຍະຫວ່າງ) ອາດເຮັດໃຫ້ການສົ່ງອອກ PDF ຜິດພາດ; ຈຳກັດການຝັງຟອນ
– ເວີຊັນໃໝ່ ຂໍ້ມູນຟອນສະອາດຕາມມາດຕະຖານ, ຝັງໄດ້ເສລີ (fsType 0), ໃຊ້ໄດ້ທັງ Windows, macOS, iOS ແລະ ເວັບ — ຊຸດດຽວກັນ
ໂຄງຮ່າງເດີມ ຄົງໄວ້ 100%
– ເວີຊັນເກົ່າ ຄວາມສ່ຽງຂອງການປັບປຸງຟອນທາງການ ຈະເຮັດໃຫ້ຮູບຮ່າງຕົວອັກສອນປ່ຽນ ຫຼື ເອກະສານເກົ່າຈັດໜ້າຄືນໃໝ່
– ເວີຊັນໃໝ່ ນ້ຳໜັກປົກກະຕິ (Regular) ໃຊ້ເສັ້ນຂອບ ແລະ hinting ເດີມຂອງສະບັບທາງການ 2012 ບໍ່ປ່ຽນແປງ ເຮັດໃຫ້ເອກະສານເກົ່າຄົງໜ້າຕາເດີມທຸກປະການ
ສາມາດດາວໂຫຼດ ແລະ ຕິດຕັ້ງຟອນໃໝ່ ໄດ້ທີ່ https://phetsarath.mts.la/