ຍົກມາທັງຄ້າຍ SONRAY, LIT Pop Music Festival 2027 ຈັດເຕັມພາ BUS, DICE & 9214KIDS ກຽມຫຼິ້ນຄອນເສີດຢູ່ລາວ
ເຊື່ອວ່າຫຼາຍຄົນຄົງຈະເປັນ, ເວລາເຫັນຄອນເສີດຢູ່ປະເທດອື່ນແລ້ວໄດ້ແຕ່ກັດປາກນັ່ງເບິ່ງຜ່ານໜ້າຈໍທີ່ລົງໃນໂຊຊຽລພ້ອມກັບຄິດໃນໃຈວ່າ ມື້ໃດສິລະປິນທີ່ເຮົາຮັກຈະມາຮອດບ້ານເຮົາຈັກເທື່ອ? ບອກເລີຍວ່າຄວາມຮູ້ສຶກນັ້ນກຳລັງຈະໝົດໄປ ເພາະເດືອນ ສິງຫາ ປີ 2027 ຄວາມຝັນທີ່ຈະໄດ້ເຫັນໜ້າສິລະປິນໃນດວງໃຈກຳລັງຈະເປັນຈິງແລ້ວ.
ມ່ວນ ຂໍບອກວ່າຕອນນີ້ແມ່ນຮອດຄິວທີ່ພວກເຮົາຈະໄດ້ໄປຢືນກີດຢູ່ຕໍ່ໜ້າເວທີແລ້ວທຸກຄົນ, ເພາະ L.I.T Pop Music Festival ເອົາແທ້! ພ້ອມຍົກມາທັງຄ້າຍ SONRAY MUSIC ເລີຍ ເຊິ່ງ ມ່ວນ ກໍແອບໄປສ່ອງມາ ແລະ ເຫັນເພຈທາງການຂອງວົງ BUS ໄດ້ປ່ອຍ Timeline ຄອນເສີດຂອງວົງທີ່ກຳລັງຈະເກີດຂຶ້ນອອກມາ
ໃຜທີ່ຢາກໄປເຫັນສິລະປິນຈາກຄ້າຍ SONRAY MUSIC ແລະ ເບິ່ງການສະແດງດ້ວຍຕາເນື້ອຕ້ອງກຽມກົດບັດເລີຍ. ແຕ່ຖ້າໃຜບໍ່ຮູ້ວ່າ SONRAY MUSIC ແມ່ນໃຜ ດຽວມ່ວນເລົ່າໃຫ້ຟັງໜ່ອຍໜຶ່ງເດີຄື ຄ້າຍ SONRAY MUSIC ແມ່ນຜູ້ຢູ່ເບື້ອງຫຼັງຄວາມສຳເລັດຂອງວົງບອຍແບນຊື່ດັງຄື BUS (Because of you i shine) ແລະ DICE ລວມໄປເຖິງກຸ່ມເດັກຝຶກ 9214KIDS ທີ່ກຳລັງກຽມຈະເດບິວໃນໄວໆນີ້.
ຂະໜາດວ່າປີນີ້ມີ BUS ແລະ DICE ແຍກກັນມາແຕ່ລະ EP ຍັງເຮັດໃຫ້ມື້ຄອນເສີດເດືອດກັນສຸດໆ ແຕ່ຖ້າມາພ້ອມກັນນີ້ຈະຍິ່ງດີ ແລະ ມ່ວນຂະໜາດໃດ ພຽງແຕ່ຄິດກໍຟິນແລ້ວທຸກຄົນເອີ້ຍ. ສ່ວນຕອນນີ້, ຂໍ້ມູນເລື່ອງວັນເວລາໃດ, ຈັດຢູ່ໃສ ແລະ ເລີ່ມຂາຍບັດມື້ໃດນັ້ນ LIT POP ຍັງບໍ່ທัນໄດ້ປະກາດອອກມາແບບລະອຽດ, ຕ້ອງຖ້າລຸ້ນຕິດຕາມຂ່າວຈາກທາງຜູ້ຈັດງານກັນອີກເທື່ອເດີ.
ແຕ່ຍັງມີສິ່ງໜຶ່ງທີ່ເຮົາເລີ່ມກະກຽມຕັ້ງແຕ່ຕອນນີ້ໄດ້ເລີຍກໍຄື ການເກັບເງິນ, ຊ້ອມຮ້ອງເນື້ອເພງ ແລະ ຊ້ອມ Fan chant ໃຫ້ຄັກ ແລະ ໄປກຽມກົດບັດນຳກັນ ເພາະ ສິງຫາ 2027 ນີ້ ເຮົາມີນັດກັນ!