ເບື່ອ! ບໍ່ຢາກເຮັດແລ້ວແຕ່ມັນຈຳເປັນ 4 ສິ່ງທີ່ຈະຊ່ວຍກະຕຸ້ນໃຫ້ເຮົາເຮັດໃນສິ່ງທີ່ບໍ່ຢາກເຮັດ
‘‘ອີຫຍັງທີ່ບໍ່ຢາກເຮັດ ກໍບໍ່ຈຳເປັນຕ້ອງຝືນເຮັດ’’
ປະໂຫຍກນີ້ເຮົາມັກຈະໄດ້ຍິນຄຳແນະນຳໃນການໃຊ້ຊີວິດຫຼາຍຄັ້ງ ເຊິ່ງມັນມີທັງສ່ວນຖືກ ແລະ ບໍ່ຖືກ. ໃນໂລກແຫ່ງຄວາມເປັນຈິງແລ້ວການທີ່ເຮົາເລືອກທີ່ຈະບໍ່ຝືນທົນໃນສິ່ງທີ່ບໍ່ຢາກເຮັດນັ້ນ ເປັນສິ່ງທີ່ເປັນໄປບໍ່ໄດ້ທັງໝົດ ເພາະການທີ່ເຮົາຝືນເຮັດບາງຢ່າງມັນອາດຈະເປັນຜົນດີຕໍ່ເຮົາຫຼາຍກໍໄດ້.
ແຕ່ກໍມີຫຼາຍຄົນທີ່ຮູ້ສຶກບໍ່ຢາກເຮັດສິ່ງໃດສິ່ງໃດໜຶ່ງ ບໍ່ແມ່ນວ່າຍ້ອນເຮົາຂີ້ຄ້ານ, ໝົດໄຟ ຫຼື ອີຫຍັງກໍຕາມ ແຕ່ ເຫດຜົນງ່າຍໆກໍຄືຕັ້ງບໍ່ຢາກເຮັດນິລະ! ບໍ່ວ່າຈະເປັນເຮັດວຽກບ້ານ,ອານະໄມເຮືອນ, ອອກກຳລັງກາຍ, ອອກໄປສັງສັນ ແລະ ເຮັດວຽກ.
ເຊິ່ງມ່ວນກໍມີ 4 ສິ່ງທີ່ຈະກະຕຸ້ນເຮັດໃຫ້ເຮົານັ້ນມີແຮງໃຈໃນການຈະເຮັດສິ່ງໃດໜຶ່ງຫຼາຍຂຶ້ນຄື:
1. ຊອກຫາແຮງບັນດານໃຈ
ແຮງບັນດານໃຈນັ້ນຢູ່ຮອບຕົວເຮົາ ເມື່ອເຮົາພົບແລ້ວກໍຈະເຮັດໃຫ້ການໃຊ້ຊີວິດນັ້ນຮູ້ສຶກມີແຮງຊຸກຍູ້ຫຼາຍຂຶ້ນໃນການເຮັດສິ່ງຕ່າງໆ.
2. ເຮັດທຸກຢ່າງຄືຫຼິ້ນເກມ
ເປັນການນຳເອົາອົງປະກອບພາຍໃນເກມນຳມາໃຊ້ໃນຊີວິດເຊັ່ນ: ເພີ່ມຄວາມທ້າທາຍ,ຄວາມຕື່ນເຕັ້ນ ແລະ ໃຫ້ລາງວັນຕົວເອງເມື່ອສິ່ງນັ້ນສຳເລັດ.
3. ກຳນົດເວລາ
ບາງເທື່ອຄວາມກົດດັນກໍເປັນສິ່ງທີ່ດີ ໂດຍສະເພາະເມື່ອເຮົາກຳນົດເວລາທີ່ຊັດເຈນ ຫຼື Date line. ມັນຈະກະຕຸ້ນໃຫ້ເຮົາຮູ້ສຶກຢາກເຮັດຫຼາຍຂຶ້ນ, ຫົວແລ່ນ ແລະ ສາມາດບໍລິຫານຈັດການເວລາໄດ້ດີຂຶ້ນອີກນຳ.
4 . ຄ່ອຍເປັນຄ່ອຍໄປ
ເລີ່ມຈາກເທື່ອລະເລັກເທື່ອລະໜ້ອຍເພື່ອບໍ່ໃຫ້ຮູ້ສຶກວ່າສິ່ງທີ່ເຮົາກໍາລັງເຮັດຢູ່ນັ້ນໜັກໜາ ແລະ ບໍ່ໜ້າສົນ. ຫຼັງຈາກນັ້ນເຮົາກໍຈະລຶ້ງເຄີຍໄປກັບສິ່ງທີ່ເຮັດເອງ.
ສຸດທ້າຍການທີ່ຕ້ອງຝືນທົນກັບສິ່ງທີ່ຕົວເອງບໍ່ຢາກເຮັດນັ້ນກໍມີທັງຂໍ້ດີ ແລະ ຂໍ້ເສຍ, ເຮົາຕ້ອງຮູ້ຈັກນຳມາປັບໃຊ້ໃຫ້ເຂົ້າກັບຊີວິດຂອງເຮົາ ເຊິ່ງສິ່ງທີ່ຈະໄດ້ມານັ້ນຈະມີປະໂຫຍດຕໍ່ເຮົາບໍ່ຫຼາຍກໍໜ້ອຍ ແລະ ຍັງເປັນການຮຽນຮູ້ທີ່ຈະຢູ່ກັບມັນຢ່າງມີຄວາມສຸກ .
ໂດຍ: ທີມບັນນາທິການ Muan