ຮູ້ແບບນີ້ບໍ່ເຮັດດີກວ່າ ວິທີປ່ອຍວາງ ແລະ ປ້ອງກັນຕົວເອງບໍ່ໃຫ້ຢ້ານການຕັດສິນໃຈ

ຄວາມຜິດພາດໃນອາດີດທີ່ນຳມາຫຼອກຫຼອນເຮົາໃນປັດຈຸບັນ ມັນເກີດຈາກການຕັດສິນໃຈເລື່ອງໃດໜຶ່ງທີ່ຜິດພາດໃນອາດີດຈົນສົ່ງຜົນມາສູ່ເຮົາໃນປັດຈຸບັນ.

ຈາກເຫດການນັ້ນເຮັດໃນເຮົາກັບມາຄິດຍ້ອນຄືນຫຼາຍຢ່າງ, ເປັນຫຍັງເຮົາຄືບໍ່ເຮັດແບບນັ້ນ​​​? ຮູ້ຊິກະບໍ່ເຮັດແບບນີ້ລະ! ເກີດມີຄຳຖາມໃນຫົວຕີກັນໄປມາເຮັດໃຫ້ເຮົາຮູ້ສຶກເຈັບໃຈ ແລະ ເສຍດາຍທີ່ຕັດສິນໃຈແບບນັ້ນໄປ, ບໍ່ວ່າຈະເປັນເລື່ອງໃຫຍ່ ຫຼື ເລື່ອງນ້ອຍກໍຕາມ. ສິ່ງນີ້ເອງທີ່ເປັນສາເຫດໃຫ້ເຮົາຢ້ານທີ່ຈະຕັດສິນໃຈໃນເລື່ອງຕ່າງໆ.

ການຢ້ານທີ່ຈະຕັດສິນໃຈນັ້ນສົ່ງຜົນກະທົບຕໍ່ເຮົາຫຼາຍເຊັ່ນ:ບໍ່ກ້າທີ່ຈະສ່ຽງ, ບໍ່ກ້າລອງສິ່ງໃໝ່ໆ, ປິດກັ້ນໂອກາດທີ່ຈະເຂົ້າມາໃນຊີວິດ ແລະ ບໍ່ກ້າຕັ້ງເປົ້າໝາຍ ຫຼື ຄາດຫວັງສູງກັບສິ່ງທີ່ເຮັດ. ແລ້ວເຮົາຈະມີປ້ອງກັນແນວໃດລະໃຫ້ບໍ່ເສຍໃຈກັບສິ່ງທີ່ຕັດສິນໃຈລົງໄປ?

1. ຮູ້ເທົ່າທັນອາລົມຂອງຕົວເອງ

ຮັບຮູ້ເຖິງອາລົມທີ່ກຳລັງເກີດຂຶ້ນ ເພື່ອໃຫ້ເຮົາຄວບຄຸມ, ຈັດການກັບມັນໄດ້, ໃຫ້ອະໄພຕໍ່ຕົນເອງໃນການຕັດສິນໃຈກັບຄັ້ງນັ້ນ, ເພື່ອກ້າວຂ້າມຄວາມຮູ້ສຶກຜິດ ແລະ ກ້າທີ່ຈະຕັດສິນໃຈຫຼາຍຂຶ້ນ.

2. ຊອກຫາສາເຫດຂອງການຕັດສິນໃຈໃນຄັ້ງນັ້ນ

ມີປັດໄຈຫຼາຍຢ່າງໃນຕອນນັ້ນເຮັດໃຫ້ເຮົາບໍ່ສາມາດຄວບຄຸມບໍ່ໄດ້ ສົ່ງຜົນໃຫ້ສະຖານະການດັ່ງກ່າວໃຫ້ເຮົາຕັດສິນໃຈແບບນັ້ນເຊິ່ງບໍ່ສາມາດທຽບກັບປັດຈຸບັນໄດ້.

3. ຈຳກັດຕົວເລືອກໃຫ້ໜ້ອຍລົງ

ການມີຕົວເລືອກທີ່ຫຼາກຫຼາຍແມ່ນວ່າສິດີທັງໝົດ ເພາະຍິ່ງໃຫ້ເຮົາຄິດຫຼາຍກວ່າເກົ່າໃນການຕັດສິນໃຈແຕ່ລະຄັ້ງ. ດັ່ງນັ້ນເຮົາຄວນຄັດຕົວເລືອກໃຫ້ໜ້ອຍເພື່ອໃຫ້ງ່າຍຕໍ່ການຕັດສິນໃຈ.

4. ຖາມເຫດຜົນຈາກຄົນອ້ອມຂ້າງ

ຄຳຕອບຂອງເຮົາອາດຈະມີໃນໃຈຢູ່ແລ້ວ ພຽງແຕ່ເຮົາຕ້ອງການຄວາມຄິດເຫັນຖາມຈາກຄົນອ້ອມຂ້າງມາສະໜັບສະໜຸນຄວາມຄິດຂອງເຮົາເພື່ອຄວາມແນ່ໃຈ. ສຸດທ້າຍນີ້ ການໃຊ້ຊີວິດກັບປັດຈຸບັນເປັນສິ່ງທີ່ດີກວ່າການຍຶດຕິດກັບອາດີດ ແລະ ເຮົາຄວນເຮັດມື້ນີ້ໃຫ້ດີທີ່ສຸດຈຶ່ງຈະບໍ່ໄດ້ມາເສຍໃຈພາຍຫຼັງ ຢ່າງໜ້ອຍເຮົາກໍເຕັມທີ່ກັບມັນແລ້ວ.

ໂດຍ: ທີມບັນນາທິການ Muan