Notes ໃນ iOS 18 ສາມາດແກະສຽງ Record Audio ໂດຍໄຟລ໌ສຽງທີ່ບັນທຶກໄວ້ຈະຝັງລົງ Notes ແບບອັດຈະໂນມັດ

Notes ແອັບບັນທຶກ ໃນ iPhone ສາມາດແກະສຽງ Transcribe voice ໄດ້ແລ້ວ ແລະ Apple ກໍໄດ້ເພີ່ມຄຸນສົມບັດໃໝ່ໃຫ້ກັບແອັບ Notes ຊ່ວຍບັນທຶກ Record audio ແລະ ແກະສຽງເປັນຂໍ້ຄວາມ Transcribe into text ໄດ້ອັດຕະໂນມັດ, ຄຸນນະພາບຂອງການແກະສຽງຖືວ່າເຮັດໄດ້ດີຖ້າສຽງຊັດເຈນ ແລະ ບໍ່ມີສຽງລົບກວນຫຼາຍ.

ອຸປະກອນທີ່ໃຊ້ງານໄດ້ຕ້ອງແມ່ນ iPhone 12 ຂຶ້ນໄປ ແລະ ຕ້ອງອັບເດດເປັນ iOS 18, ສຳລັບການໃຊ້ງານ Notes ໃນ iOS 18 ກໍຍັງມີຂໍ້ຈຳກັດໃນເລື່ອງການໃຊ້ງານບາງສ່ວນເຊັ່ນວ່າ: ພາສາທີ່ຮອງຮັບ ແລະ ຟີເຈີຣ໌ການແກະສຽງຮອງຮັບໄດ້ພຽງແຕ່ພາສາອັງກິດເທົ່ານັ້ນ (English US, UK ແລະ Australia).

ໃນສ່ວນພາສາລາວ ຫຼື ພາສາອື່ນໆຍັງບໍ່ຮອງຮັບໃນຕອນນີ້ເທື່ອ ແຕ່ Apple ອາດເພີ່ມພາສາອື່ນໆໃນອະນາຄົດ, ການໃຊ້ງານກໍງ່າຍໆດາຍເພາະສາມາດບັນທຶກສຽງໃນເວລາປະຊຸມໄດ້ເລີຍ ແລະ ແອັບ Notes ສາມາດແກະສຽງ Record Audio ໄດ້ໂດຍໄຟລ໌ອັດສຽງຈະຝັງລົງ Notes ອັດຈະໂນມັດ.

ວິທີໃຊ້ງານ:

1. ເປີດແອັບ Notes ສ້າງບັນທຶກໃໝ່.

2. ເລີ່ມບັນທຶກສຽງ ກົດປຸ່ມໄອຄອນຄລິປເຈ້ຍ (Paperclip) ໃນແຖບເຄື່ອງມື, ຈາກນັ້ນເລືອກ “Record Audio”.

3. ກົດເຂົ້າປຸ່ມບັນທຶກ, ແລ້ວກົດເຂົ້າປຸ່ມສີແດງເພື່ອເລີ່ມບັນທຶກສຽງ ແລະ ກົດອີກເທື່ອໜຶ່ງເພື່ອຢຸດການບັນທຶກ.

4. ກວດເບິ່ງການແກະສຽງຫຼັງຈາກບັນທຶກແລ້ວ, ກົດເຂົ້າໄປທີ່ໄອຄອນຟອງຄຳເວົ້າ (Quote bubble) ຢູ່ມຸມຊ້າຍມື້ເພື່ອເບິ່ງຂໍ້ຄວາມທີ່ແກະມາ. ຖ້າຕ້ອງການເພີ່ມຂໍ້ຄວາມໃສ່ບັນທຶກໃຫ້ກົດເຂົ້າໄປທີ່ເມນູສາມຈຸດ (Three-dot menu) ແລະ ເລືອກຕື່ມ.

ໂດຍ: ທີມ Gadzila