ພໍແລ້ວພໍ! ອ້າຍມາກ ຊັກເຄີເບີກ ອອກມາບອກເອງ ນີ້ເປັນໂລກຍຸກໃໝ່ ຈະຢຸດການເຊັນເຊີຄອນເທັນໃນ Facebook ແລະ Instagram ພ້ອມບອກວ່າ ເຮົາຕ້ອງມີເສລີພາບໃນການສະແດງອອກ
ມາກ ໄດ້ອອກມາປະກາດເມື່ອຕອນກາງຄືນຂອງວານນີ້ ໂດຍບັນຫາເກີດຈາກການທີ່ລະບົບເຊັນເຊີຂອງ Meta ທີ່ຫຼາຍຂຶ້ນເລື້ອຍໆ ຕໍ່ກັບປະເດັນຮ້າຍແຮງຕ່າງໆ ເຖິງວ່າມັນຈະສາມາດຊ່ວຍປ້ອງກັນເນື້ອຫາເຫຼົ່ານັ້ນໄດ້ ແຕ່ກໍປາສະຈາກບໍ່ໄດ້ທີ່ຫຼາຍໆຄັ້ງລະບົບໄດ້ມີຄວາມຜິດພາດ ແລະ ສ້າງຂໍ້ຈຳກັດຫຼາຍເກີນໄປ.
ສິ່ງທີ່ຈະເກີດຂຶ້ນກັບຄອນເທັນໃນ Facebook & Instagram ໃນຕໍ່ໄປນີ້ປະກອບມີ:
1. ເຊົາໃຊ້ fact-checkers ຫຼື ນຳເອົາມາດຕະການກວດສອບຂໍ້ເທັດຈິງອອກໄປ ແລະ ໃຊ້ Community Notes ຄືກັບໃນ X ແທນ.
2. ຍົກເລີກມາດຕະການຕ່າງໆທີ່ຈຳກັດການເຂົ້າເຖິງເນື້ອຫາ ເຮັດໃຫ້ຜູ້ໃຊ້ສາມາດແບ່ງປັນຄວາມເຊື່ອ, ຄວາມຄິດເຫັນ ແລະ ປະສົບການຜ່ານທາງແພລດຟອມໄດ້ຫຼາຍຂຶ້ນ.
3. ປ່ຽນນະບາຍການເຊັນເຊີທີ່ເຂັ້ມງວດຈາກການໃຊ້ລະບົບກັ່ນຕອນເນື້ອຫາທີ່ເຂັ້ມງວດ ໂດຍຫັນໄປໃຫ້ຄວາມສຳຄັນກັບຄອນເທັນທີ່ຜິດກົດໝາຍ ຫຼື ມີຄວາມຮຸນແຮງຫຼາຍ ໂດຍອີງຈາກການລາຍງານຂອງຜູ້ໃຊ້.
4. ຍົກເລີກການຫຼຸຸດການເຂົ້າເຖິງເນື້ອຫາກ່ຽວກັບການເມືອງ ເຊິ່ງກ່ອນໜ້ານີ້ມີການປິດກັ້ນ ເພາະພວກເຂົາເຊື່ອວ່າມັນເຮັດໃຫ້ຜູ້ຄົນເຄັ່ງຄຽດ ແລະ ໃນຕອນນີ້ຜູ້ໃຊ້ຕ້ອງການທີ່ຈະເຫັນເນື້ອຫາແບບນີ້ຫຼາຍຂຶ້ນ.
5. ຍ້າຍທີມກວດສອບເນື້ອຫາ ແລະ ຄວາມປອດໄພອອກຈາກແຄລິຟໍເນຍ ໄປຢູ່ທີ່ເທັກຊັສແທນ.
ນອກຈາກນັ້ນ ລາວຍັງຈະເຮັດວຽກຮ່ວມກັບປະທານາທິບໍດີ Trump ເພື່ອຊຸກຍູ້ເລື່ອງເສລີພາບໃນການສະແດງອອກຫຼາຍຂຶ້ນໃນທົ່ວໂລກ.
ໂດຍ: ທີມ Gadzila
