Update

LIT Pop Music Festival EP. 3 ປະກາດ Lineup ກຽມພົບ BUS, VVV, Mean, MVIIZ ແລະ ຄົນອື່ນໆ

ໂດຍ: Chanthasone Insixiangmai

28 June 2026● 139

✦ AI Summarized

Key Takeaways:

• LIT Pop Music Festival EP. 3 ຈະຈັດຂຶ້ນໃນວັນທີ 30 ສິງຫາ 2026 ທີ່ Lao ITECC.
• ງານດັ່ງກ່າວຈະມີສິລະປິນລາວຄື ATIAN, MVIIZ, Bay6ix & Lala.
• ງານດັ່ງກ່າວຈະມີສິລະປິນໄທຄື BUS because of you i shine, VVV, ແລະ Mean.
• ຜູ້ຈັດງານໄດ້ສະເໜີໂປຣໂມຊັນພິເສດສໍາລັບ 500 ຄົນທໍາອິດທີ່ຊື້ບັດໃນ EP. 2.
• ຜູ້ທີ່ໄດ້ຮັບສິດທິພິເສດສາມາດຊື້ບັດເຂົ້າງານ EP. 3 ໄດ້ໃນລາຄາ 450,000 ກີບ, ຂາຍພຽງ 3 ມື້ເທົ່ານັ້ນ.

ຫາຄຳວ່າພັກບໍ່ໄດ້ເລີຍ! ຫຼັງຈາກທີ່ LIT Pop Music Festival EP. 2 ຫາກໍຈົບລົງໄປແບບສຸດມັນ, ທາງຜູ້ຈັດກໍບໍ່ປ່ອຍໃຫ້ແຟນໆຕ້ອງຖ້າດົນ ເພາະໄດ້ມີການປະກາດຄວາມພ້ອມສຳລັບ EP. 3 ຢ່າງເປັນທາງການແລ້ວ! ປັກໝຸດໄວ້ເລີຍວັນທີ 30 ສິງຫາ 2026 ນີ້ ຢູ່ສະຖານທີ່ປະຈຳຂອງພວກເຮົາ Lao ITECC ຄືເກົ່າ!

ສຳລັບ Lineup ໃນ EP. 3 ນີ້ ບອກເລີຍວ່າອັດແໜ້ນດ້ວຍຄຸນນະພາບ ເພື່ອໃຫ້ແຟນເພງໄດ້ມ່ວນແບບບໍ່ມີພັກ, ໂດຍມີສິລະປິນດັງທີ່ທຸກຄົນລໍຄອຍ:

• ຝັ່ງສິລະປິນລາວ: ພົບກັບຄວາມສາມາດເຕັມປ່ຽມຈາກ ATIAN, ສາວໆ MVIIZ ແລະ Bay6ix & Lala!
• ຝັ່ງສິລະປິນໄທ: ຍັງຄົງອັດແໜ້ນດ້ວຍສິລະປິນຍອດນິຍົມທີ່ກຳລັງມາແຮງ, ບໍ່ວ່າຈະເປັນໜຸ່ມໆວົງ BUS because of you i shine, VVV ແລະ Mean.

ນອກຈາກ Lineup ທີ່ໜ້າຕື່ນເຕັ້ນແລ້ວ, ໂຈໂຈ້ ມິຣາໂຄ້ (Jojo Miracle) ຜູ້ຈັດງານຍັງໃຈດີປ່ອຍໂປຣໂມຊັນພິເສດສຸດໆ ສຳລັບໃຜທີ່ເຄີຍຊື້ບັດ 500 ຄົນທຳອິດ ໃນງານ EP. 2 ມາແລ້ວ, ຮັບສິດທິພິເສດຊື້ບັດເຂົ້າງານ EP. 3 ໃນລາຄາພິເສດພຽງ 450,000 ກີບ ແຕ່ຕ້ອງຟ້າວເດີ້ ເພາະຈະເປີດຂາຍພຽງແຕ່ 3 ມື້ເທົ່ານັ້ນ!

ໃຜທີ່ເປັນແຟນງານ LIT Pop Music Festival ຢ່າລືມກຽມຕົວໃຫ້ພ້ອມ, ປັກວັນທີໄວ້ໃຫ້ດີ ແລ້ວມາພົບກັນໃນວັນທີ 30 ສິງຫາ 2026 ນີ້! ງານນີ້ບອກເລີຍວ່າພາດແລ້ວຈະເສຍດາຍ.