ຊວນຮູ້ຈັກ ໂຈບີ້ ວິບູນສຸກ ພະເອກເອັມວີໜ້າໃສໃນເພງ Trust Issues ຂອງ Imel
ໃຜທີ່ໄດ້ເບິ່ງເອັມວີເພງ Trust Issues ຂອງ Imel ແລ້ວນັ້ນກໍຕ້ອງຮູ້ສຶກສົງໄສ ແລະ ຢາກຮູ້ວ່າພະເອກເອັມວີວ່າລາວແມ່ນໃຜ? ຄືມາຫຼໍ່ໜ້າຮັກ ແລະ ຍິ້ມຫວານແທ້. ມື້ນີ້ມ່ວນກໍບໍ່ລໍຊ້າຮີບໄປຊອກຫາ ແລະ ນຳລາວມາໃຫ້ທຸກຄົນໄດ້ທຳຄວາມຮູ້ຈັກກັນເລີຍ.
ສຸກສະຫວັນ ວິບູນສັກ ມີຊື່ຫຼີ້ນວ່າ ໂຈບີ້ ປັດຈຸບັນອາຍຸ 23 ປີ. ບຸກຄະລິກພາຍນອກຂອງລາວເປັນຄົນບໍ່ຄ່ອຍປາກງຽບຂຶມ, ແຕ່ຖ້າໃຜທີ່ໄດ້ມີໂອກາດຮູ້ຈັກລາວຫຼາຍຂຶ້ນກໍຈະເປັນຄົນກວນໆ ຊິລໆ ສະບາຍໆ.
ໂຈບີ້ ໄດ້ບອກກັບທີມງານມ່ວນວ່າຍັງບໍ່ເຄີຍຮັບງານສະແດງມາກ່ອນເລີຍ ແລະ ເທື່ອນີ້ແມ່ນເທື່ອທຳອິດ. ກ່ອນທີ່ຈະໄດ້ມາສະແດງເອັມວີ, ເປັນ JUST” (ນັກຮ້ອງທີ່ເປັນເຈົ້າຂອງເພງດັງຫຼາຍເພງຢ່າງ Radio, Glitter butterfly ແລະ ອຶ່ນໆ). ທີ່ໄດ້ຕິດຕໍ່ຜ່ານໝູ່ຂອງໂຈບີ້ ແລະ ທັງສອງແມ່ນຮູ້ຈັກກັນກ່ອນຢູ່ແລ້ວເພາະມີໂອກາດໄດ້ເຈິກັນບາງຄັ້ງຄາວ.
ການທີ່ໂຈບີ້ໄດ້ຮ່ວມງານກັບນັກຮ້ອງ ແລະ ທີມງານກອງນີ້ແມ່ນເຮັດໃຫ້ຮູ້ວ່າທຸກຄົນອະທະຍາໄສດີ ແລະ ບັນຍາກາດໃນກອງຖ່າຍເປັນກັນເອງ, ເຮຮາປາຕີ້ຄືກັນກັບໃນເອັມວີທີ່ໄດ້ເຜີຍແຜ່ໄປເລີຍ. ໃນສ່ວນຂອງການສະແດງໃນເອັມວີກໍຄິດວ່າຄົນເບິ່ງຫຼາຍຄົນໜ້າຈະມັກ ແລະ ທຸກຄົນທີ່ຢູ່ອ້ອມຂ້າງທັງໝູ່ເພື່ອນ, ຄອບຄົວແມ່ນໄດ້ໃຫ້ການຊັບພອດທີ່ດີ.
ໃນມື້ໃດທີ່ໂຈບີ້ມີເວລາວ່າງກໍມັກທີ່ຈະເຮັດກິດຈະກຳເຮັດເຊັ່ນ: ການຫຼິ້ນເກມ, ຫຼິ້ນກິຕ້າ, ຮ້ອງເພງເປັນບາງເວລາ. ໃນສ່ວນຂອງສະໄຕລ໌ການແຕ່ງຕົວທີ່ເປັນໂຈບີ້ທີ່ສຸດກໍຄືແຕ່ງຊິລໆເສື້ອເຊີດກັບໂສ້ງຂາຍາວ. ບ່ອນຊື້ເຄື່ອງກໍມັກຈະເລາະໄປຊຶ້ຕາມຮ້ານເສຶ້ອຜ້າທົ່ວໄປເລີຍ ແລະ ສິ່ງທີ່ໂຈບີ້ຂາດບໍ່ໄດ້ທີ່ຕ້ອງເອົາຕິດຕົວຕະຫຼອດກໍຄື: ໂທລະສັບ, ໂມງ ແລະ ນ້ຳຫອມ.
ສະຖານທີ່ພັກຜ່ອນແມ່ນມັກຢູ່ບ້ານ ແລະ ສິ່ງທີ່ຊ່ວຍເຮັດໃຫ້ Heal ໃຈກໍແມ່ນການອອກໄປ Camping ກັບໝູ່,ອາຫານທີ່ມັກກິນຕະຫຼອດກໍງ່າຍໆເລີຍແມ່ນຕາມສັ່ງທົ່ວໄປ.
ຄວາມຝັນທີ່ໂຈບີ້ຢາກເຮັດທີ່ສຸດຄື ການມີໂອກາດຮ່ວມວຽກໃນວົງການ ຫຼື ວຽກການສະແດງອື່ນໆອີກ. ເພື່ອການພັດທະນາໂຕເອງ ແລະ ຢາກຜະລິດຜົນງານໃຫ້ດີອອກສູ່ສັງຄົມ ຫຼື ຖ້າມີໂອກາດກໍຢາກເປັນນາຍແບບນຳ.
ຫຼັງຈາກໄດ້ທຳຄວາມຮູ້ຈັກລາວກັນແລ້ວແມ່ນເຮັດໃຫ້ພວກເຮົາຮູ້ເລີຍວ່າລາວມີຄວາມຕັ້ງໃຈທີ່ຈະສ້າງສັນຜົນງານອອກມາໃຫ້ພວກເຮົາໄດ້ຕິດຕາມຫຼາຍຂະໜາດໃດ ແລະ ພວກເຮົາກໍລໍຖ້າເບິ່ງສິ່ງທີ່ລາວກຳລັງຈະທ້າທາຍສິ່ງໃໝ່ໆຢູ່, ມາເອົາໃຈຊ່ວຍນ້ອງໃໝ່ໃນວົງການຄົນນີ້ນຳກັນເພື່ອສະໜັບສະໜຸນລາວໃຫ້ໄດ້ສະແດງຄວາມສາມາດ ແລະ ການພັດທະນາໃນດ້ານຕ່າງໆກັນນໍທຸກຄົນ.
ສຸດທ້າຍແລ້ວຖ້າໃຜຢາກຮູ້ຈັກລາວເພີ່ມຕື່ມອີກ ຫຼື ຢາກຕິດຕາມຜົນງານຂອງໂຈບີ້ ມ່ວນຈະເປີດວາບຊ່ອງທາງໃຫ້ເຂົ້າໄປຕິດຕາມໄດ້ທີ່
IG: Jobee1610
ໂດຍ: ທີມບັນນາທິການ Muan