Gelboys ສະຖານະກັກໃຈ ເປັນຊີຣີສ໌ຈາກປະເທດໄທທີ່ໄດ້ເລົ່າເລື່ອງລາວຂອງຊີວິດໄວລຸ້ນຍຸກໃໝ່ (Gen Z) ຜ່ານວັດທະນະທຳປັອບຢູ່ທີ່ສະຍາມສະແຄວເຊັ່ນ: ການເຮັດເລັບ ແລະ ການຫຼິ້ນ TikTok.
ຈຸດເດັ່ນຂອງເລື່ອງນີ້ແມ່ນໜີບໍ່ພົ້ນການນຳສະເໜີການໃຊ້ອຸປະກອນໃນການຖ່າຍທຳທີ່ແປກໃໝ່ ດ້ວຍໂທລະສັບມືຖື (ຖ່າຍທຳດ້ວຍໂທລະສັບມືຖືຕະຫຼອດທັງເລື່ອງ).
ອຸປະກອນທີໃຊ້ໃນການຖ່າຍທຳ
ໂທລະສັບ
ເຫດຜົນທີ່ໃຊ້ໂທລະສັບຍ້ອນທີມງານຜູ້ສ້າງ ຢາກສ້າງບັນຍາກາດທີ່ໃກ້ຊິດກັບວັດທະນະທຳດິຈິຕອລຂອງໄວລຸ້ນເຊັ່ນ: ການຖ່າຍ Vlog, ເຮັດຄອນເທັນ TikTok ຫຼື ການໃຊ້ໂຊຊຽວມີເດຍ. ການໃຊ້ໂທລະສັບຍັງເຮັດໃຫ້ພາບມີຄວາມແຕກຕ່າງຈາກຊີຣີສ໌ທົ່ວໄປທີ່ໃຊ້ກ້ອງມືອາຊີບ ແລະ ຍັງເປັນການທ້າທາຍໃໝ່ສຳລັບທີມງານ.
ND filter
ND filter ຫຼື Neutral Density filter ແມ່ນແຜ່ນກອງແສງທີ່ໃຊ້ໃນການຖ່າຍພາບ ຫຼື ຖ່າຍວິດີໂອ, ເພື່ອຫຼຸດປະລິມານແສງທີ່ເຂົ້າສູ່ເລນຂອງກ້ອງຖ່າຍຮູບ ໂດຍບໍ່ມີການປ່ຽນແປງສີສັນ (neutral) ຂອງພາບ.
ອຸປະກອນຊ່ວຍຄວບຄຸມການເຄື່ອນໄຫວ
Gimbal ຊ່ວຍໃຫ້ພາບບໍ່ສັ່ນ (smooth footage), ໂດຍສະເພາະໃນສາກທີ່ຕ້ອງເຄື່ອນທີ່ເຊັ່ນ: ການຍ່າງຖ່າຍໃນຊີຣີສ໌ ຫຼື ການຖ່າຍແບບ handheld ໃຫ້ຄື Vlog ຂອງໄວລຸ້ນ. Gimbal ຍັງຊ່ວຍໃຫ້ປັບມຸມໄດ້ງ່າຍ ແລະ ໃຫ້ຄວາມຮູ້ສຶກທີ່ເປັນມືອາຊີບແບບບໍ່ເກີນງົບ (ເພາະບໍ່ໃຊ້ກ້ອງໃຫຍ່).
ແອັບທີ່ໃຊ້ຖ່າຍ Blackmagic Camera
ເປັນແອັບທີ່ສາມາດປັບແຕ່ງການຖ່າຍໄດ້ງ່າຍໆ ແລະ ໃຫ້ພາບທີ່ລຽບນຽນແບບທີ່ເຫັນໃນຊີຣີສ໌ ເຊິ່ງເປັນແອັບຟຣີທີ່ມີຄຸນສົມບັດພິເສດເຊັ່ນ: ການປັບແຕ່ງ Frame Rate, Shutter Angle, ISO, White Balance ແບບມືອາຊີບ ສາມາດບັນທຶກໄຟລ໌ຄຸນນະພາບສູງເຊັ່ນ Apple ProRes (iOS), H.264 ແລະ H.265.
ໂດຍ: ທີມບັນນາທິການ Gadzila
