ເມື່ອມີຄວາມຮັກແລ້ວນ້ຳໜັກຂຶ້ນ ເປັນຫຍັງຄູ່ທີ່ຮັກກັນດີຈຶ່ງພາກັນກິນເກັ່ງແທ້
ຄວາມຮັກທີ່ດີມັກມາພ້ອມກັບນໍ້າໜັກທີ່ເພີ່ມຂຶ້ນ ທຸກຄົນສັງເກດບໍ່ວ່າ ໃຜກໍຕາມທີ່ກຳລັງຕົກຫຼຸມຮັກຈົນອອກມາບໍ່ໄດ້ມີທ່າອ່ຽງທີຈະນໍ້າໜັກຂຶ້ນໂດຍບໍ່ຮູ້ໂຕ.
ງານວິໄຈຂອງ National Center of Biotechnology ເຜີຍວ່າ, ສາເຫດທີ່ເຮັດໃຫ້ເປັນແບບນັ້ນກໍຍ້ອນ ‘ຄວາມສຸກ ແລະ ຄວາມສະບາຍໃຈ ທີ່ພວກເຂົາໄດ້ຮັບຈາກຄວາມສຳພັນ, ພວກເຂົາຮູ້ສຶກດີກັບຄວາມສຳພັນ, ຮູ້ສຶກໝັ້ນຄົງ ແລະ ມີຄວາມສຸກທີ່ຈະກ້າວຕໍ່ໄປກັບຄົນຂອງໃຈ.
ການມີຄວາມຮັກທີ່ຫມັ້ນຄົງສົ່ງຜົນໃຫ້ຄິດວ່າ, ບໍ່ຕ້ອງດູແລໂຕເອງໃຫ້ດີປານນັ້ນກໍໄດ້ ເພາະຕອນທີ່ໂສດ, ຄົນສ່ວນຫຼາຍມັກຈະພະຍາຍາມເຮັດໃຫ້ຕົນເອງດູດີຕະຫຼອດເວລາ.
ແລ້ວຄູ່ຮັກຫຼາຍຄູ່ກໍມັກຊວນກັນໄປຫາຫຍັງກິນ, ຈາກການສັງເກດພຶດຕິກຳຂອງຄູ່ຮັກທົ່ວໄປ ຄູ່ຮັກມັກຊວນກັນໄປກິນອາຫານທີ່ເປັນຄາບພິເສດ ແລະ ກິນຫຼາຍໆຢ່າງຕາມໃຈປາກ, ແລ້ວແອັດກໍຮູ້ສຶກວ່າຢູ່ລາວມັກພາກັນໄປກິນບຸບເຟ່ຊີ້ນດາດນໍາ
ແຕ່ວ່າການທີ່ນໍ້າໜັກເຮົາຂຶ້ນມັນກໍອາດສົ່ງຜົນຕໍ່ສຸຂະພາບເຮົາໄດ້, ຫາກປ່ຽນຈາກກິດຈະກຳການກິນ ເປັນຊວນກັນໄປເຮັດກິດຈະກຳເພື່ອສຸຂະພາບ, ແລ່ນຢູ່ສວນ, ຊວນກິນອາຫານຄລີນນໍາກັນກໍສາມາດເພີ່ມຄວາມຫວານໃຫ້ກັນໄດ້ຄືກັນເດີ
ໂດຍ: ທີມບັນນາທິການ Muan