ບໍ່ມັກຂ້ອຍ ບໍ່ເປັນຫຍັງ ເພາະນັ້ນຄືປັນຫາຂອງເຈົ້າ! DICE ສົ່ງຊິງເກິນໃໝ່ “Swipe Up” ຖ່າຍທອດຕົວຕົນທີ່ໃຫຍ່ຂຶ້ນກວ່າເກົ່າ
“If you don’t like me, that is not my problem. If you don’t like me, fine. That’s yours.”
ປະໂຫຍກສັ້ນໆ ແຕ່ແຮງຈັດ ນີ້ຄືໃຈຄວາມສຳຄັນຂອງ “Swipe Up” ຊິງເກິນໃໝ່ຫຼ້າສຸດຈາກ DICE ຈາກສັງກັດ Sonray Music ທີ່ຫາກໍປ່ອຍ MV ອອກມາໃຫ້ແຟນໆໄດ້ຮັບຊົມກັນ ແລະສິ່ງທີ່ເຫັນໄດ້ຢ່າງຊັດເຈນຄື ການເຕີບໃຫຍ່ຂອງວົງ ທັງໃນດ້ານດົນຕີ, ຄວາມຄິດ ແລະ ພະລັງການເພີຟອມຂອງເມັມເບີທັງ 10 ຄົນ.
“Swipe Up” ເປັນເພງສະໄຕລ໌ Electronic Dance ທີ່ປະສົມປະສານ Hip Hop ພ້ອມກິ່ນອາຍຂອງ Hyperpop ເຮັດໃຫ້ອາລົມເພງມີຄວາມດຸດັນ, ທັນສະໄໝ ແລະເຕັມໄປດ້ວຍເອເນີຈີ. ຈຸດເດັ່ນທີ່ໜ້າຈື່ຈຳອີກຢ່າງຄື ການນຳ Motif ຈາກບົດເພງຄລາສສິກ Moonlight Sonata (3rd Movement) ຂອງ Beethoven ມາດັດແປງໃສ່ໃນຊ່ວງ Bridge ຊ່ວຍຍົກພະລັງຂອງເພງໃຫ້ທະລຸຈຸດພີກ ທັງເດືອດ, ທັງມັນ ແລະ ຟັງແລ້ວຕິດຫູສຸດໆ.
ໃນດ້ານເນື້ອເພງ “Swipe Up” ເວົ້າເຖິງການຮັບມືກັບສາຍຕາ ແລະ ຄຳຕັດສິນຈາກຄົນອື່ນ ໂດຍເລີ່ມຈາກ “ພາຍໃນໃຈຂອງເຮົາເອງ” ບໍ່ຈຳເປັນຕ້ອງໄປໃຫ້ຄ່າກັບທຸກຄຳຄິດເຫັນ ຫຼື ຄອມເມັນລົບໆ ເພາະຖ້າບໍ່ມັກ… ກໍພຽງແຕ່ “Swipe” ຜ່ານໄປ. ມັນແມ່ນປັນຫາຂອງເຂົາ ບໍ່ແມ່ນຂອງເຮົາ. ແນວຄິດນີ້ສະທ້ອນໃຫ້ເຫັນການເຕີບໃຫຍ່ທາງຄວາມຄິດຂອງ DICE ຢ່າງຊັດເຈນ ແລະ ກ້າສົ່ງສານຫາຜູ້ຟັງໃນແບບທີ່ຊື່ສັດກັບຕົວເອງ.
ສ່ວນໃນ MV ກໍເຕັມໄປດ້ວຍພະລັງການເພີຟອມຂອງເມັມເບີທັງ 10 ຄົນ ທີ່ສະແດງຄາຣິສມ່າ ແລະ ຄວາມໝັ້ນໃຈອອກມາແບບບໍ່ກັ້ນ ຕອກຢ້ຳວ່າ DICE ໃນມື້ນີ້ ບໍ່ແມ່ນຄົນເກົ່າອີກຕໍ່ໄປ ແຕ່ເປັນວົງທີ່ຮູ້ວ່າຕົວເອງເປັນໃຜ ແລະ ຢາກເວົ້າຫຍັງກັບໂລກນີ້.
ຖ້າໃຜກຳລັງເມື່ອຍກັບຄຳຕິ, ຄຳວິຈານ ຫຼື ຄອມເມັນທີ່ບໍ່ສ້າງສັນ “Swipe Up” ອາດຈະເປັນເພງທີ່ເຮັດໃຫ້ເຮົາຢຸດ ແລະ ຍິ້ມໃຫ້ກັບຕົວເອງອີກຄັ້ງ ແລ້ວກໍພຽງແຕ່… Swipe ມັນຜ່ານໄປ.