Muan Listen - ມ່ວນຊວນຟັງ

ສຸດທ້າຍຂ້ອຍກໍເລີ່ມຈະເຂົ້າໃຈຄໍາວ່າ ຕະຫຼອດການ ເພງໃໝ່ ວາດຝັນ ຈາກ Dee Roc ເພງສຸດຫວານໃນວັນວາເລັນທາຍ

ໂດຍ: Fronk Aphiwath

14 February 2025● 377

ບໍ່ໜ້າເຊື່ອ DEE ROC ແຫກຄາແລັກເຕີປ່ອຍເພງໃໝ່ໄດ້ຫວານຊຶ້ງກິນໃຈ ຕ້ອນຮັບວາເລັນທາຍ. ໂດຍປົກກະຕິຖ້າໃຜໄດ້ຕິດຕາມ DEE ROC ຢູ່ແລ້ວກໍຈະຮູ້ດີວ່າສໄຕເພງສ່ວນຫຼາຍຈະເປັນສະໄຕHipHop/Trap.

ການປ່ອຍເພງຄັ້ງນີ້ຖືວ່າອອກມາໜ້າປະທັບໃຈໂດຍສະເພະາໃນສ່ວນຂອງເນື້ອເພງທີ່ຂ້ອນຂ້າງກິນໃຈແຕ່ກໍຍັງຄົງກິ່ນອາຍຄາແລັກເຕີ ຄວາມເປັນ ເອກະລັກໄວ້ເຮັດໃຫ້ເຫັນອີກມຸມມອງໜຶ່ງຂອງ ສິລະປິນຄົນນີ້.

ວາດຝັນ ເປັນເພງທີ່ເວົ້າເຖິງຄວາມຮັກ ທີ່ເຮົາພະຍາຍາມສ້າງໃຫ້ມັນໄປໄດ້ດີ, ປະຄັບປະຄອງ ແລະ ປັບໂຕທຸກທາງເພື່ອໃຫ້ບໍ່ມີປັນຫາ ແຕ່ກໍເກີດເລື່ອງ ແລະ ເປັນປັນຫາຢູ່ດີ, ເລີຍກັບມາຄິດໃຫ້ເລີກຂຶ້ນໄດ້ວ່າຄວາມຮັກ ຫຼື ເກືອບທຸກຄູ່ ກໍມີບັນຫາບໍ່ຕ່າງກັນ ແຕ່ສິງທີ່ເຮັດໃຫ້ເຮົາ ຫຼື ວ່າພວກເຂົາຢູ່ໄປໄດ້ດົນ ແລະ ອາດຈະຢູ່ໄປຕະຫຼອດການ ນັ້ນຄືການໃຫ້ອະໄພເຊິ່ງກັນ ແລະ ກັນ ເພື່ອໃຫ້ເຮົາປັບຕົວຢູ່ຕໍ່ໄປໄດ້ດົນ, ສຸດທ້າຍຂ້ອຍກໍເລີ່ມຈະເຂົ້າໃຈຄໍາວ່າ “ ຕະຫຼອດການ ”.

ໃນອີກມຸມມອງໜຶ່ງກໍເປັນເພງທີ່ມອບແທນຄຳຂອບໃຈກັບຄົນພິເສດທີ່ຍອມຢູ່ຄຽງຂ້າງກັນພ້ອມທີ່ຈະຜ່ານອຸປະສັກ ແລະ ເລື່ອງຮ້າຍໆໄປພ້ອມໆກັນເພື່ອສ້າງອານາຄົດທີ່ວາດຝັນກັນໄວ້.

ໂດຍ: ທີມບັນນາທິການ Muan